Jeremías 50:27 - CHUYA QELLQA La Biblia en Quechua de Ayacucho 2012

²⁷ Soldadonkunata wañuchiychik, nakana wasiman pusaychik. ¡Ay, imaynaraq kanqaku, castigasqa kananku punchawmi chayaramunña!

Quechua Ayacucho Bible 1987

²⁷ Novillonkunata sipichkaq hinayá soldadonkunata sipiychik. Nakana sitioman pusachkaq hinayá runankunata pusaychik. ¡Imaynaraq kanqaku paykunaqa! Castiganay punchawmi chayaramun. ¡Imaynaraq kanqaku paykunaqa! Castiganay tiempom chayaramun.

Chuya Qellqa 1992

²⁷ Soldadonkunata wañuchiychik, nakana wasiman pusaychik. ¡Ay, imaynaraq kanqaku, castigasqa kananku punchawmi chayaramunña!

Jeremías 50:27 Iomraidhean Croise

Jobwan Sutichasqa Libro 18:20

Chay runata chaykuna pasarusqanta yacharuspankum, intipa qespimunan lawpi yachaqkuna, intipa seqaykunan lawpi yachaqkuna, llumpayta mancharikunqaku.

Isaías 21:12

Llaqta cuidaqñataqmi nin: Chaylla achkiramuspapas ñataqmi tutaykunqaña. Tapukuyta munaspaqa tapukuychik, huktawan tapukuq kutimuychik, nispa.

Isaías 34:6

Tayta Diospa espadanmi yawarwan chaynataq wirawan chapukunqa, chapukunqaqa imaynam malta carnerokunata chaynataq cabrakunatapas sacrificiopaq nakasqankupi hinam. Señormi Bosra llaqtapi sacrificiota ruwanqa, Edom llaqtapiñataqmi nana-nanaqta wañuchinqa.

Isaías 34:7

Monte torokuna kaqllam, malta torokunawan poqosqa torokuna kaqllam wañunqaku. Allpankum yawarwan nuyuy-nuyuy kanqa, allpapas wirawan chapukuspam wiswirinqa.

Jeremías 12:3

Dios Taytalláy, qanmi reqsiwanki, qawawaspaykim qanman imayna sonqoyuq kasqayta yachawanki. Chay runakunatayá nakanapaq ovejakunata hina aparuy, nakasqa kananku punchawpaq sapaqcharuy.

Jeremías 25:34

Michiqkuna nanaywan qaparispa waqaychik, llaqtay michiqkuna allpapi kuchpaykachakuychik, Nakasqa kanaykichik punchawmi chayaramun, poqosqa carnerokuna hinam nakachikunkichik; kuyayllapaq vaso hinam pakikunkichik.

Jeremías 27:7

Llapallan nacionkunam payta, churinta hinaspa willkanta servinqaku. Chaynaqa, kanqa Babilonia nacionpas hatun nacionkunapa chaynataq atiyniyuq reykunapa makinman wichinankamam.

Jeremías 46:21

Pagasqa soldadokunapas wirayachisqa torokuna hinam kachkanku, ichaqa enemigonkuta mana aguantaspam lluptikunqaku, sasachakuypi kananku punchawmi chayaramun, castigasqa kananku punchawmi chayaramun.

Jeremías 48:10

Tayta Diospa kamachisqanta qellapakuspa ruwaqqa ñakasqayá kachun. Wañuchinanpaq kamachichkaptin mana wañuchiqqa ñakasqayá kachun.

Jeremías 48:15

Moab nacionqa tuñichisqam kanqa, llaqtankunam taqmasqa kanqa, allinnin jovenninkunam wañuchisqa kanqa. Ñoqa Tukuy Atiyniyuq Tayta Diosmi chaynata nini.

Jeremías 48:44

Ñoqa Tayta Diosmi kaynata nini: Manchakuymanta lluptiqkunam uchkuman wichiykunqaku, uchkumanta lluptiqkunam toqllaman wichiykunqaku. Moab runakunata castiganay tiempo chayaramuptinmi chayna kanqa.

Jeremías 50:11

Caldea nacionpi runakuna, maynatam kusikurqankichik, kusikuyllawanñam llaqtayta purmachirqankichik, llullu pastowan saksaruq vaquilla hinam pawaykacharqankichik, caballokuna hinam weqeqeqerqankichik.

Jeremías 50:31

Ñoqa Tukuy Atiyniyuq Tayta Diosmi kaynata nini: Hatunchakuq nación, contraykipim kachkani, punchawnikim chayaramun, castiganay punchawmi chayaramun.

Jeremías 51:40

Nakana wasiman malta carnerokunata, chivatokunata, poqosqa carnerokunata pusachimuchkaq hinam paykunataqa pusachimusaq.

Lamentaciones 1:21

Runakunam ñakakusqayta uyarinku, ichaqa manam pipas sonqollayta tiyaykachiq kanchu. Enemigoykunam ñakarisqayta yacharurqaku, chay ruwasqaykimantam paykuna kusikurqaku. Nisqayki punchawta chayachimuyña, ñoqa hina paykunapas ñakarinankupaq.

Apocalipsis 18:10

Castigota manchakuspankum karullamanta nichkanku: ¡Ay, ay, imaynaraq kanki, Babilonia hatu-hatun llaqta! Sinchi hatun tukuq llaqta, huk ñawi qemchiyllatam puchukayniki chayaramunqa, nispanku.

Apocalipsis 19:17

Rikurqanitaqmi huk angeltapas intipi sayachkaqta. Paymi llapallan alton pawaq animalkunata qayarqa kaynata: Huñunakuspayá Diospa hatun convi-donman hamuychik,