Jeremías 50:26 - CHUYA QELLQA La Biblia en Quechua de Ayacucho 2012

²⁶ ¡Tukuy hinastinmanta hamuspa Babiloniata atacaychik, kawsaykuna waqaychanan taqekunata kichaychik! ¡Runakunata huñuruspa lliwta wañuchiychik, ama hukllapas puchuchunchu!

Quechua Ayacucho Bible 1987

²⁶ Tukuy hinastinmanta hamuspayá atacaychik. Kawsaykuna huñunankutayá kicharuychik. Qechusqaykichiktayá kawsayta hina montoychik. Mana puchunankupaqyá pasaypaqta purmachiychik.

Chuya Qellqa 1992

²⁶ ¡Tukuy hinastinmanta hamuspa Babiloniata atacaychik, kawsaykuna waqaychanan taqekunata kichaychik! ¡Runakunata huñuruspa lliwta wañuchiychik, ama hukllapas puchuchunchu!

Jeremías 50:26 Iomraidhean Croise

Isaías 10:6

Paytaqa kamachini, mana kasuwaspa qepanchawaqniy llaqtapa contranpim, piñachiwaqniy runakunamanta qori-qollqenkuta suwaspa qechumunanpaqmi, callepi mituta hina sarumunanpaqmi.

Isaías 14:23

erizo animalkunapa yachananmanñam tikrarusaq, asnarichkaq mitupa kanantañam ruwarusaq. Pichanawan qopata pichachkaq hinam chinkachisaq, Tukuy Atiyniyuq Tayta Diosmi chaynata nin.

Isaías 25:10

Tayta Diosmi Sión moqota atiyninwan waqaychanqa; Moab naciontam ichaqa, wanupatapi qopata hina maymi kasqampi saruparunqa.

Isaías 45:3

Pakasqa qori-qollqekunatam qosqayki, Israelpa Tayta Diosnin kasqayta yachanaykipaq; pakaspa waqaychasqa kaqkunatam qosqayki, sutikimanta qayaqniki kasqayta yachanaykipaq.

Isaías 5:26

Tayta Diosmi karupi kaq nacionkunapaq banderata sayachin, silbaspam paykunata qayan, paykunañataqmi chaylla hamunku, utqayllamanñam chayaramunku.

Jeremías 50:10

Caldea nacionpa tukuy imantam apakunqaku, mana apaypas atinankukamam qechunqaku. Ñoqa Tayta Diosmi chaynata nini.

Jeremías 50:13

Ñoqa Tayta Dios piñakurusqayraykum manaña runayuq chunninqa, pasaypaq purmachisqam kanqa. Babilonia lawninta pasaqkunam admirakunqaku, purmachisqa kasqanmantam burlakunqaku.

Jeremías 50:15

Muyuriqninmanta ¡Guerra! nispa qapariychik, ¡Babilonia nacionmi wichirun! ¡Torrenkunawan murallankunam wichirun! ¡Kayqa ñoqa Tayta Diospa vengakuyniymi! ¡Imaynam ruwasusqaykichikta hina paykunatapas ruwaychik!

Jeremías 50:23

Nacionkunata tuñichiq martilloman rikchakuq Babilonia nacionmi pakipasqa rikurirun, ¡Babilonia llaqta purmarusqanwanmi llapa nacionkuna mancharisqallaña kachkanku!

Jeremías 50:41

Norte lawmantam huk nación hamuchkan, huk hatun nacionpa tropanmi hamuchkan, kay pachapa cantonmantam achkallaña reykuna hatarimuchkan.

Jeremías 51:44

Bel idolotam Babiloniapi castigasaq, imapas millpusqankunatam atqochisaq, nacionkunapas manañam paymanqa hamunqakuñachu. Babiloniapa murallankunam tuñichisqa kanqa.

Jeremías 51:64

kaynata ninki: ¡Tayta Dios castigaptinmi Babilonia kaynata chinkarunqa! ¡Tuñiruspanqa manañam haykapipas hatarinqañachu! nispayki. Kaypim Jeremiaspa rimasqankuna tukun.

Miqueas 7:10

Chayta qawaspanmi, ¿maytaq Tayta Diosnikiqa? niwaqniy enemigoypas penqakuymanta pakakunqa. Ñoqañataqmi ñanpi mituta hina sarusqata qawaspay kusikusaq.

Mateo 6:26

Alton pawaq urpikunata qawaychik, paykunaqa manam tarpunkuchu nitaq cosechankuchu, manataqmi taqemanpas huñunkuchu. Ichaqa hanaq pachapi Taytanchikmi mikuchin. ¡Qamkunaqa urpikunamantapas aswantam valenkichik!

Apocalipsis 14:19

Hinaptinmi rutunanwan chay ángel kay pachapi uvaskunata rutururqa, hinaspam uvas saruna pozoman huntarachirqa. Chay pozoqa karqa Diospa piñakuynin sutiyuq pozom.

Apocalipsis 19:15

Paypa siminmantam lloqsimurqa ñawchi espada chaywan nacionkunata vencenanpaq. Payqa fierromanta varawanmi nacion-kunapi munaychakunqa. Hina kiki-llantaqmi uvastapas sarunqa “Tukuy Atiyniyuq Diospa piñakuynin” vinota ruwananpaq.