Jeremías 50:21 - CHUYA QELLQA La Biblia en Quechua de Ayacucho 2012

²¹ Merataim llaqtatayá atacamuychik, Pecod llaqtayuqkunatayá atacamuychik, ñoqapa kamachisqayman hina, qatikachaspa pasaypaqta chinkachimuychik; kamachisqayman hina ruwamuychik, ñoqa Tayta Diosmi chaynata kamachikuni.

Quechua Ayacucho Bible 1987

²¹ Merataim llaqtatayá atacamuychik. Pecod llaqtayoqkunatayá atacamuychik. Pasaypaqtayá paykunataqa ñoqapaq tukumuychik. Ñoqapa tukuy kamachisqayta hinayá ruraychik. Ñoqa Tayta Diosmi chaynata nini.

Chuya Qellqa 1992

²¹ Merataim llaqtatayá atacamuychik, Pecod llaqtayuqkunatayá atacamuychik, ñoqapa kamachisqayman hina, qatikachaspa pasaypaqta chinkachimuychik; kamachisqayman hina ruwamuychik, ñoqa Tayta Diosmi chaynata kamachikuni.

Jeremías 50:21 Iomraidhean Croise

2~Samuel 16:11

Chaymantam Abisaitawan llapallan serviqninkunata David nirqa: Churiypuni wañuchiwananpaq maska-waptinqa razonchiki Benjamín casta runaqa. Tayta Dios chaynata kamachip-tinqa hinayá ñakawachun.

2~Reyes 18:25

Kay llaqtata tuñichiq hamunaypaqqa ¿manachum Tayta Dios kamachimuwarqa wak nacionman rispayki tuñichimuy, nispan?

2~Crónicas 36:23

Persiapa reynin Cirom kaynata nin: Hanaq pachapi Tayta Diosmi kay pachapi nacionkunata qowarqa, hinaspam Judá nacionpi kaq Jerusalén llaqtapi templota hatarichipunaypaq kamachiwarqa. Chaynaqa, qamkuna ukupi pipas Tayta Diospa llaqtan kaspaqa kutikuchun, Tayta Diosmi paywan kan-qa, nispa.

Isaías 10:6

Paytaqa kamachini, mana kasuwaspa qepanchawaqniy llaqtapa contranpim, piñachiwaqniy runakunamanta qori-qollqenkuta suwaspa qechumunanpaqmi, callepi mituta hina sarumunanpaqmi.

Isaías 44:28

Ñoqam rey Cirota nini: Qanmi michipuwaqniy kanki, munasqayta ruwaqmi kanki, nispay. Jerusalén llaqtatam nini: Musoqmanta hatarichisqam kanki, nispay. Templotapas kaynatam nini: Musoqmanta cimientasqam kanki, nispay.

Isaías 48:14

Chaynaqa, israelpa mirayninkuna, huñunakuspa uyariwaychik: ¿Mayqannin idolotaq kaykunata willakurqa? Ñoqa Tayta Diospa kuyasqay rey Cirom Babiloniawan chaynallataq Caldea nacionwan munasqayta ruwanqa.

Isaías 48:15

Rey Cirotaqa ñoqam rimapayarqani, qayaykuspaymi pusamurqani; chaynaqa maylawman rispapas allin chaninchasqam kanqa.

Jeremías 34:22

Ichaqa paykunata kamachiptiymi kaqmanta kutimuspa kay llaqtata atacanqaku, hinaspam munaychakuruspanku kañaykunqaku. Judá nacionpi llaqtakunatapas manaña runayuq kanankamam purmachisaq. Ñoqa Tayta Diosmi chaynata nini.

Jeremías 48:10

Tayta Diospa kamachisqanta qellapakuspa ruwaqqa ñakasqayá kachun. Wañuchinanpaq kamachichkaptin mana wañuchiqqa ñakasqayá kachun.

Jeremías 50:15

Muyuriqninmanta ¡Guerra! nispa qapariychik, ¡Babilonia nacionmi wichirun! ¡Torrenkunawan murallankunam wichirun! ¡Kayqa ñoqa Tayta Diospa vengakuyniymi! ¡Imaynam ruwasusqaykichikta hina paykunatapas ruwaychik!

Jeremías 50:3

Norte lawmantam Babiloniapa contranpi hamuchkanku, Caldea naciontam pasaypaqta purmachinqaku. Runakunapas chaynataq animalkunapas manañam chaypiqa kanqañachu, chay allpamantaqa lliwmi ayqekunqaku, nispa.

Jeremías 50:9

Babilonia naciontam norte lawmanta hamuq atiyniyuq nacionkunawan atacachisaq, llapallankum huklla yaykuspa munaychakurunqaku; paykunaqa flechakunawan allin peleaq soldadokunam, flechaspapas hapichinkupunim.

Ezequiel 23:23

Paykunam Babiloniamanta, Caldeamanta, Pecodmanta, Soamanta hinaspa Coamanta hamunqaku, paykunawantaqmi hamunqa Asiria runakunapas. Paykunaqa kuyayllapaq jovenkunam, llapallankum kamachikuqkuna hinaspa capitankuna, ancha reqsisqa runakuna, llapallankum caballopi kallpaqkuna.

Deuteronomio 33:27

Wiñaypaq kawsaq Diosmi pakakunaykiqa, wiñaypaq atiyninwanmi marqasunki. Ñawpaqnikichikmantam enemigoykichikta wischunqa, chinkachinaykichikpaqmi kamachikunqa.

1~Samuel 15:3

Chaynaqa, rispayá kunan Amalec runakunata wañuchimuy, amam imantapas puchuchinkichu, aswanqa wañuchinkim qarikunata, warmikunata, warmakunata, ñuñuq wawakunatapas chaynataq vacakunata, ovejakunata, camellokunata hinaspa asnokunatapas, nispa.