Jeremías 50:2 - CHUYA QELLQA La Biblia en Quechua de Ayacucho 2012

² Llapallan nacionkunaman willakamuychik, banderata hoqarispa qapariychik, mana imata pakaspa kaynata niychik: “Babilonia nacionmi vencesqa rikurirun, Bel sutiyuq idolonkum penqaypi rikurirun, Marduc sutiyuq idolonkupas ñutupasqam kachkan, tukuy rikchaq idolonkunapas penqakuypaqmi ñutupasqa kachkan”, nispaykichik.

Quechua Ayacucho Bible 1987

² Willakuychik llapallan nacionkunaman. Yachayta qoychik chay nacionkunaman. Banderata hoqarispayá qapariychik. Mana upallaspayá kaynata niychik: “Babilonia llaqtaqa vencesqañam rikurirun. Bel sutiyoq taytachankupas penqaypiñam rikurirun. Marduc sutiyoq taytachankupas ñutupasqañam kachkan. Taytacha-mamachankupas penqaypiñam kachkan. Mana valeq taytacha-mamachankunapas ñutupasqañam kachkan.”

Chuya Qellqa 1992

² Llapallan nacionkunaman willakamuychik, banderata hoqarispa qapariychik, mana imata pakaspa kaynata niychik: “Babilonia nacionmi vencesqa rikurirun, Bel sutiyuq idolonkum penqaypi rikurirun, Marduc sutiyuq idolonkupas ñutupasqam kachkan, tukuy rikchaq idolonkunapas penqakuypaqmi ñutupasqa kachkan”, nispaykichik.

Jeremías 50:2 Iomraidhean Croise

Isaías 12:4

Chay punchawmi ninkichik: Graciasta qospa Tayta Diosman qaparispa takiychik, tukuy ima ruwasqankunata lliw llaqtakunaman reqsichiychik, sutin hatunchasqa kasqanta yuyariychik.

Isaías 13:2

Banderata qala orqopa hawanpi sayachiychik, atacanankupaq soldadokunata qayaychik, kamachikuqkunapa punkunman yaykunanpaq makikichikwan señaschaychik.

Isaías 21:9

Waqaya caballokunapa aysasqan carretapi runakuna hamuchkan. ¡Babilonia naciontam vencerunku, idolonkunapas pampakunapiñam ñutupasqa wischurayachkan! nistin.

Isaías 37:19

Idolonkutapas ninamanmi wischuykurqaku, runakunapa kullumanta rumimanta ruwasqan kasqanraykum chaykunataqa chinkarachirqaku. Cheqaptapunipas chaykunaqa manam dioschu.

Isaías 39:1

Chay punchawkunapim Babilonia nacionpi Baladanpa churin rey Merodac-baladán cartatawan regalota rey Ezequiasman apachimurqa. Chaykunataqa apachimurqa onqorusqanmanta sanoyarusqanta yacharuspanmi.

Isaías 46:1

Bel idolom qonqorakuykun, Nebo sutiyuq idolom kumukuykun. Chay idolokunataqa animalkunaman churkuspam apanqaku, pisipasqa animalkunapaqqa llasaq cargam chaykunaqa.

Isaías 48:20

Babilonia llaqtamanta lloqsiychik, Caldea nacionpa chawpinmanta ayqeychik, kusikuywan qaparispa willakamuychik, kay pachapa tukupayninkama kaynata uyarichimuychik: “Tayta Diosmi serviqnin Jacobta libraykun”, nispa.

Isaías 48:6

Tukuy chaykunata uyarichkaspa chaynataq rikuchkaspachu, ¿chaykunaqa cheqap kasqanta mana willakunki? Kunanmi musoq kaqkunata uyariykachiki, mana yachasqayki pakasqa kaqkunatam uyariykachiki.

Jeremías 10:11

Israelpa mirayninkuna, chay mana reqsiwaqniy nacionkunata kaynata nimuychik: Kay pachatawan hanaq pachata mana unanchaq dioskunaqa, kay pachamantam chinkachisqa kanqaku, manam mayqanninpas puchunqachu, nispaykichik.

Jeremías 10:15

Chay idolokunaqa mana imapaq valeqmi, castigasqa kasqanku punchawmi ñutusqa kanqaku.

Jeremías 31:10

Nacionkuna, Tayta Diospa Chuya siminta uyariychik, lamar qochapa waklawninpi kaqkunaman willamuychik: ¡Israelta cheqechiq Tayta Diosmi paykunata huñumunqa, ovejakunata michiq hinam paykunata waqaychanqa! nispa.

Jeremías 4:16

Nacionkunaman willamuychik, Jerusalén llaqtaman nimuychik: Llaqtakuna atacaqmi karu nacionmantaraq hamuchkanku, Judá nacionpi llaqtakunapa contranpim qaparichkanku.

Jeremías 4:6

¡Sión llaqtapi banderata hoqariychik, maypim pakakunaykichikta utqayman maskaychik! Norte lawmantam hatun sasachakuytawan ñakariyta apamusaq.

Jeremías 46:14

Egiptopi willakamuychik. Migdol, Menfis hinaspa Tafnes llaqtakunaman kaynata nimuychik: ¡Puestoykichikpi listolla kaychik! ¡Espadam muyuriqnikichikpi wañuchichkan! nispaykichik.

Jeremías 50:46

Babilonia nacionta venceruptinkum allpapas katkatatanqaraq, qapariyninpas wakin nacionkunamanraqmi uyarikunqa.

Jeremías 51:12

¡Babilonia nacionpa murallankunapa hawanpi banderata sayachiychik! ¡Llaqta waqaychaqkunata yapaychik! ¡Vigilaqkunata churaychik! ¡Llaqta wateqaqkunata churaychik! Tayta Diosmi Babilonia nacionpa contranpi tanteasqankunata ruwayman churanqa.

Jeremías 51:27

Banderata kay nacionpi hoqariychik, nacionkunapi trompetata tocaychik, Babiloniata atacanankupaq nacionkunata alistamuychik. ¡Araratpi, Minipi hinaspa Askenazpi tropakunata hatarichimuychik! Chay tropakunapa capitanninta churaychik. Caballopi silladakunata aqaruway urukunata hinaña hatarichimuychik.

Jeremías 51:31

Willakuqkunam qatinasninpi kallpachkanku, Babilonia nación vencesqa kasqanta reyman willanankupaqmi kallpachkanku.

Jeremías 51:44

Bel idolotam Babiloniapi castigasaq, imapas millpusqankunatam atqochisaq, nacionkunapas manañam paymanqa hamunqakuñachu. Babiloniapa murallankunam tuñichisqa kanqa.

Jeremías 51:47

Chaynaqa, hamuchkanmi punchaw Babilonia nacionpa idolonkunata castiganaypaq. Babiloniam penqaypi rikurinqa, ayankunapas chawpinpim wischurayanqa.

Jeremías 51:52

Chaynaqa, hamuchkanmi punchaw Babiloniapa idolonkunata ñutupanaypaq, llapa heridokunapas lliw nacionpim nanaywan ñakarinqaku.

Jeremías 51:8

Babilonia nacionmi qonqaymanta wichirun, vencerachikuspanmi lliw ñutupakurun. ¡Paymanta qaparkachaychik! Heridankunapaq hampita apamuychik, icharaqpas sanoyanman.

Jeremías 52:31

Judá nacionpa reynin Joaquín, Babilonia nacionpi kimsa chunka qanchisniyuq wataña preso kachkaptinmi, chay watapa chunka iskayniyuq killanpa iskay chunka qanchisniyuq punchawninpi, Babilonia nacionpa reynin Evil-merodac, punta kaq wata munaychakuyninpi, rey Joaquinta carcelmanta hurqorurqa.

Jeremías 6:18

Chayraykum Tayta Dios kaynata nin: Nacionkuna uyariychik llaqtayta iman pasananta yachaychik.

Daniel 1:2

Judá nacionpa reynin Joacimtam, templopi kaq achka serviciokunatawan rey Nabucodonosorman Tayta Dios qoykurqa, hinaptinmi chay reyqa tukuy imata Sinar sutiyuq Babilonia nacionman aparqa, hinaspam idolonpa kapuqninkuna waqaychana wasinman churaykurqa.

Daniel 3:14

Hinaptinmi paykunata rey Nabucodonosor tapurqa: ¿Cheqapchu idoloykunata qamkuna mana yupaychankichik, qorimanta sayachisqay idolotapas manachu hatunchankichik?

Sofonías 2:11

Tayta Diosmi paykunapa contranpi manchakuypaqta hatarinqa, kay pachapi llapallan idolokunatam chinkarachinqa, hinaspanmi tukuy hinastinpi payllaña yupaychasqa kanqa, lamar qochapa chawpinpi llaqtakunapas paytam yupaychanqaku.

Apocalipsis 18:2

Llumpayta qaparispanmi nirqa: ¡Wichiykunñam, wichiykunñam hatu-hatun Babilonia llaqtaqa! Demoniokunapa wasinñam rikurirun, chay llaqtaqa tukuy rikchaq mana allin espiritupa yachananñam rikurirun, millakuypaq hinaspa cheqnipay llapa animalkunapa qesanñam rikurirun.