Jeremías 50:17 - CHUYA QELLQA La Biblia en Quechua de Ayacucho 2012

¹⁷ Israelqa leonkunapa cheqerachisqan chinkasqa oveja hinam. Puntatam Asiria nación mikururqa, paypa qepantañataqmi Babilonia nacionpa reynin Nabucodonosor tullunkunatawanpas katkarqa.

Quechua Ayacucho Bible 1987

¹⁷ —Leonkuna qatikachaptin cheqerachisqa ovejakuna hinam Israel casta runakunaqa. Puntatam ovejata leon mikuchkaq hina Asiria nacionpi rey paykunata mikururqa. Paypa qepantañataqmi ovejapa tullunta kachuchkaq hina Babilonia nacionpa reynin Nabucodonosor paykunata tukururqa.

Chuya Qellqa 1992

¹⁷ Israelqa leonkunapa cheqerachisqan chinkasqa oveja hinam. Puntatam Asiria nación mikururqa, paypa qepantañataqmi Babilonia nacionpa reynin Nabucodonosor tullunkunatawanpas katkarqa.

Jeremías 50:17 Iomraidhean Croise

2~Reyes 15:19

Asiria nacionpa reynin Tiglat-pilesermi Israel nacionta atacananpaq hamurqa, chaymi rey Manahemqa kimsa chunka kimsayuq waranqa kilo qollqeta Tiglat-pileserman qorqa, Manahempa favorninpi kaspan munaychakuyninpi takyachinanpaq.

2~Reyes 15:29

Israelpi rey Peka munaychakuchkaptinmi Asiria nacionpa reynin Tiglat-pileser Israelman chayarurqa. Atacaspa vencesqan llaqtakunam kaykuna: Ijón, Abel-bet-maaca, Janoa, Cedes, Hazor, Galaad, Galilea hinaspa Neftalí law; venceruspanmi llapa runankunatapas presocharuspan Asiria nacionman aparqa.

2~Reyes 24:1

Rey Joacimpa tiemponpim Babilonia nacionpa reynin Nabucodonosor, Judá nacionpa contranpi hamurqa. Venceruptinmi kimsa wata Joacim servirqa, chaymantam Nabucodonosorpa contranpi hoqarikururqa.

2~Reyes 24:10

Chay tiempopim Babilonia nacionpa reynin Nabucodonosorpa capitanninkuna Jerusalén llaqtapa contranpi hamururqaku, hinaspam atacanankupaq llaqtapa muyuriqninpi churakururqaku.

2~Reyes 25:1

Isqon wataña rey Sedequías munaychakuchkaptinmi, chunka kaq killapa chunka punchawninpi Babilonia nacionpa reynin Nabucodonosor, llapa tropankunawan Jerusalén llaqtapa contranpi hamuruspan muyuriqninpi churakururqa. Campamentonta sayarachispanmi rampakunata llaqtapa muyuriqninpi hatarirachirqa.

2~Crónicas 28:20

Asiria nacionpa reynin Tiglat-pileserpas hamuruspanmi mana yanapaspan aswanqa rey Acaztaraq atacarqa.

2~Crónicas 33:11

Chayraykum paykunapa contranpi, Asiria reypa tropankunapa kamachiqninkunata Tayta Dios pusaramurqa. Paykunam rey Manasesta hapiruspanku cadenawan wataruspa Babilonia llaqtaman pusarqaku.

Isaías 15:9

Dimón llaqtapi yakukunapas yawarwan huntañam kachkan chaywanpas Dimón llaqtamanqa hatun castigotaraqmi kachamusaq. Moab llaqtamanta ayqeqmanmi leonta kachaykusaq, chay nacionpi puchuqkunatam leonkuna mikunqa.

Isaías 47:6

Runaykunawan piñasqa kaspaymi, penqaypi kanankupaq makikiman hapiykachirqayki. Ichaqa paykunatam mana llakipayarqankichu, yuyaqkunatapas llasaq qepita apachispam ñakarichirqanki.

Jeremías 10:25

Piñakuynikiqa mana reqsisuqniki nacionkunamanyá chayachun, mana yupaychasuqniki nacionkunamanyá chayachun. Paykunaqa Jacobpa mirayninkunatam chinkarachirqaku, chinkarachispam pasaypaqta wasillankutapas purmarachirqaku.

Jeremías 2:15

Malta leonkunam paykunapa contranpi qaparkachanku, manchakuypaqta qaparispam allpankutapas chunnirachinku; llaqtankutapas kañarunkum, manañam pipas yachanñachu.

Jeremías 21:7

Chaymantam Judá nacionpa reynin Sedequiastapas, serviqninkunatapas, llaqta runakunatapas chaynataq peste onqoywan, guerrawan, yarqaywan wañunankumanta puchuqkunatapas, Babilonia nacionpa reynin Nabucodonosorman hinaspa wakin enemigonkunaman qoykusaq, hinaptinmi mana llakipayarispa wañuchinqaku. Ñoqa Tayta Diosmi chaynata nini.

Jeremías 4:7

Leonmi machayninmanta lloqsiramunña, nacionkuna purmachiqmi hamuchkanña; nacionnikichikta chinkachinanpaqmi lloqsiramunña, llaqtaykikunata purmachinanpaqmi lloqsiramunña, mana runayuqtaña saqenanpaqmi lloqsiramunña.

Jeremías 49:19

Imaynam Jordán mayupa patanpi montemanta león lloqsispa sumaq pastopa kasqanman kallpan, chaynam ñoqapas qonqaymanta hamuruspay Edom nacionniyuq runakunata ayqerachisaq, hinaptinmi ñoqapa akllasqay runaña paykunapi munaychakunqa. ¿Pitaq ñoqa hina kanman? ¿Pitaq ñoqawan atipanakunman? ¿Mayqan michiqtaq ñoqapa contraypi hatarinman?

Jeremías 5:17

Cosechaykikunatam mikuspa tukurunqaku, churikunatapas qarita warmitam mikurunqaku, ovejaykikunatawan vacaykikunatam mikukurunqaku, uvasnikikunatawan higosnikikunatam kuchuparunqaku. Hapipakunayki murallasqa llaqtaykikunatapas lliwmi tuñirachinqaku.

Jeremías 5:6

Chayraykum paykunataqa leonkuna montemanta lloqsiramuspa wañurachinqa, chunniq atoqkunam tukuparunqa, tigrillokunam llaqtankumanta lloqsimuptinku tisaparunqa. Chaynataqa ruwanqa Tayta Diosta qepanchaspa llumpayta huchallikusqankuraykum.

Jeremías 50:6

Llaqtayqa chinkasqa ovejakuna hinam karqa, michiqninkunam ñanta pantarachispa orqokunapi cheqesqata saqerurqaku. Orqon-orqon purispankum kanchankutapas qonqarurqakuña.

Jeremías 51:38

Leonkuna hinam qaparinqaku, malta leonkuna hinam qaparkachanqaku.

Jeremías 52:1

Rey Sedequiasmi iskay chunka hukniyuq watanpi kachkaspan munaychakuyta qallaykurqa. Chunka hukniyuq watam Jerusalén llaqtapi munaychakurqa. Mamanmi karqa Libna llaqtayuq Jeremiaspa churin Hamutal.

Ezequiel 34:12

Imaynam huk michiq ovejankuna cheqeruptin maskamun, chaynam ñoqapas ovejaykunata maskamusaq; hinaspaymi tutayaq yana puyupa tapaykusqan punchawpi tukuy hinastinman cheqerusqankumanta libramusaq.

Daniel 6:24

Chaymantam rey kamachikuptin, Daniel acusaq runakunata pusamurqaku, hinaspam warmintinta churintinta wischuykurqaku leonkunapa kasqan uchkuman, hinaptinmi manaraqpas pampaman chayaykuchkaptinku leonkuna pawaykuspa tisaparurqa, llapallan tullunkupas chamchakunankama.

Joel 3:2

Llapallan nacionkunatam Josafat qechwaman huñurusaq. Chaypim paykunata juzgasaq llaqtayta tukuy ima ruwasqankumanta. Paykunam Israel llaqtayta huklaw nacionkunaman cheqerachirqaku, hinaspankum allpaytapas partenakururqaku.

1~Pedro 2:25

Qamkunaqa chullaruq ovejakuna hinam karqankichik, kunanmi ichaqa Cristomanña kutirikunkichik, paymi allin michiq hina almaykichikta michichkan.