Jeremías 50:16 - CHUYA QELLQA La Biblia en Quechua de Ayacucho 2012

¹⁶ Babiloniapiqa tarpuqtapas cosechaqtapas lliwta wañuchiychik. Guerrata qawaykuspankum huklaw nacionniyuqkunapas, sapakama maymi kasqanku nacionman lluptikunqaku.

Quechua Ayacucho Bible 1987

¹⁶ Babilonia lawpi tarpuqkunatayá wañuchiychik. Cosechapi rutuna hapiqkunatayá wañuchiychik. Forasterokunata ñakarichiq runakunam guerrapi wañunqaku. Chayraykum forasterokunaqa nacionninkumanña kutikunqaku. Sapakamam maymi kasqanku nacionman lluptikunqaku.

Chuya Qellqa 1992

¹⁶ Babiloniapiqa tarpuqtapas cosechaqtapas lliwta wañuchiychik. Guerrata qawaykuspankum huklaw nacionniyuqkunapas, sapakama maymi kasqanku nacionman lluptikunqaku.

Jeremías 50:16 Iomraidhean Croise

Isaías 13:14

Chaymi qatikachasqa luwichu hina, mana michiqniyuq oveja hina, sapakama ayllunkuman ayqenqaku, sapakamam allpankuman lluptinqaku.

Jeremías 25:38

Machayninmanta lloqsimuq león hinaraqmi lloqsiramun, paykunapa llaqtankum purmasqa qeparun, Tayta Diospa piñakuyninmi nina hinaraq ratarirun, manchakuypaq guerratam paykunaman kachaykamun.

Jeremías 46:16

Soldadoykikunam mitkarunku, hukninkum hukninkupa hawanman wichichkanku, kikinkupuram ninakunku: “Hatarispa llaqtanchikman ripukusun, nacesqanchik nacionman kutikusun, wañuchinakuymanta lluptikusun”, nispanku.

Jeremías 51:23

michiqkunatawan ovejakunatapas, yapuqkunatawan torokunatapas, munaychakuqkunatawan kamachikuqkunatapas.

Jeremías 51:9

¡Babiloniataqa hampirunikuñam, ichaqa manam sanoyanchu! ¡Saqeychik! Llaqtanchikman sapakama ripukusun. Huchankunaqa cielokamaraqmi chayarun, puyukamaraqmi hoqarikurun.

Joel 1:11

Chakra llamkaqkuna, uvas plantaqkuna, llakikuymanta waqaychik; trigomantawan cebadamanta waqaychik, chakrakunapim cosecha pierderun.

Amós 5:16

Tukuy Atiyniyuq Tayta Diosmi kaynata nin: Llapa plazakunapim waqanqaku, callekunapim qaparkachanqaku. Chakrapi llamkaqkunatam waqanankupaq qayamunqaku, waqapakuspa ganakuqkunatam waqanankupaq pusamunqaku.