Jeremías 50:15 - CHUYA QELLQA La Biblia en Quechua de Ayacucho 2012

¹⁵ Muyuriqninmanta ¡Guerra! nispa qapariychik, ¡Babilonia nacionmi wichirun! ¡Torrenkunawan murallankunam wichirun! ¡Kayqa ñoqa Tayta Diospa vengakuyniymi! ¡Imaynam ruwasusqaykichikta hina paykunatapas ruwaychik!

Quechua Ayacucho Bible 1987

¹⁵ Tukuy muyurinninmantayá guerrapi qapariyta qapariychik. “Babilonia llaqtaqa vencesqañam” nispayá qapariychik. Torrenkunapas wichisqañam kachkan. Murallankunapas taqmasqañam kachkan. Ñoqa Tayta Diospa pagasqayman hinayá vengakuychik. Paykunapa rurasqanman hinayá paykunawan ruraychik.

Chuya Qellqa 1992

¹⁵ Muyuriqninmanta ¡Guerra! nispa qapariychik, ¡Babilonia nacionmi wichirun! ¡Torrenkunawan murallankunam wichirun! ¡Kayqa ñoqa Tayta Diospa vengakuyniymi! ¡Imaynam ruwasusqaykichikta hina paykunatapas ruwaychik!

Jeremías 50:15 Iomraidhean Croise

1~Crónicas 29:24

Llapa kamachikuqkunawan allinnin qari-qari soldadokunapas hinaspa Davidpa lliw churinkunapas, llapallankum rey Salomonta munaychakuyninpi yanaparqaku.

2~Crónicas 30:8

Chaynaqa, amayá ñawpaq taytay-kichikkuna hina rumi sonqoqa kaychikchu. Tayta Diosman kutirikuspayá chuyanchasqan santuarionman hamuspa yupaychasqanchik Tayta Diosta serviychik, hinaptinqa piñakuyninmi qamkunamanta asurinqa.

Isaías 59:17

Allinkuna ruwasqanwanmi qasqonta hinaspa wasanta harkachikunawan hinaraq churakurqa, salvaq kasqanwanmi cascowan hinaraq churakurqa, vengakuyninwanmi pachawan hina churakurqa, piñakuyninwanmi mantonwan hina capakurqa.

Isaías 59:18

Sapakamamanmi ruwasqankuman hina pagapunqa, enemigonkunatam payqa ñakarichinqa. Cheqniqninkunamanmi payqa kutichipunqa, lamar qochapa patanpi kaqkunamanmi pagapunqa.

Isaías 61:2

Tayta Diospa kuyapayakuynin watamanta willakamunaypaq, enemigonchikmanta Diospa vengakunan punchawmanta willakamunaypaq, llapallan llakisqakunata consuelamunaypaq.

Isaías 63:4

Vengakunay punchawmi chayaramunña, llaqtayta reclamanay punchawmi chayaramunña.

Jeremías 46:10

Tukuy Atiyniyuq Tayta Diospa punchawniymi chay punchawqa, chay punchawpim enemigonkunamanta vengakunqa. Espadam runakunata aminankama wañuchinqa, yawarninkuwanmi sinkanqa. Norte law nacionpim, Eufrates mayupa hichpanpim Tukuy Atiyniyuq Tayta Dios wañuchinqa.

Jeremías 50:14

¡Llapa flechaqkuna, Babiloniapa muyuriqninpi churakuychik! ¡Ñoqa Tayta Diospa contraypi huchallikusqanmanta mana samaykuspa flechaykichikta kachariychik!

Jeremías 50:25

Tayta Diosmi armankuna waqaychanan wasita kicharun, piñakuy armankunatam hurqoramun; Tukuy Atiyniyuq Tayta Diosmi Caldea runakunawan imam ruwananta ruwanqa.

Jeremías 50:44

Jordán mayupa patan montemanta pastokunapa kasqanman lloqsiq león hinam, qonqaymanta lloqsiruspay Babilonia runakunata lluptirachisaq. ¿Pitaq ñoqa hina kanman? ¿Pitaq ñoqawan atipanakunman? ¿Mayqan michiqtaq ñoqawan churanakunman?

Jeremías 51:11

Tayta Diosmi Babiloniata chinkachinqa, templonta tuñichisqanmantam vengakunqa. Flechaykichikta alistakuychik, escudoykichikta hapiychik. Babilonia nacionta tuñichinankupaqmi Media nacionpa reyninkunata Tayta Dios kallpanchamuchkan.

Jeremías 51:14

Tukuy Atiyniyuq Tayta Diosmi kikinrayku juraspan kaynata nin: Enemigoykikunawanmi aqaruway urukunawan hinaraq inturachisqayki, paykunam vencesusqaykita hatunmanta qaparinqaku, nispa.

Jeremías 51:24

Ñoqa Tayta Diosmi kaynata nini: Babilonia nacionmanwan Caldea runakunamanmi, Sión llaqtapi mana allinkuna ruwasqankumanta qayllaykichikpi pagasaq.

Jeremías 51:25

Ñoqa Tayta Diosmi nini: Nacionkunata tuñichiq orqo, qampa contraykipim kachkani. Makiytam castiganaypaq hoqarisaq, qaqapa hawanmantam kumpaykusqayki, hinaspaymi kañasqa orqoman tikrasqayki.

Jeremías 51:30

Babilonia nacionpa allinnin qari-qari soldadonkunam mana peleanankupaq pakakurunku, mana kallpayuqñam rikurirunku, warmikuna hinañam rikurirunku; wasinkunam kañasqaña kachkan, punkunkunapi cerrojonkunapas pakipasqañam kachkan.

Jeremías 51:36

Chayraykum Tayta Dios kaynata nin: Ñoqam qamta nanachikusqayki, enemigoykikunatam vengakusaq, Babiloniapa pukyunkunatawan mayuntam chakichisaq,

Jeremías 51:44

Bel idolotam Babiloniapi castigasaq, imapas millpusqankunatam atqochisaq, nacionkunapas manañam paymanqa hamunqakuñachu. Babiloniapa murallankunam tuñichisqa kanqa.

Jeremías 51:58

Tukuy Atiyniyuq Tayta Diosmi kaynata nin: Babiloniapa rakta-rakta perqakunatam pasaypaqta purmachinqaku, hatu-hatun punkunkunatam kañaykunqaku. Yanqapaqmi llamkaqkunapas hatarichirqaku, nina tukurunanpaqmi pisipaywan llamkarqaku.

Jeremías 51:6

¡Vidaykichikta salvanaykichikpaq Babiloniamanta lluptiychik! ¡Ama paykunapa huchanmanta wañuychikchu! ¡Ñoqa Tayta Diospa vengakunay punchawmi chayaramun! ¡Imam ruwasqankuman hinam pagapusaq!

Jeremías 51:64

kaynata ninki: ¡Tayta Dios castigaptinmi Babilonia kaynata chinkarunqa! ¡Tuñiruspanqa manañam haykapipas hatarinqañachu! nispayki. Kaypim Jeremiaspa rimasqankuna tukun.

Lamentaciones 5:6

Saksanaykukama mikunaykupaqmi, Egipto nacionman Asiria nacionman makillaykuta haywariniku.

Ezequiel 17:18

Judapa reyninqa mana haykapipas qepanchananpaq juraspa pacto ruwasqantam yanqacharurqa. Chaykuna ruwasqanmantam wañunqapuni, nispa.

Ezequiel 21:22

Alleq makinpi flecham Jerusalén llaqtaman toqpiykun, chaypa ninanqa kaykunam: Guerrapaq tukuy rikchaq armakunawan atacamuy, llaqtapi runakunata wañuchimuy, guerrapaq qapariy, punkunkunata tuñichiy, rampakunata ruwachiy, atacanaykipaq torrekunata hatarichiy ninanmi.

Nahúm 1:2

Tayta Diosqa celosom hinaspa vengakuqmi, Tayta Diosqa contranpi sayariqkunamanta vengakuqmi, enemigonkunapa contranpi piñakuqmi.

Mateo 7:2

Imaynam juzgas-qaykichikman hinam Diospas juzga-sunkichik, imaynam ruwasqaykichikman hinataqmi Diospas qamkunawan ruwanqa.

Lucas 21:22

Chay punchawkunaqa Qellqapa nisqankuna cumplikunanpaqmi Diospa castiganan punchawkuna kanqa.

Romanos 12:19

Kuyasqay wawqe-panillaykuna, ama pitapas vengakuychikchu aswanqa Señorpa makinman churaychik payña castigananpaq. Chuya Qellqapim kaynata nin: “Mana allin ruwaqkunataqa kikiypunim vengakusaq, mana allin ruwasqanman hinam pagapusaq”, nispa.

Romanos 3:5

Huchasapa kasqanchikmi reqsichiwanchik Diosqa mana pimanpas sayapakuspa juzgasqanta, hinaptinqa ¿imanisuntaq? Chaynaqa, huchanchikmanta Dios castigawaspanchikqa, ¿cheqniwaspanchikchu chayta ruwanman? (Chaytaqa runa hinallam rimachkani).

Deuteronomio 32:35

Mana allin ruwaqkunatam castigasaq, mana allin ruwasqankuman hinam pagapusaq. Wichinanku punchawmi chayamuchkanña, chinkachisqa kananku punchawmi hichpaykamuchkanña, purmachisqa kananku punchawmi utqaykamuchkanña”, nispa.

Deuteronomio 32:41

Espadayta llipipipinankama ñawchiyachispaymi, justicia ruwanaypaq espadayta hapiykuspaymi, enemigoykunamanta vengakusaq, ruwayninkuman hinam cheqniwaqniykunaman pagapusaq.

Deuteronomio 32:43

Llapa nacionkuna, Diospa llaqtanwan kusikuychik, Tayta Diosmi serviqninkunapa wañusqanmanta vengakunqa, enemigonkunatam castiganqa. Allpantam chuyanchanqa, runankunatam pampachanqa, nispa.

2~Tesalonicenses 1:8

Hinaspam Dios mana reqsiqkunatawan Señorninchik Jesusmanta allin noticia mana kasukuqkunata castiganqa.

Santiago 2:13

Pipas runamasin mana llakipayaqtaqa juicio punchawpim paytapas Cristo mana llakipayanqachu, runamasin llakipayaqtam ichaqa llakipayanqa.

Josué 6:20

Chaymi runakuna qaparirqaku, sacerdotekunapas cornetatam tocarqaku. Cornetapa waqasqanta uyarispanku llapa runakuna tukuy kallpankuwan qapariptinkum llaqtapa muyuriqninpi perqakuna tuñiykamurqa, hinaptinmi llaqtaman yaykuruspanku lliwta puchukarachirqaku.

Josué 6:5

Cornetata unay waqaqta uyariykuspaykichikmi, llapallaykichik tukuy kallpaykichikwan qaparinkichik, hinaptinmi llaqtapa muyuriqninpi perqakuna tuñiykunqa. Chayñam llaqtaman sapakama mana imata manchakuspa yaykunkichik, nispa.

Apocalipsis 16:6

Chay juzgasqayki runakunaqa qamllapaqña kawsaqkunatam wañuchirqaku, profetaykikunapa yawarnintam chaqchurqaku, chayna ruwasqankumantam paykunamanpas yawarta upyarachinki, paykunaqa chaytam munarqaku”, nispa.

Apocalipsis 18:6

Paykunamanqa qosqankuman hina kutichipuychik, ruwasqankuman hina huk chaynatawan pagapuychik, upyachisqanman hina huk chaynatawan upyachiychik.

Apocalipsis 19:2

Diosqa cheqapwanmi mana pimanpas sayapakuspa juzganqa, llumpay huchallikuq chuchumikatam castigarqa, chay warmiqa huchapakuyninwanmi kay pachata qanracharurqa, Dios serviqkuna wañuchisqanmantam chay warmitaqa vengakurun, niqta.

1~Samuel 15:33

Samuelmi ichaqa nirqa: Espadaykiwanmi achkallaña warmikunapa wawanta wañuchirqanki, chaynapunim mamaykipas manaña wawayuq kanqa. Chaynata nispanmi Agagta Samuel wañurachirqa Gilgal llaqtapi, Tayta Diospa ñawpaqninpim chika-chikanta kuchuparurqa.