Jeremías 50:11 - CHUYA QELLQA La Biblia en Quechua de Ayacucho 2012

¹¹ Caldea nacionpi runakuna, maynatam kusikurqankichik, kusikuyllawanñam llaqtayta purmachirqankichik, llullu pastowan saksaruq vaquilla hinam pawaykacharqankichik, caballokuna hinam weqeqeqerqankichik.

Quechua Ayacucho Bible 1987

¹¹ Caldea nacionpi kaq runakuna, runaykunamanta suwakuq runakuna, llullu pastopi kallpakachaq vaquilla hinam pawaykacharqankichik. Kallpasapa caballokuna hinam weqeqeqerqankichik. Chaynatam qamkunapas anchallataña kusikurqankichik.

Chuya Qellqa 1992

¹¹ Caldea nacionpi runakuna, maynatam kusikurqankichik, kusikuyllawanñam llaqtayta purmachirqankichik, llullu pastowan saksaruq vaquilla hinam pawaykacharqankichik, caballokuna hinam weqeqeqerqankichik.

Jeremías 50:11 Iomraidhean Croise

Proverbios 17:5

Wakcha runamanta burlakuq runaqa unanchaqninpa contranpim hatarin, sasachakuypi tarikuqmanta asikuqqa castigachikunqapunim.

Isaías 47:6

Runaykunawan piñasqa kaspaymi, penqaypi kanankupaq makikiman hapiykachirqayki. Ichaqa paykunatam mana llakipayarqankichu, yuyaqkunatapas llasaq qepita apachispam ñakarichirqanki.

Isaías 47:8

Mana allin kawsayta kuyaq warmi uyariy, munaychakuspa hawkallaña kakuq warmi, sonqoykipim ninki: “Ñoqallam kani, ñoqa hinaqa manam pipas kanchu, manam haykapipas viudayasaqchu, nitaqmi haykapipas wawaykunaqa wañunqachu”, nispayki.

Jeremías 12:14

Israelpa mana allin vecinonku-namantam Tayta Dios kaynata nin: Israelman qosqay allpa qechuqkunatam maymi kasqankumanta hurqorusaq. Judá llaqtaytapas paykuna ukumantam hurqomusaq.

Jeremías 46:20

Egipto nacionqa kuyayllapaq vaquilla hinam, ichaqa norte lawmanta hamuq tankayllum kachurunqa.

Jeremías 46:21

Pagasqa soldadokunapas wirayachisqa torokuna hinam kachkanku, ichaqa enemigonkuta mana aguantaspam lluptikunqaku, sasachakuypi kananku punchawmi chayaramun, castigasqa kananku punchawmi chayaramun.

Jeremías 5:28

Wirayaruspankum lluchkay-lluchkay uyayuqraq kachkanku, mana allinkuna ruwasqankupas manaña yupay atinam, mana tayta-mamayuqkunapaqpas manam allin arreglotaqa ruwankuchu, wakchakunatapas manam nanachikunkuchu.

Jeremías 5:8

Yeguapa qepanki potro caballokuna hinaraqmi runamasinkupa warminta qatikachaspa weqeqeqenku, nispa.

Jeremías 50:17

Israelqa leonkunapa cheqerachisqan chinkasqa oveja hinam. Puntatam Asiria nación mikururqa, paypa qepantañataqmi Babilonia nacionpa reynin Nabucodonosor tullunkunatawanpas katkarqa.

Jeremías 50:27

Soldadonkunata wañuchiychik, nakana wasiman pusaychik. ¡Ay, imaynaraq kanqaku, castigasqa kananku punchawmi chayaramunña!

Lamentaciones 1:21

Runakunam ñakakusqayta uyarinku, ichaqa manam pipas sonqollayta tiyaykachiq kanchu. Enemigoykunam ñakarisqayta yacharurqaku, chay ruwasqaykimantam paykuna kusikurqaku. Nisqayki punchawta chayachimuyña, ñoqa hina paykunapas ñakarinankupaq.

Ezequiel 35:15

Israelpa mirayninkunapa herencianku allpa purmachisqa kaptinmi kusikurqanki, chaynatapunim qanwanpas ruwasaq: Seir orqom purmachisqa kanqa, Edom nacionmi purmachisqa kanqa. Chaynapim Tayta Dios kasqayta yachanqaku.

Ezequiel 36:5

Ñoqaqa cheqaptapunim llapa nacionkunapa contranpi piñakuruni, Edompaqmi mastaqa piñasqa kachkani. Paykunaqa kusikuywan hinaspa hatun despreciowanraqmi allpayta hapikuykuspanku chakraykunatapas saquearqaku.

Oseas 10:11

Efrainqa trillayta yachachisqa vaquilla hinam, sumaqllaña matankanman yugota wataruptiymi Judá yapunqa, Jacobñataqmi kurpakunata ñutunqa.

Amós 4:1

Basán lawpi wira vacakuna kaqlla Samaria llaqtapi warmikuna, qamkunam wakchakunata usuchinkichik, mana imayuqkunatam sarutyankichik. Qosaykichiktam kamachinkichik vinota apamuy tomananchikpaq, nispaykichik. Qamkunayá kayta uyariychik.

Abdías 1:12

Amamiki wawqekipa ñakarisqan punchawpi asipayawaqchu karqa, amataqmi Judapa mirayninkuna tuñisqan punchawpi kusikuwaqchu karqa, nitaqmi paykunapa sasachakuynin punchawpi burlakuwaqchu karqa.

Habacuc 1:15

Caldea runakunam anzuelowan mallawan challwachkaq hina llapa runakunata hapiruspa sinchillataña kusikunku.

Zacarías 14:12

Jerusalenpa contranpi hatarimuq nacionkunatam Tayta Dios kaynata castiganqa: Runankunapa aychanmi kaw-sachkaptillankuraq ismurunqa, ñawinkuwan qallunkupas maymi kasqanpim ismurunqa.

Deuteronomio 32:15

Ichaqa Jesurunmi wirayaruspan haytakuqllaña rikurirurqa, wiranpas wiswirinankamam anchallataña poqorurqa; hinaspam unanchaqnin Tayta Diosta saqerurqa, waqaychaqnin qaqatam wischupakururqa.