Jeremías 50:1 - CHUYA QELLQA La Biblia en Quechua de Ayacucho 2012

¹ Babilonia nacionpa chaynataq Caldea runakunapa contranpim Jeremiasnintakama Tayta Dios kaynata nirqa:

Quechua Ayacucho Bible 1987

¹ Tayta Diosmi paymanta willakuq Jeremiasman rimapayaspan Babilonia llaqtapa chaynataq Caldea law runakunapa contranpi kaynata nirqa:

Chuya Qellqa 1992

¹ Babilonia nacionpa chaynataq Caldea runakunapa contranpim Jeremiasnintakama Tayta Dios kaynata nirqa:

Jeremías 50:1 Iomraidhean Croise

Génesis 10:10

Nimrodmi kamachikuyta qallaykurqa Babel llaqtapi, Erec llaqtapi, Acad llaqtapi hinaspa Calne llaqtapi; chaykunam Sinar lawpi tarikun.

Génesis 11:31

Tareymi lloqsirqa Caldea lawpi Ur llaqtamanta Canaán lawman rinanpaq, hinaspam pusarqa churin Abramta warmintinta, chaynataq Haranpa churin Lottapas; Lotqa karqa Tareypa willkanmi. Harán llaqtaman chayaruspankum chaypi yacharqaku.

Génesis 11:9

Chayraykum chay llaqtata Babelwan suticharqaku, runakunapa rimayninta Tayta Dios chaypi chaqwarusqanrayku, hinaspam kay pachapi tukuy hinastinman cheqerachirqa.

2~Samuel 23:2

Tayta Diospa Espiritunmi ñoqantakama rimarin, palabrankunam simillaypiña kachkan.

2~Reyes 17:24

Asiria nacionpa reyninmi Babilo-niamanta, Cutamanta, Avamanta, Hamat-manta hinaspa Sefarvaim llaqtamanta runakunata aparuspan Israel runakunapa rantinpi paykunataña Samaria llaqtapi churarurqa, chaymi hapikuykuspanku paykunaña yacharqaku.

Jobwan Sutichasqa Libro 1:17

Manaraqpas chay runa willakuyta tukuchkaptinmi huk runapas chayaramuspan nirqa: Kimsaman rakisqa Caldea tropakunam hamuruspanku camellokunata qatikunku, michiqkunatapas espadawanmi wañurachinku. Ñoqallañam lluptiramuni qanman willanaypaq, nispa.

Isaías 14:4

Babiloniapi reypa contranpi kaynata takispa asipayankichik: ¡Imaynamá ñakarichikuq reyqa kaynaqa tukurun! ¡Imaynamá hatun tukuspa ruwasqanpas kaynaqa tukurun!

Isaías 23:13

Caldea nacionta qawariychik, manañam kunanqa llaqtañachu. Asiria nacionmi purun animalkunapa sayanantaña ruwarunku; paykunam torrekunata ruwaruspa yaykurunku, hinaspam pasaypaqta purmarachinku; chayna kanankupaqqa kikinkum huchayuq.

Jeremías 25:12

Qanchis chunka wata pasaruptinmi, Babilonia nacionpa reynintawan Caldea nacionniyuq runakunata, mana allinkuna ruwasqankumanta puchukarachisaq. Ñoqa Tayta Diosmi chaynata nini.

Jeremías 27:7

Llapallan nacionkunam payta, churinta hinaspa willkanta servinqaku. Chaynaqa, kanqa Babilonia nacionpas hatun nacionkunapa chaynataq atiyniyuq reykunapa makinman wichinankamam.

Daniel 1:1

Judá nacionpi rey Joacim kimsa wataña kamachikuchkaptinmi, Babilonia nacionpa reynin Nabucodonosor Jerusalén llaqtapa contranpi hamurqa, hinaspam campamentonta llaqtapa muyuriqninpi hatarirachirqa.

Hechos 7:4

Chaymi Diospa nisqanman hina, Caldea lawmanta Abraham ripukuspan Harán llaqtapi yacharqa. Chaypi taytan wañukuptinmi payta Dios pusamurqa kay kasqanchik allpaman.

2~Pedro 1:21

Manataqmi profetakunaqa qellqarqa runapa munasqanman hinallachu, aswanqa Chuya Espiritupa yuyay qosqanman hinam Diosmanta rimarqaku.

Apocalipsis 14:8

Iskay kaq angelñataqmi nirqa: “¡Tuñirunñam, tuñirunñam Babilonia hatun llaqtaqa! Chay llaqtam vino upyachichkaq hina llapa runakunaman huchapakuyninta upyachirqa”, nispa.