Jeremías 5:31 - CHUYA QELLQA La Biblia en Quechua de Ayacucho 2012

³¹ Profetakunam llullata profetizanku, sacerdotekunam munayninkuman hina kamachikunku, runaykunañataqmi paykunaman hapipakunku. Ichaqa, ¿imatataq tukupay punchaw chayamuptin ruwankichik?

Quechua Ayacucho Bible 1987

³¹ Ñoqamanta willakuqkunam llullallata rimanku. Sacerdotekunam munasqankuman hinalla gobiernanku. Runaykuna, qamkunapas chaytataqmi munankichik. Tukupay tiempo chayamuptinqa ¿imatataq rurankichik?

Chuya Qellqa 1992

³¹ Profetakunam llullata profetizanku, sacerdotekunam munayninkuman hina kamachikunku, runaykunañataqmi paykunaman hapipakunku. Ichaqa ¿Imatataq tukupay punchaw chayamuptin ruwankichik?

Jeremías 5:31 Iomraidhean Croise

1~Reyes 22:6

Chaymi Israelpa reynin, yaqa tawa pachak profetakunata huñurachirqa, hinaspam tapurqa: ¿Risaqchu Galaad lawpi Ramot llaqtapa contranpi peleaq icha manachu? nispa. Hinaptinmi paykunañataq nirqaku: Arí, riypuni, Tayta Diosmi makikiman churamunqa, nispanku.

Proverbios 17:4

Mana allin ruwaq runaqa mana allin runapa rimasqantam uyarin, llulla runañataqmi llullamasinpa rimasqanta uyarin.

Isaías 10:3

¿Imatataq castigo punchawpi ruwankichik? ¿Karumantaraq sasachakuy hamususqaykichik punchawpi, pimantaq yanapasunaykichikpaq hapipakunkichik? ¿Maypitaq qori-qollqekichikta saqenkichik?

Isaías 20:6

Chay tiempopim lamar qochapa patanpi yachaqkuna ninakunqaku: Hapipakusqanchik nacionta qawaychik. Asiria nacionpi reymanta librawananchikpaqmi chay nacionman hapipakuq kallpaq kanchik, ¿imaynatataq kunanqa lluptisunchik? nispanku.

Isaías 33:14

Sión llaqtapi huchasapakunam paqway mancharisqa kachkanku, Diosta mana yupaychaqkunam pasaypaqta katkatataspa ninku: ¿Mayqanninchiktaq rupakuq nina ukupi yachachwan? ¿Mayqanninchiktaq wiña-wiñaypaq rupakuq nina ukupi yachachwan? nispanku.

Isaías 43:27

Ñawpaq taytaykikunapas huchallikurqakum, yachachiqnikikunapas manam kasuwarqakuchu.

Isaías 47:7

“Wiñaypaq munaychakuq señoram kasaq”, nispam nirqanki, ichaqa manam kaykunamanta tantearqankichu, nitaqmi imaynam kaykuna tukurunantapas yuyaymanarqankichu.

Jeremías 12:4

¿Haykapikamataq allpa chakisqalla kanqa? ¿Haykapikamataq purunpi qorakunapas qawisqa kanqa? Kay nacionpi yachaqkunapa huchanmantam uywakunawan alton pawaq animalkunapas chinkarun. Paykunam ninku: Diosqa manam imayna tukurunanchiktapas yachanchu, nispanku.

Jeremías 14:14

Hinaptinmi Tayta Diosñataq niwarqa: Paykunaqa sutiypi profetizaspan-kupas llullakuchkankum, paykunataqa manam kachamurqanichu nitaqmi rimapayarqanichu. Paykunaqa yanqa revelaciontam, yanqa visionkunatam, sonqonkumanta yanqakuna hurqos-qankutam profetizachkanku.

Jeremías 26:7

Chaymi templopi Jeremiaspa rimasqankunata, llapa sacerdotekuna, profetakuna hinaspa llapa runakunapas uyarirqaku.

Lamentaciones 1:9

Qachachakusqanpas sutillam pachanpi kachkan, manam musyakurqachu imaynam tukuruytapas, qonqaymantam wichiykun, manam pipas consuelaqnin kanchu. Dios Taytalláy, sasachakuypi kallasqayta qawariway, enemigoypa hatunchakusqanta qawariy.

Lamentaciones 2:14

Profetaykikunapas pantaykunallatam willasurqanki manam huchaykikunataqa qawachisurqankichu, mana chayqa manam preso riwaqchu karqa, aswanqa llullakunatawan mana pasaqkunallatam willasurqanki chaykunawanmi pantachisurqanki.

Lamentaciones 4:13

Chaykunaqa pasakurqa profetakunapa huchanmantam, sacerdotekunapa mana allinkuna ruwasqanmantam, inocente runakunata llaqta ukupi wañuchisqankumantam.

Lamentaciones 4:18

Purisqaykupas wateqasqallam kachkan, manam callekunamanpas lloqsiyta atinikuchu. Puchukanayku punchawmi hichpamuchkanña, wañunayku punchawmi chayamuchkanña.

Ezequiel 13:10

Arí, paykunaqa yanqa willakuykunawanmi runaykunata pantarachinku, mana hawkayay kachkaptin allinllam kachkanchik, nispanku; paykunaqa rikchakunku kuyuchkaq perqata ruwaruspa estucowan llusiqkunamanmi.

Ezequiel 13:6

Visionkuna rikusqankupas manam cheqapchu, profetizasqankupas llullam. Paykunaqa mana kachamuchkaptiymi “Tayta Diosmi kaynata nin” nispankuraq rimankupas, hinaspam imam rimasqanku cumplikunanta suyanku.

Ezequiel 22:14

Castigasqay punchawqa manam imayna kutipawaytapas atinkichu. Ñoqa Tayta Diosqa imam rimasqaytaqa cumplisaqpunim.

Oseas 4:9

Chayraykum sacerdotekunatapas chaynataq runakunatapas, mana allin kawsayninkuman hina ñakarichispay imam ruwasqankuman hina castigasaq.

Oseas 6:10

Israel llaqtapim millakuypaq kaqkunata rikurqani, chaypim Efraín waqllikurun, chaypim Israel millakuypaq huchawan inturachikun.

Oseas 9:5

¿Imatataq Tayta Diospa hatun kusikuy fiestanpi ruwankichik?

Miqueas 2:11

Sichum huk runa llullakuspan kaynata ninqa: “Vinoraykum, aqaraykum qampaq profetizasaq”, nispa, chayna runam qamkunapa profetaykichik kanqa.

Miqueas 2:6

Profeta tukuqkunam Diospa profetankunata ninku: Ama yanqakunata willawaykuchu, manam ima sasachakuypas pasawanqakuchu, nispanku.

Miqueas 3:11

Kamachiqninkunapas pagollapaqmi kamachikunku, sacerdotenkunapas qollqellapaqmi yachachikunku, profetakunapas qollqellapaqmi profetizanku, Tayta Diosman hapipakuq tukuspankum kaynata ninku: Diosmi ñoqanchikwan kachkan, manam ima sasachakuypas chayamuwasunchu, nispanku.

Sofonías 3:4

Profetankunapas hatun tukuq hinaspa iskay uya llullakunam, sacerdotenkupas Diospa altarnintam qachacharunku, Diospa kamachikuynintam saruparunku.

Deuteronomio 32:20

Chayraykum Tayta Dios nirqa: Paykunatam qepanchakurusaq, imatas ruwanqaku; paykunaqa mana allin ruwaqkunam, paykunaqa iskay uya churikunam.

Deuteronomio 32:29

Yachayniyuq kaspaqa musyakunmankuchá imapim tukurunankutapas.