Jeremías 5:24 - CHUYA QELLQA La Biblia en Quechua de Ayacucho 2012

²⁴ Qamkunaqa manam yuyaymanarqankichikchu: Yupaychasqanchik Tayta Diostayá kasukusun nispallapas, tarpuy parapas poqoy parapas chayachimuqtayá kasukusun nispallapas, tiempollanpi cosecha qowaqninchiktayá yuyarisun nispallapas.

Quechua Ayacucho Bible 1987

²⁴ Qamkunaqa manam yuyaymanarqankichikchu: “Yupaychasqanchik Tayta Diostayá respetasunchik” nispallapas. “Tarpuypipas poqoypipas parachimuqtayá respetasunchik” nispallapas. “Cosecha tiempo qowaqninchiktayá respetasunchik” nispallapas.

Chuya Qellqa 1992

²⁴ Qamkunaqa manam yuyaymanarqankichikchu: Yupaychasqanchik Tayta Diostayá kasukusun nispallapas, tarpuy parapas poqoy parapas chayachimuqtayá kasukusun nispallapas, tiempollanpi cosecha qowaqninchiktayá yuyarisun nispallapas.

Jeremías 5:24 Iomraidhean Croise

Génesis 8:22

Kay pacha kanankamaqa kanqam tarpuypas cosechapas, chiripas rupaypas, poqoypas chirawpas, punchawpas tutapas, nispa.

1~Reyes 17:1

Rey Acabtam Galaad law Tisbe llaqtayuq Elías nirqa: “Israelpa yupaychasqan Tayta Dios-raykum jurani, ñoqaqa serviqnin kasqayraykum paypa qayllanpi kachkani, manam kay watakunapi para kanqachu nitaqmi sullayllapas sullamunqachu ñoqa ninaykama”, nispa.

Jobwan Sutichasqa Libro 29:23

Parata suyachkaq hinam paykunaqa suyawaqku, rupaypi parata suyachkaq hinam suyawaqku.

Jobwan Sutichasqa Libro 38:37

¿Pitaq ancha yachayniyuq kanman puyukunata yupananpaq? ¿Pitaq puyñumanta tallichkaq hina cielokunamanta parachimun,

Jobwan Sutichasqa Libro 5:10

Payqa allpamanmi parata chayachimun, chaywanmi chakrakunata parqon;

Isaías 64:7

Manam pipas qayakamusuqnikiqa kanñachu, hapipakamusuqnikipas manam kanñachu. Qanmi ñoqaykumanta karunchakurunki, mana allin ruwasqaykupa munaychakusqantam saqeruwankiku.

Jeremías 10:13

Rimariptillanmi cielopi yakukunapas sinchillataña paramun, puyukunatapas kay pachapa patankunamantam hatarichimun, rayokunatapas paratawan kuskatam chayachimun, maymi kasqanmantam wayratapas hurqomun.

Jeremías 14:22

¿Yaqachu huklaw nacionkunapa idolonkuna parachimunman? ¿Yaqachu cielokunapas kikillanmanta paramunman? Dios Taytalláy, qamllam parachimuqqa kanki, ñoqaykuqa qamllapim hapipakuniku, qamllam tukuy chaykunataqa ruwanki, nispa.

Jeremías 2:19

Millakuypaq kaqkuna ruwasqaykikunam castigasunki, mana kasukuynikikunam condenasunki; tantearispayá sumaqta yuyaymanariy, mayna sasam hinaspa mayna manchakuypaqmi yupaychasqayki Tayta Diosta saqeruwaspa mana kasukuyqa. Ñoqa Tayta Diosmi chaynata nini.

Jeremías 3:3

Chayraykum tarpuy parawan poqoy parapas manaña chayamurqachu. Penqakunayki kachkaptinpas, chuchumika hina mana penqakuqñam rikurirunki.

Jeremías 5:22

Ñoqa Tayta Diosmi kaynata nini: ¿Manachu ñoqata manchakuwankichik? ¿Manachu qayllaypi katkatatankichik? Lamar qochapa patantam linderonpaq churarqani, chayta lamar qocha mana pasananpaq. Olankunapas mancharikuypaqta qaparispa hoqarikuchkaspapas manam pasayta atinmanchu.

Jeremías 50:5

Sión llaqtaman maynin chayanankutam tapukunqaku, hinaspam chay llaqta lawman qawarispanku ninqaku: “Tayta Diospaman hakuchik, mana haykapipas qonqanapaq wiñaypaq pactota ruwaspa payman hukllawakamusunchik”, nispanku.

Oseas 3:5

Chaymantam Israelpa mirayninkuna kutirimuspanku Tayta Diosninkuta chaynataq reyninku Davidtapas maskanqaku. Tukupay punchawkunapiqa Tayta Diostam manchakunqaku, bendicionninkunatapas kuyakuywanmi chaskikunqaku.

Oseas 6:1

Israelpa mirayninkunam nirqaku: Hamuychik, Tayta Diosman kutirikusun. Paymi llikiparuwarqanchik paytaqmi hampiykuwasunpas; paymi heridaruwarqanchik paytaqmi sanoyaykachiwasunpas.

Joel 2:23

Sión moqopi yachaqkuna, Diosnikichikpi kusikuychik, payqa yapuy paratapas tiempollanpim qosunkichik, yapuy paratapas poqoy paratapas ñawpaqpi hinam tiempollanpi qosunkichik.

Amós 4:7

Cosechapaq kimsa killaraq faltachkaptinmi paratapas mana parachimurqanichu. Huk llaqtapim parachirqani huk llaqtapiñataqmi mana, partentam para chayarqa, parapa mana chayasqanñataqmi chakirurqa.

Zacarías 10:1

Tayta Diosmanta poqoy parata mañakuychik, hinaptinqa yana puyukunata hatarichiq Diosmi sinchi parata qomususpaykichik allpaykichiktapas ruruchinqa.

Mateo 5:45

Chaynapim hanaq pachapi kaq Taytaykichikpa churinkuna kankichik, payqa intitapas allin ruwaq runapaqwan mana allin runapaqmi qespichimun, paratapas lliwpaqmi chayachimun.

Hechos 14:17

Chaywanpas Diosqa runakunapaq allin kaqkunata ruwaspam pim kasqanta reqsichikurqa. Paymi parachimun, paytaqmi tarpuykunatapas allinta ruruchispa mikunanchikpaqpas chani-chaninta qowanchik, chaynapi kusisqa kawsananchikpaq, nispanku.

Deuteronomio 28:12

Kapuqninkunata kicharispanmi cielokunamanta allpaykichikman tiempollanpi parachimunqa, hinaspam tukuy ruwasqaykichikpi yanapasunkichik. Achka nacionkunamanmi prestankichik, qamkunam ichaqa mana pimantapas prestakunkichikchu.

Santiago 5:7

Chaynaqa, wawqe-panillaykuna, Señor-ninchik kutimunankamayá paciencia-kuychik. Chakrapi llamkaqpas allin-ta cosechananpaqqa tarpuy paratawan poqoy paratam pacienciawan suyan.

Apocalipsis 11:6

Chay testigokunaqa parata usyachinankupaq atiyniyuqmi kasqaku, chaynataqa usyachiqku Diosmanta willakuy tukunankukamam. Paykunaqa yakutapas yawar-yachinankupaq hinaspa kay pachapi runakunata tukuy rikchaq castigokunawan munasqankuman hina ñakarichinankupaq atiyniyuqmi kasqaku.