Jeremías 5:22 - CHUYA QELLQA La Biblia en Quechua de Ayacucho 2012

²² Ñoqa Tayta Diosmi kaynata nini: ¿Manachu ñoqata manchakuwankichik? ¿Manachu qayllaypi katkatatankichik? Lamar qochapa patantam linderonpaq churarqani, chayta lamar qocha mana pasananpaq. Olankunapas mancharikuypaqta qaparispa hoqarikuchkaspapas manam pasayta atinmanchu.

Quechua Ayacucho Bible 1987

²² Ñoqa Tayta Diosmi nini: ¿Manachum ñoqata respetawankichik? Qayllaypiqa ¿manachum katkatatankichik? Lamar qochapa patantam churarqani linderonpaq, chaynapi wiñaypaq decretoman hina mana pasananpaq. Olankuna hoqarikuspapas manam pasayta atinmanchu. Mancharikuypaqta qaparispapas manam pasayta atinmanchu.

Chuya Qellqa 1992

²² Ñoqa Tayta Diosmi kaynata nini: ¿Manachu ñoqata manchakuwankichik? ¿Manachu qayllaypi katkatatankichik? Lamar qochapa patantam linderonpaq churarqani, chayta lamar qocha mana pasananpaq. Olankunapas mancharikuypaqta qaparispa hoqarikuchkaspapas manam pasayta atinmanchu.

Jeremías 5:22 Iomraidhean Croise

Génesis 1:9

Chaymantam Dios nirqa: Cielopa ukunpi yakukuna huk hawaqllaman huñunakuptin chaki allpa rikurichun, nispa. Hinaptinmi chayna karqa.

1~Reyes 13:28

ayata ñanpi chutarayachkaqta tarirurqa, asnotawan leontañataqmi chay ayapa waqtanpi sayachkaqta. Leonqa manam chay ayata mikusqachu nitaqmi asnotapas imanasqachu.

Jobwan Sutichasqa Libro 26:10

Diosqa lamar qochapa muyuriqninta linderopaq churaykuspanmi tutayaymanta achkiyta rakinarqa.

Jobwan Sutichasqa Libro 37:24

Chayraykum Diostaqa runakunapas respetanku, yachaysapa tukuq runakunataqa Diosqa manam kaqpaqpas hapinchu, nispa.

Jobwan Sutichasqa Libro 38:8

Maymi kasqanmanta lamar qocha toqyamuptin ¿pitaq punkukunawan wichqarurqa?

Proverbios 8:29

Lamar qochapa linderonkunata churaptinpas, kay pachapa cimientonkunata churaptinpas, chaypim karqani.

Isaías 50:2

¿Imanasqataq hamuspayqa mana pitapas tarirqanichu? ¿Imanasqataq qayakuptiypas mana pipas rimarirqachu? ¿Makiychu pisiparun qamkunata manaña libray atinaypaq? ¿Atiyniychu tukurun qamkunata manaña salvanaypaq? Kamachispallaymi lamar qochata chakichini, kamachispallaymi mayukunata chakichini, challwankunapas yakumantam wañuruspa ismurunku.

Isaías 64:2

amalaya kichkakunata ruparuq nina hinaraq, yakuta timpuchiq nina hinaraq, hinaptinqa enemigoykikunachá sutikita reqsinmanku, nacionkunapas qayllaykipichá katkatatanmanku.

Isaías 66:5

Tayta Diospa nisqanta kasukuqkuna uyariychik. Ñoqata kuyawasqaykichikrayku cheqnispa wischusuqnikichik wawqekichikkunam kaynata ninku: “Tayta Diosyá atiyninta qawachikuchun, chaynapi kusikusqaykichikta qawanaykupaq”, nispanku. Ichaqa paykunam penqayman churasqa kanqaku.

Jeremías 10:7

Qamqa nacionkunapa reyninmi kanki, lliwpa manchakunanmi kanki. Llapallan yachayniyuqkunamantapas, kay pachapi reykunamantapas, qam hinaqa manam pipas kanchu.

Jeremías 2:19

Millakuypaq kaqkuna ruwasqaykikunam castigasunki, mana kasukuynikikunam condenasunki; tantearispayá sumaqta yuyaymanariy, mayna sasam hinaspa mayna manchakuypaqmi yupaychasqayki Tayta Diosta saqeruwaspa mana kasukuyqa. Ñoqa Tayta Diosmi chaynata nini.

Jeremías 31:35

Punchawpi achkinanpaq inti churaqmi, tuta achkinanpaq killatawan chaskakunata churaqmi, lamar qochata kuyuchispan olankunata qaparichiqmi, Tukuy Atiyniyuq Tayta Diosmi kaynata nin:

Daniel 6:26

Munaychakusqaypi llapallan runakunatam decretaspay kamachimuykichik Danielpa Diosninta manchakuywan kasukunaykichikpaq. Payqa kawsaq Diosmi, wiñaypaq takyaq Diosmi, kamachikuyninpas mana haykapipas tukuqmi, munaychakuyninpas mana haykapipas puchukaqmi.

Amós 4:12

Chaynatam Israel qamkunawanpas ruwasaq, qamkunawan chaynata ruwanay kachkaptinqa, Diosnikichikwan tupanaykichikpaq allichakuychik.

Amós 9:6

Tayta Diosmi yachananta hanaq pachapi unancharqa, hinaspanmi kay pachapa hawanpi sapincharqa; lamar qochapa yakunta qayaspanmi, kay pachaman chaqchurimun. Tayta Diosmi sutin.

Jonás 1:16

Chayta qawaykuspankum barcopi llamkaqkuna Tayta Diosta llumpayta manchakururqaku, chaymi Diosman sacrificiokunata qospanku yupaycha-nankupaqpas anchallataña promete-kurqaku.

Nahúm 1:4

Lamar qochapas mayukunapas qaqchaptinqa chakirunmi, Basanpiwan Carmelo orqopi sachakunapas qawirunmi. Líbano orqopi waytakunapas qawirunmi.

Mateo 10:28

Cuerpo wañuchiqkunataqa amayá manchakuychikchu, manam almataqa wañuchiyta atinmankuchu, manchakuychikqa almantinta, cuerpontinta infiernopi wiñaypaq chinkachiqtayá.

Marcos 4:39

Jesusñataqmi hatarispan wayrata qaqcharqa, qochatañataqmi nirqa: ¡Hawkayay! nispan. Chaymi wayra samaruptin lliw hawkayarurqa.

Lucas 12:5

Kunanmi yachachisqaykichik pitam manchakunaykichikta: Manchakuychikqa wañurachispa infiernoman wischuykunanpaq atiyniyuq kaqtayá. Arí, paytam manchakunaykichikqa.

Deuteronomio 28:58

Sichum kay libropi qellqasqa yachachikuykunata mana kasukuptikichikqa, nitaq ancha reqsisqa manchakuypaq Señornikichik Tayta Diostapas mana manchakuptikichikqa,

Apocalipsis 15:4

Señorllayku, ¿pitaq mana manchakusunkimanchu? ¿Pitaq mana yupaychasunkimanchu? Qamllam chuyaqa kanki, chayraykum llapa nacionkuna hamuspanku hatunchasunki, allin ruwaq kasqaykitam qawaykachikunki, nispa.