Jeremías 5:12 - CHUYA QELLQA La Biblia en Quechua de Ayacucho 2012

¹² Paykunaqa Tayta Diosta qepanchaspankum kaynata nirqaku: Diosqa manam kanchu, ima mana allinpas manam chayamuwasunchu, guerrapas yarqaypas manam hamuwasunchu.

Quechua Ayacucho Bible 1987

¹² Paykunaqa Tayta Diosta negaspam nirqaku: Payqa manam imanawasunchu. Manam ima castigopas hamuwasunchu. Guerrapas manam hamuwasunchu. Yarqaypas manam hamuwasunchu.

Chuya Qellqa 1992

¹² Paykunaqa Tayta Diosta qepanchaspankum kaynata nirqaku: Diosqa manam kanchu, ima mana allinpas manam chayamuwasunchu, guerrapas yarqaypas manam hamuwasunchu.

Jeremías 5:12 Iomraidhean Croise

2~Crónicas 36:16

Paykunam ichaqa Diospa kachasqan runakunamanta asikurqaku, profetakunapa willakusqankutapas mana uyariq tukuspankum burlakurqaku. Chayraykum runankunapa contranpi Tayta Dios piñakururqa manaña ima ruwaytapas atinankukama.

Proverbios 30:9

Yanqañataq saksanaykama mikuruspa qamta qepanchaspay niyman: ¿Pitaq Tayta Diosqa? nispay; otaq wakchayaspay suwakuyman, hinaspay sutikita penqayman churayman.

Jeremías 14:22

¿Yaqachu huklaw nacionkunapa idolonkuna parachimunman? ¿Yaqachu cielokunapas kikillanmanta paramunman? Dios Taytalláy, qamllam parachimuqqa kanki, ñoqaykuqa qamllapim hapipakuniku, qamllam tukuy chaykunataqa ruwanki, nispa.

Jeremías 2:6

Paykunaqa manam tapukurqakuchu: ¿Maytaq Egiptomanta hurqomuwaqninchik Tayta Diosqa? nispallapas. ¿Maytaq mana imapa kanan chunniqninta pusamuwaqninchikqa? nispallapas ¿Maytaq wañuypa kanan sinchi tutayay chaki allpanta pusamuwaqninchikqa? nispallapas. ¿Maytaq runapa mana yachanan allpankunata pusamuwaqninchikqa? nispallapas.

Jeremías 28:4

kutichimusaqtaqmi Joacimpa churin Judá nacionpa reynin Jeconiastawan Judá nacionmanta Babilonia nacionman preso apasqa runakunatapas. Babilonia nacionpi reypa yugontam pakisaq. Ñoqa tayta Diosmi chaynata nini, nispa.

Jeremías 4:10

Chaymi nirqani: ¡Ay, Dios Taytalláy! ¡Imaynamá kay naciontawan Jerusalén llaqtataqa engañarunki! Hawkayaytam prometerqanki, ichaqa cuchillom kunkankupiña kachkan, nispay.

Jeremías 43:1

Yupaychasqanku Tayta Diospa tukuy ima nimusqanta llapa runakunaman Jeremías willayta tukuruptinmi,

Jeremías 5:31

Profetakunam llullata profetizanku, sacerdotekunam munayninkuman hina kamachikunku, runaykunañataqmi paykunaman hapipakunku. Ichaqa, ¿imatataq tukupay punchaw chayamuptin ruwankichik?

Jeremías 6:14

Llaqtaypa heridantapas hawallantam hampiykunku, hinaspankum sasachakuy kachkaptinpas hawkayaymi kachkan ninkuraq.

Ezequiel 13:6

Visionkuna rikusqankupas manam cheqapchu, profetizasqankupas llullam. Paykunaqa mana kachamuchkaptiymi “Tayta Diosmi kaynata nin” nispankuraq rimankupas, hinaspam imam rimasqanku cumplikunanta suyanku.

Miqueas 2:11

Sichum huk runa llullakuspan kaynata ninqa: “Vinoraykum, aqaraykum qampaq profetizasaq”, nispa, chayna runam qamkunapa profetaykichik kanqa.

Miqueas 3:11

Kamachiqninkunapas pagollapaqmi kamachikunku, sacerdotenkunapas qollqellapaqmi yachachikunku, profetakunapas qollqellapaqmi profetizanku, Tayta Diosman hapipakuq tukuspankum kaynata ninku: Diosmi ñoqanchikwan kachkan, manam ima sasachakuypas chayamuwasunchu, nispanku.

Deuteronomio 29:19

Sichum pipas, kay pactopi kaq ñakaykunata uyarichkaspan sonqonpi kaynata alabakunman: “Rumi sonqo kaspay munasqayta ruwakuptiypas, tukuy imam allinpuni lloqsiwanqa”, nispa. Chayna runaqa llapallan runakunatam urmarachinqa.

1~Juan 5:10

Pipas Diospa Churinman iñiqqa chay nisqantam tukuy sonqonwan chaskin. Pipas Diospa nisqanta mana creeqmi ichaqa Diosta llullapaq hapichkan.

1~Samuel 6:9

Ichaqa kaytam qawasunchik, sichum chay carreta qespinqa Bet-semes llaqtaman ñanninta, hinaptinqa chaypim yachasun Israelpa Diosnin kay ñakariykuna churamusqanta, mana chayna kaptinqa yachasunchiktaqmi chay castigoqa mana paymanta hamusqanta, aswanqa yanqa onqoylla kasqanta, nispa.