Jeremías 5:1 - CHUYA QELLQA La Biblia en Quechua de Ayacucho 2012

¹ Tayta Diosmi kaynata nin: Jerusalenpa callenkunapiyá purimuychik, allinta qawamuspayá maskamuychik; icharaqpas pillatapas allin arreglo ruwaq runata tarimuwaqchik, cheqap rimaq runata tarimuwaqchik, hinaptinqa Jerusalentam pampachasaq.

Quechua Ayacucho Bible 1987

¹ Tayta Diosmi nin: Jerusalenpa callenkunapiyá puriramuychik. Allinta qawamuspayá maskaramuychik. Tapukamuychikyá plazankunapipas. Icharaqpas tarimuwachik pillatapas. Allin arreglaq runa kaptinqa Jerusalen llaqtatam pampachasaq. Cheqap kaqta maskaq runa kaptinqa Jerusalen llaqtatam pampachasaq.

Chuya Qellqa 1992

¹ Tayta Diosmi kaynata nin: Jerusalenpa callenkunapiyá purimuychik, allinta qawamuspayá maskamuychik; icharaqpas pillatapas allin arreglo ruwaq runata tarimuwaqchik, cheqap rimaq runata tarimuwaqchik, hinaptinqa Jerusalentam pampachasaq.

Jeremías 5:1 Iomraidhean Croise

1~Reyes 19:10

Eliasñataqmi nirqa: Tukuy Atiyniyuq Tayta Dios, sonqoymi qanmanta llumpay llakisqa kachkan, Israelpa mirayninkunam pacto ruwasqaykita saqeruspa altarnikikunatapas tuñirachinku. Profetaykikunatapas espadawan wañurachiptinkum sapallayña qeparuni, ichaqa ñoqatapas wañuchi-wanankupaqmi maskawachkanku, nispa.

2~Crónicas 16:9

Tayta Diosqa kay pachapi tukuy ima pasakusqantam qawamuchkan, chaynapi paypa qayllanpi allin sonqoyuqkunaman atiyninta qawachinanpaq. Loco hinam kaykunataqa ruwarunki, kunanmantaqa guerrallañam qampa contraykipi kanqa, nispa.

Proverbios 20:6

Achkaqmi kuyapayakuq kasqankumanta alabakunku, chaywanpas confiakunapaq hina runataqa, ¿pitaqsi tarinman?

Proverbios 23:23

Cheqap kaqtawan yachayta rantiy, yachachikuytawan yuyayniyuq kayta rantiy, hinaspa ama rantikuychu.

Proverbios 8:3

llaqtaman yaykuna punkukunapim qayakun, wasipa punkukunapim kaynata qaparin:

Cantares 3:2

Chaymi hatarispay, llaqtaman lloqsispa callekunapi, plazakunapi kuyasqayta maskarqani. Ichaqa maynataña maskaspaypas manam tarirqanichu.

Isaías 59:4

Juzgadomanmi llullakuspa quejakuq rinkichik, juezkunamanpas manam cheqap kaqwanchu rinkichik. Aswanqa yanqakunallapim hapipakunkichik, yanqakunallatam rimankichik, mana allin ruwaykunapa huntasqanmi kachkankichik, chayraykum millakuypaq kaqkunallata rikurichinkichik.

Jeremías 2:29

¿Imanasqataq ñoqawan atipanakunkichik? Llapallaykichikmi mana kasuwankichikchu. Ñoqa Tayta Diosmi chaynata nini.

Jeremías 44:15

Hinaptinmi warminkupa idolokunaman incienso kañasqankuta yachaq qarikunapas, chaypi tarikuq warmikunapas, chayman huñunakamuqkunapas chaynataq Egipto nacionpi Patros lawpi yachaqkunapas, Jeremiasta kaynata nirqaku:

Jeremías 8:6

Uyarisqayman hinaqa manam pipas cheqap rimaqqa kanchu, manam pipas huchanmantaqa wanakunchu, manam pipas huchanta reqsikuspa ninchu: ¿Imatataq kayta ruwaruni? nispaqa. Guerraman kallpaq caballo hinaraqmi llapallanku pantay ñanman kallpanku.

Jeremías 9:2

Imaynaraq chunniqpi samakuna wasi kanman, kay llaqtamanta chayman ayqekunaypaq. Llapallankum iskay uyaña rikurirunku, llapallankum qepanchakuqllaña rikurirunku.

Jeremías 9:7

Tukuy Atiyniyuq Tayta Diosmi kaynata nin: Ruwasqaymanta mastaqa, ¿imataraqtaq runaykunawan ruwasaq? Qorita ninapi chulluchichkaq hinaraqmi paykunataqa chuyanchasaq.

Ezequiel 22:30

Paykuna ukupim huk runata maskarqani, kay nacionpa rantinpi perqa hina sayaykuspa qayllaypi mañakuwaptin mana tuñirachinaypaq, ichaqa manam tarirqanichu.

Ezequiel 9:9

Hinaptinmi Tayta Dios kaynata niwarqa: Israel runakunapa mana allin ruwasqankuqa hatu-hatunmi. Kay nacionmi yawarpa pampaykusqan rikurirun, kay llaqtapas llumpay mana allin ruwaykunapa huntasqanmi kachkan. Paykunam kaynata nirqaku: “Tayta Diosmi kay nacionmanta karunchakurun, imam ruwasqanchiktapas manam rikunchu”, nispanku.

Daniel 12:4

Ichaqa Daniel, kay willasqaykunata libropi wichqay hinaspa tukupay tiempo chayamunankama selloykita churaykuy. Llapa runakunam yachayta maskaspanku kayman chayman purinqaku, nispa.

Joel 2:9

Kallpayllam llaqtamanpas yaykurunqaku, perqakunatapas utqaymanmi seqarunqaku, wasikunamanpas qespiruspankum suwa hina ventananta yaykurunqaku.

Amós 8:12

Hinaptinmi runakuna llutanpi purinqaku, lamar qochatapas patan-patanmi tukunqaku, intipa qespimunan lawmanta intipa seqaykunan lawkamam Chuya simiyta maskanqaku, ichaqa manam tarinqakuñachu.

Zacarías 2:4

nirqa: Kallpaspayki wak tupuna cordel aparisqa riq joventa kaynata nimuy: Manaña yupay atina runakuna chaynataq animalkuna chaypi yachasqanraykum Jerusalenqa mana murallayuqña kanqa, nispa.

Lucas 14:21

Chaymi serviqninqa kutiruspan patronninman willaykurqa. Patronñataqmi llumpayta piñakuruspan serviqninta huktawan kamachirqa: “Chaynaqa, plazakunaman, callekunaman riy hinaspa wakchakunata, suchukunata, ñawsakunata, wistukunata pusamuy”, nispa.

2~Tesalonicenses 2:10

Hinaspam tukuy rikchaq mana allin millakuypaq kaqkunata ruwaspa engañanqa, haykam salvakunankupaq cheqap yachachikuyta mana chaskiyta munaspa condenacionman riqkunata.