Jeremías 49:7 - CHUYA QELLQA La Biblia en Quechua de Ayacucho 2012

⁷ Tukuy Atiyniyuq Tayta Diosmi Edom nacionpa contranpi kaynata nirqa: ¿Yachaychu Temán llaqtapi tukurun? ¿Yachayniyuqkunapa consejakuyninchu tukurun? ¿Yachayninchu manaña valeq rikurirun?

Quechua Ayacucho Bible 1987

⁷ Llapallan kamachiq Tayta Diosmi Edom nacionpa contranpi kaynata nirqa: ¿Teman llaqtapi yachaysapakunapa yachayninqa tukurunñachu? ¿Entiendeq runakunapa consejakuyninqa tukurunñachu? ¿Chay yachaysapakunapa yachayninqa mana valeqñachu?

Chuya Qellqa 1992

⁷ Tukuy Atiyniyuq Tayta Diosmi Edom nacionpa contranpi kaynata nirqa: ¿Yachaychu Temán llaqtapi tukurun? ¿Yachayniyuqkunapa consejakuyninchu tukurun? ¿Yachayninchu manaña valeq rikurirun?

Jeremías 49:7 Iomraidhean Croise

Génesis 25:30

Jacobta nirqa: Llumpay yarqasqam kachkani. Ama hina kaspayá chay picantekita qaraykuway, nispa. (Chayraykum Esauqa Edomwan sutichasqa karqa).

Génesis 27:41

Jacobta taytan bendeciykusqanraykum Esaú llumpayta cheqnikuruspan kaynata tantearqa: “Taytay wañuruptinmi wawqey Jacobta wañurachisaq”, nispa.

Génesis 32:3

Chaymantam willakuqkunata Jacobqa wawqen Esauman kacharqa, Seir law Edom nacionpi kachkaptin,

Génesis 36:11

Elifazpa churinkunañataqmi karqa Temán, Omar, Zefo, Gatam hinaspa Cenaz.

Génesis 36:15

Esaupa mirayninkuna ukupi kamachikuqkunam karqa: Temán, Omar, Zefo, Cenaz, Coré, Gatam hinaspa Amalec. Paykunam Elifazpa churin Adapa miraynin Edom allpapi kamachikuqkuna karqaku. Elifazqa Esaupa piwi churinmi karqa.

Génesis 36:34

Jobab wañukuptinmi, paypa rantinpi Temán llaqtayuq Husam kamachikurqa.

Génesis 36:8

Chaymi Esauqa Seir orqopiña yacharqa. Esaupa huknin sutinmi Edom karqa.

1~Crónicas 1:53

Cenaz, Temán, Mibzar,

Jobwan Sutichasqa Libro 2:11

Jobpam kimsa amigonkuna karqa: Temán llaqtayuq Elifaz, Súah llaqtayuq Bildad hinaspa Naamat llaqtayuq Zofar. Paykunam Jobpa sasachakuyninta yacharuspanku sonqonta tiyaykachinankupaq watukuq rirqaku.

Jobwan Sutichasqa Libro 4:1

Temán llaqtayuq Elifazmi rimarispan Jobta nirqa:

Isaías 21:11

Duma llaqtapa contranpim nirqa: Seir orqomantam hukkaqnin kaynata qayamuwachkan: ¡Yaw, llaqta cuidaq! ¿Yaqañachu achikyaramunqaña? ¡Yaw, llaqta cuidaq! ¿Yaqañachu achikyaramunqaña? nispa.

Isaías 29:14

Chayraykum huktawan admirakuypaq milagrokunata ruwaspay kay llaqtata yapamanta hukmanyachisaq. Yachaysapa runankunapa yachayninmi tukurunqa, yuyaysapa runankunapa yuyayninmi waspirunqa, nispa.

Jeremías 12:14

Israelpa mana allin vecinonku-namantam Tayta Dios kaynata nin: Israelman qosqay allpa qechuqkunatam maymi kasqankumanta hurqorusaq. Judá llaqtaytapas paykuna ukumantam hurqomusaq.

Jeremías 18:18

Chay runakunam ninakurqaku: Hamuychik, Jeremiaspa contranpi tanteanakusun. Yachachiqninchik sacer-dotekunapas, yachayniyuq consejaqninchikkunapas, Tayta Diospa nisqanta willawaqninchik profetakunapas, manam faltanqachu. Tumpaykusunchik wañurachinankupaq, ima rimasqantapas ama kasusunchikchu, nispanku.

Jeremías 25:21

upyachirqanitaqmi Edompa, Moabpa chaynataq Amonpa reyninkunamanpas;

Jeremías 25:23

Upyachirqanitaqmi Dedanpa, Temanpa, Buzpa chaynataq rinrinkupa ñawpaqnin lawpi kaq chukchanku rutukuqkunamanpas;

Jeremías 25:9

norte lawpi nacionkunatawan Babilonia nacionpa reynin serviqniy Nabucodonosorta kachamusaq, kay nacionpa, llapallan runankunapa chaynataq muyuriqninpi nacionkunapa contranpi. Hinaspaymi paykunata pasaypaqta tukurusaq, tuñirachispaymi wiñaypaq purmarachisaq, chaynapim runakunapas admirakuspa burlakunqaku.

Jeremías 49:20

Chaynaqa, Edom nacionpa contranpi tanteasqaytawan Temán llaqtayuqkunapa contranpi tanteasqayta uyariychik: Uña ovejankunatam aysanqaku, pastonkunatapas purmachinqakum.

Jeremías 8:9

Yachaysapakunam penqayman churasqa kanqaku, toqllapa hapisqan animal hinam mancharikunqaku, Tayta Diospa Chuya siminta qepancharuptinkuqa, ¿maypitaq kachkan yachaysapa kayninkuqa?

Lamentaciones 4:21

Edom nacionpi kaqkuna, asikuychik; Uz lawpi yachaqkuna, kusikuychik. Qanmanpas tomanayki copam chayamunqa, sinkaruspa qalalla kanaykikamam chayamunqa.

Ezequiel 32:29

Chaypim Edom nacionpas kachkan reyninkunawan hinaspa kamachiqninkunawan kuska. Paykunaqa atiyniyuq kachkaspankupas guerrapi wañuqkunawan kuskam chutarayachkanku. Diosta mana reqsiqkunawan chaynataq wañuqkunapa kasqanman uraykuqkunawan kuskam kachkanku.

Daniel 11:41

Sumaq allpamanpas yaykuruspanmi achka-achka runakunata wañurachinqa; Edom nacionniyuq Moab nacionniyuq runakunam ichaqa paymanta ayqekunqaku, ayqekunqakutaqmi Amonpa mirayninmanta ancha reqsisqa runa-kunapas.

Joel 3:19

Egipto nacionpas purmachisqam kanqa, Edom nacionpas mana imapa kanan chunniqñam kanqa; Judá runakunata ñakarichispanku allpanpipas inocente runakunapa yawarninta chaqchusqankurayku.

Habacuc 3:3

Temán lawmantam Diosqa hamuchkan, Parán orqomantam Chuya Diosqa hamuchkan. Kanchariyninpas cielokunatam huntaykun, kay pachapas payta yupaychaywanmi huntasqa.

Deuteronomio 23:7

Edomitakunatam ichaqa ama cheqninkichikchu, paykunaqa castaykichikmi. Egipto runakunatapas amataqmi cheqninkichikchu, paykunapa allpanpim qamkuna yacharqankichik.