Jeremías 49:37 - CHUYA QELLQA La Biblia en Quechua de Ayacucho 2012

³⁷ Ñoqa Tayta Diosmi kaynata nini: Wañuchiy munaq enemigonkupa qayllanpim Elam nacionta katkatatachisaq, chay nacionpa contranpim sasachakuytawan ñakariyta kachamusaq, pasaypaqta tukunaykamam guerrata kacharimusaq.

Quechua Ayacucho Bible 1987

³⁷ Ñoqa Tayta Diosmi nini kaynata: Enemigonkupa qayllanpim Elam nacionta mancharichisaq. Wañuchiy munaqninkunapa qayllanpim Elam nacionta mancharichisaq. Chay nacionpa contranpim desgraciata kachamusaq. Rupariq nina hinam paykunapa contranpi piñakusaq. Llapallankuta tukunankamam guerrata kachamusaq.

Chuya Qellqa 1992

³⁷ Ñoqa Tayta Diosmi kaynata nini: Wañuchiy munaq enemigonkupa qayllanpim Elam nacionta katkatatachisaq, chay nacionpa contranpim sasachakuytawan ñakariyta kachamusaq, pasaypaqta tukunaykamam guerrata kacharimusaq.

Jeremías 49:37 Iomraidhean Croise

Jeremías 30:24

Tayta Diospa piñakuyninqa ruwananta tukunankamam mana taninqachu, Tayta Diospa ruway tanteasqanqa tukunankamam mana taninqachu. Chaykunataqa hamuq punchawkunapiñam sumaqta entiendenkichik. Ñoqa tayta Diosmi chaynata nini.

Jeremías 48:2

Moab nacionpa hatun tukuyninmi tukurun, Moab nacionta chinkachinankupaqmi llapa enemigonkuna Hesbón llaqtapi rimanakurunku. Madmena llaqta, qampas puchukachisqam kanki, wañuymi qatikachasunki.

Jeremías 48:39

¡Moab nación taqmasqa kasqanmanta waqaychik! Manchakuypa huntasqanmi kachkan, penqakuymantam qepanpakurun, lliw nacionkunapa burlakunanñam rikurirun, lliw nacionkunapa manchakunanñam rikurirun.

Jeremías 49:22

Enemigoqa rapranta kicharispa pawaykuq anka hinaraqmi Bosra llaqtaman pawaykunqa. Chay punchawpim Edom nacionpa allinnin qari-qari runankunapas wachakuywan ñakariq warmi hinaraq qaparkachanqaku, nispa.

Jeremías 49:24

Damasco llaqtam manaña kallpayuq rikurirun, lluptikunanpaqmi alistakuchkan. Manchakuywan llakikuy hinaspa nanaymi wachakuq warmita hinaraq huntaykun.

Jeremías 49:29

Carpankutawan animalninkunata qechumuychik, toldonkunatawan servicionkunata apakamuychik. Camellonkunata qechumuspa kaynata qapariychik: “Manchakuymi tukuy hinastinpi kakuchkan”, nispaykichik.

Jeremías 49:38

Elam nacionpim munaychakunaypaq tronoyta churasaq, reyninkunatawan kamachiqninkunatam wañurachisaq.

Jeremías 49:5

Ñoqa Tukuy Atiyniyuq Tayta Diosmi kaynata nini: Manchakuytam tukuy hinastinmanta contraykipi kachamusaq, sapakamam llutanpi ayqenkichik, lluptiqkunataqa manam pipas huktawanqa huñumunqachu.

Jeremías 50:36

Locoyanankukama layqankunapa contranpi peleamuychik, allinnin qari-qari soldadonkunapas manchakuymanta katkatatachunku.

Jeremías 6:19

Allpa pacha, qampas uyariy: Tukuy mana allinkunata piensasqankumantam runaykunaman ñakariyta kachamusaq. Paykunaqa manam rimapayasqaytapas kasukurqakuchu, kamachikuyniykunatapas wischupakurqakum.

Jeremías 9:15

Chayraykum ñoqa Tukuy Atiyniyuq Tayta Dios kay-nata nini: Kay runakunamanmi ajenjota mikuchisaq, hinaspaymi venenoyuq yakuta tomachisaq.

Jeremías 9:16

Taytankupapas kikinkupapas mana reqsisqanku nacionkunamanmi cheqechisaq. Espa-dawan qatikachachispaymi manaña chullapas puchunankukama tukusaq, nispa.

Ezequiel 12:14

Muyuriqninpi kaq yanapaqninkunatapas chaynataq tropankunatapas tukuy hinastinmanmi cheqerachisaq, hinaspaymi paykunataqa espada makintin qatikachasaq.

Ezequiel 32:23

Paykunaqa sepulturapa aswan ukunpiraqmi pampasqa kachkanku. Paykunam kawsayninkupi llapa runakunata manchachirqaku, ichaqa llapallankum guerrapi wañuchisqa karqaku, kunanqa Asiriapa sepulturanpa muyuriqninpiñam kachkanku.

Ezequiel 5:12

Qamkuna-manta kimsaman rakisqapa hukninmi peste onqoywan hinaspa yarqaywan llaqta ukupi wañunqaku. Huknin rakiñataqmi espadawan llaqtapa muyuriqninpi wañuchisqa kanqaku. Chaymanta puchuqkunatañataqmi tukuy hinastinman cheqerachisaq. Ñoqaqa espada makintinmi paykunata qatikachasaq.

Ezequiel 5:2

Llaqta atacayta tukuruspaykim huknin rakisqayki chukchaykita llaqta chawpinpi kañanki. Chaymantam huknin rakisqayki chukchaykita llaqtapa muyuriqninpi kuchupanki. Huknin rakisqayki chukchaykitañataqmi wayrawan apachinki. Ñoqam espada makintin paykunata qatikachasaq.

Levítico 26:33

Huklaw nacionkunamanmi cheqechisqaykichik, hinaspam guerrawan qatikachachisqaykichik, nacionnikichikmi chunninqa, llaqtaykichikkunam purmanqa.