Jeremías 49:31 - CHUYA QELLQA La Biblia en Quechua de Ayacucho 2012

³¹ Ñoqa Tayta Diosmi kamachikichik: Rispaykichik hawkallaña yachakuq llaqtata atacamuychik, punkunkunapas mana cerrojoyuqmi kachkan, paykunaqa sapallankum kachkanku.

Quechua Ayacucho Bible 1987

³¹ Ñoqa Tayta Diosmi nini kaynata: Rispaykichikyá kikinpi confiakuq runakunata atacamuychik. Rispaykichikyá hawkalla *f**yachakuq runakunata atacamuychik. Mana zaguanniyoq mana trancayoqmi paykunaqa *f**yachanku. Pasaypaq mana vecinoyoq llaqtam paykunaqa kanku.

Chuya Qellqa 1992

³¹ Ñoqa Tayta Diosmi kamachikichik: Rispaykichik hawkallaña yachakuq llaqtata atacamuychik, punkunkunapas mana cerrojoyuqmi kachkan, paykunaqa sapallankum kachkanku.

Jeremías 49:31 Iomraidhean Croise

Isaías 32:11

Mana llakiyuq warmikuna katkatataychik, hawkallaña kakuq warmikuna manchakuymanta hukmanyaychik. Pachaykichikta lluschukuspa qachqa pachawan churakuychik.

Isaías 32:9

Mana ima llakiyuq warmikuna hatariychik, kay nisqayta uyariychik, kikillaykichikpi hapipakuq warmikuna, qamkunaman nisqayta uyariychik.

Isaías 42:11

Chunniqpi llaqtakuna, Cedarpa yachanan llaqtakuna, kusikuywan qapariychik; Sela lawpi yachaqkuna kusikuymanta takiychik, orqokunapa puntanmanta qapariychik.

Isaías 47:8

Mana allin kawsayta kuyaq warmi uyariy, munaychakuspa hawkallaña kakuq warmi, sonqoykipim ninki: “Ñoqallam kani, ñoqa hinaqa manam pipas kanchu, manam haykapipas viudayasaqchu, nitaqmi haykapipas wawaykunaqa wañunqachu”, nispayki.

Jeremías 48:11

Moab nacionniyuq runakunaqa warma kasqankumantaraqmi hawkalla kawsakurqaku, paykunataqa manam haykapipas presotaqa aparqakuchu. Paykunaqa urpupi mana kuyuchisqa vino hinam kachkanku, chayraykum paykunaqa hina kaqlla hawka kakurqaku.

Ezequiel 30:9

Egipto nacionta castiganay punchaw chayaramuptinmi willakuqkunata barcokunapi kachamusaq, chaynapi Etiopía nacionpi hawka yachakuqkunata mancharichinankupaq, hinaptinmi manchakuymanta katkatatanqaku. Chay punchawmi hichpamuchkanña.

Ezequiel 38:11

Hinaspam kaynata ninki: “Ñoqaqa mana murallasqa nacionmanmi yaykurusaq, hawka kawsakuq runakunatam atacaramusaq, paykunaqa mana murallayuq, mana punkuyuq llaqtakunapim yachachkanku.

Ezequiel 39:6

Magog naciontapas chaynataq lamar qochapa patanpi hawkallaña kawsakuq nacionkunatapas kañaykusaqmi. Chaynapim Tayta Dios kasqayta yachanqaku.

Miqueas 7:14

Dios Taytalláy, sumaq pastokunapa kananpiyá llaqtaykita ovejakunata hina michikuy, orqokunapi montekunapi sapallan puriq ovejaykikunata, ñawpaq tiempokunapi hinayá Basán lawpi chaynataq Galaad lawpi paykunata michikuy.

Nahúm 1:12

Chayraykum llaqtanta Tukuy Atiyniyuq Tayta Dios kaynata nin: Asiria llaqtaqa mayna kallpasapaña kaspapas, achkallaña runayuq kaspapas, purmachisqa kaspam pasaypaqta chinkanqa. Judá llaqta, llumpaytam ñakarichirqayki, manañam mastaqa ñakarichisqaykiñachu.

Sofonías 2:15

Chaynatam chay hatun tukuspa hawka kawsakuq llaqta tukunqa. Runankunapas chay llaqtamantaqa kaynataraqmi niqku: “Llaqtanchik hinaqa manam kay pachapi ima llaqtapas kanchu”, nispankuraq. ¡Imaynamá tuñichisqa, purun animalkunapa uchkunñaqa rikurirun! Pipas chayninta pasaqqa burlakuspam umantapas aywinqaraq.

Números 23:9

Kay alto orqokunamantam paykunata qawarini, kay moqokunamantam paykunata rikuykuni. Paykunaqa wakin nacionkunamanta sapaqchakuspa yachaq runakunam.

Deuteronomio 33:28

Israelpa mirayninkunaqa payman hapipakuspam kawsakunkichik, Jacobpa mirayninkunaqa hawkallam kawsakunkichik. Trigopapas vinopapas kanan allpapim yachakunkichik, paranan allpapim yachakunkichik.