Jeremías 49:3 - CHUYA QELLQA La Biblia en Quechua de Ayacucho 2012

³ ¡Hesbón llaqta, Hai llaqta tuñirusqanrayku waqay! ¡Rabá llaqtapi warmikuna qaparispa waqaychik, qachqa pachawan pachakuspa qasqoykichikta takakuychik! ¡Loca hinaña kallpakachaspa aychaykichikta kuchupakuychik! Milcom idolotam sacerdotentawan ancha reqsisqa runakunatawan kuskata huklaw nacionman presota aparunku.

Quechua Ayacucho Bible 1987

³ Hesbon llaqtapi *f**yachaqkuna, Hai llaqta tuñirusqanmantayá qaparkachaychik. Raba llaqtapi warmikunapas qaparispayá waqaychik. Qamkunaqa lutokuspaykichikyá waqaychik. Murallapa qepankunapiyá kayman-chayman kallpakachaychik. Milcom taytachaykichiktam presochasqata apanqaku huklaw nacionman. Sacerdotenkunatapas kamachikuqkunatawanmi pusanqaku huklaw nacionman.

Chuya Qellqa 1992

³ ¡Hesbón llaqta, Hai llaqta tuñirusqanrayku waqay! ¡Rabá llaqtapi warmikuna qaparispa waqaychik, qachqa pachawan pachakuspa qasqoykichikta takakuychik! ¡Loca hinaña kallpakachaspa aychaykichikta kuchupakuychik! Milcom idolotam sacerdotentawan ancha reqsisqa runakunatawan kuskata huklaw nacionman presota aparunku.

Jeremías 49:3 Iomraidhean Croise

2~Samuel 11:1

Hamuq wata chayaramuptinmi, reykunapa guerraman lloqsinanku tiempopi, Joabta chaynataq Israel tropakunata capitannintintakama David kamachirqa Amonpa tropankunawan peleamunanpaq; chaymi Amón tropakunata venceruspanku Rabá llaqtatapas muyuriqninpi churakuruspanku wichqarurqaku. Davidmi ichaqa Jerusalenpi qeparurqa.

1~Reyes 11:33

Chaynataqa ruwasaq qepanchakuruwaspan Sidón llaqtayuq runakunapa yupaychasqan Astoret idolotawan, moabitakunapa yupaychasqan Quemos idolota chaynataq amonitakunapa yupaychasqan Moloc idolotaña yupaychasqanraykum. Payqa manam taytan David hinachu munasqayman hina kawsaspa kamachikuykuna yachachikuykuna qosqayta kasukurqa.

1~Reyes 11:5

Aswanqa Sidón runakunapa Astoret idolontañam yupaycharqa, yupaycharqataqmi amonitakunapa millakuypaq Milcom idolotapas.

2~Reyes 23:13

Tuñichirqataqmi Jerusalenmanta intipa qespimunan lawninpi, Olivos moqopa sur lawninpi tarikuq capillakunatapas. Chaykunatam Israelpa reynin Salomón hatarichirqa Sidón llaqtapa millakuypaq Astoret idolonkupaq, moabitakunapa cheqnipay Quemos idolonkupaq chaynataq amonitakunapa millakuypaq Milcom idolonkupaqpas.

Esdras 2:28

Bet-el hinaspa Hai llaqtayuqkunamantam karqa iskay pachak iskay chunka kimsayuq.

Isaías 13:6

Allwaychik, Tayta Diospa piñakuynin punchawmi hichparamunña. Tukuy Atiyniyuq Diospa purmachinan punchawmi chayaramunña.

Isaías 14:31

¡Filisteokuna, qapariyllawanña waqaychik, llakimanta qaparkachaychik, nanaywan qewipakuychik! Norte lawmantam qosni hinaraq tropakuna kallpamuchkanku, soldadokunapas tropanmanta mana chullaykuspam hamuchkanku.

Isaías 15:2

Bayitwan chaynataq Dibonwan sutichasqanku moqopi capillakunamanmi waqaq qespirqaku. Moab castakunam Nebo llaqtarayku, Medeba llaqtarayku waqanqaku. Llapallankum umankupas, barbankupas rutusqa kachkanku.

Isaías 16:7

Chayraykum Moab runakuna llaqtankumanta qaparkachanqaku. Kir-hareset llaqtamanta kaq ñupupasqa uvas pasaskunamantam anchallataña waqanqaku.

Isaías 23:1

Tiro llaqtapa contranpim Isaías kaynata nirqa: Tarsispa barconkunapi llamkaqkuna waqaychik, Tiro llaqtam pasaypaq tuñichisqa kachkan, mayman yaykunapaqpas manañam wasipas kanñachu, Chipre lawmanta hamuqkunam chaynata willakunku.

Isaías 23:6

Lamar qochapa patanpi yachaqkuna qapariychik, Tarsis lawman ripukuychik.

Jeremías 4:8

Chaynaqa, qachqa pachawan pachakuychik, nanaymanta qaparkachaspa waqaychik, Tayta Diospa piñakuyninqa manam qamkunamanta asurinchu.

Jeremías 46:25

Israelpa yupaychasqan Tukuy Atiyniyuq Tayta Diosmi kaynata nin: Tebas llaqtapa Amón sutiyuq idolontam castigasaq, Egipto naciontam idolonkunatawan hinaspa reyninkunatawan kuskata castigasaq, Faraontapas payman hapipakuqkunatawan kuskatam castigasaq.

Jeremías 48:2

Moab nacionpa hatun tukuyninmi tukurun, Moab nacionta chinkachinankupaqmi llapa enemigonkuna Hesbón llaqtapi rimanakurunku. Madmena llaqta, qampas puchukachisqam kanki, wañuymi qatikachasunki.

Jeremías 48:20

Moab nacionmi penqayman churasqa kaspa mancharisqa kachkan. Moabmantayá hatun llakikuywan waqaychik, Moab nación tuñichisqa kasqanmanta Arnón mayupi willakuychik.

Jeremías 48:37

Lliw runapa umanmi paqlayachisqa kachkan, lliw runapa barbanmi rutusqa kachkan, llapallankum makinkuta ikipakurunku, llapallankum qachqa pachawan churakurunku.

Jeremías 48:7

Moab runakuna qamkunaqa kallpaykichikpiwan qori-qollqekichikpim hapipakurqankichik, ichaqa qamkunapas pasaypaq vencesqam kankichik. Quemos sutiyuq idoloykichikpas, llapa sacerdotenkunawan hinaspa ancha reqsisqa runakunawan kuskam preso apasqa kanqaku.

Jeremías 49:1

Amón nacionpa contranpim Tayta Dios kaynata nirqa: ¿Manachum Israelqa mirayniyuq karqa? ¿Manañachu herencian chaskiq churinkuna karqa? ¿Imanasqataq Milcom idolopaña Gad allpaqa rikurirun? ¿Imanasqataq llaqtankunapipas Amón runakunaña yachakuchkanku?

Jeremías 51:8

Babilonia nacionmi qonqaymanta wichirun, vencerachikuspanmi lliw ñutupakurun. ¡Paymanta qaparkachaychik! Heridankunapaq hampita apamuychik, icharaqpas sanoyanman.

Jeremías 6:26

¡Llaqtamasillaykuna, qachqa pachawan churakuychik, uchpapiyá qochpaychik! ¡Sapallan wawan wañukuptin waqaq warmi hinayá qaparkachaychik! Tuñichiqninchikmi chayaramunña.

Amós 1:15

Reyninpas, kamachiqninkunapas, huklaw nacionman preso apasqam kanqaku.

Sofonías 1:5

Wasi hawanman seqaspa chaskakunata yupaychaqkunatam pasaypaqta chinkachisaq. Sutiypi juraspa Milcom sutiyuq idolopa sutinpi juraspa qonqoraqkunatam tukusaq.

Santiago 5:1

Apukuna, ¡kayta uyariychik! Qepa punchaw ñakarinaykichikmantayá waqaspa qaparkachaychik.

Josué 7:2

Josueymi Jericó llaqtamanta runakunata kacharqa Hai llaqtata wateqamunankupaq. Hai llaqtaqa tarikurqa Bet-avén llaqtapa hichpanpim hinaspa Bet-el llaqtapa intipa qespimunan lawninpim. Chay runakunam pasaspanku Hai llaqtata wateqamurqaku.

Josué 8:1

Josueytam Tayta Dios nirqa: Ama manchakuychu nitaq hukmanyaychu. Guerrapaq llapallan solda-dokunata pusaspayki Hai llaqtaman qespiy. Ñoqam Hai llaqtata, reyninta, runankunata chaynataq allpantapas qanman qosqayki.

Josué 8:28

Josueymi Hai llaqtata kañaruspa pasaypaqta tuñirachirqa. Chay llaqtaqa kunankamapas hinam purmachkan.