Jeremías 49:23 - CHUYA QELLQA La Biblia en Quechua de Ayacucho 2012

²³ Damasco llaqtapa contranpim Tayta Dios kaynata nin: Manchakuypaq willakuykuna uyarisqanwanmi Hamat llaqtawan Arfad llaqtapas penqakuymanta kachkanku. Manchakuymi paykunaman huntaykun, manam ima ruwaytapas atinkuchu.

Quechua Ayacucho Bible 1987

²³ Damasco llaqtapa contranpim Tayta Dios kaynata willachirqa: Mana allin noticiakuna uyarisqanwanmi Hamat llaqtaqa hukmayasqa kachkan. Mana allin noticiakuna uyarisqanwanmi Arfad llaqtaqa hukmanyasqa kachkan. Mancharikuymantam mana ima ruraytapas atinkuchu. Lamar qocha hinaraqmi hawka kaytaqa mana atinkuchu.

Chuya Qellqa 1992

²³ Damasco llaqtapa contranpim Tayta Dios kaynata nin: Manchakuypaq willakuykuna uyarisqanwanmi Hamat llaqtawan Arfad llaqtapas penqakuymanta kachkanku. Manchakuymi paykunaman huntaykun, manam ima ruwaytapas atinkuchu.

Jeremías 49:23 Iomraidhean Croise

Génesis 14:15

Tutaykuruptinmi serviqninkunata rakinaruspan kayninta chayninta yaykuspa vencerurqaku, hinaspankum Damasco llaqtapa hanaynin Hoba lawkama qatirqaku.

Génesis 15:2

Chaymi Abram nirqa: Dios Taytalláy, ¿imapaqtaq imatapas qowankiman mana churiyuq kachkaptiyqa? Wasiypiqa kachkan Damascomanta kaq mayordomoy Eliezerllam.

2~Samuel 17:10

Hinaptinchá maynaña guerrapi peleaq qaripas, león hina allinnin qari-qari kachkaspapas hukmanyarunqa. Llapallan Israel runakunam yachanku taytaykiqa guerrapi peleaq kasqanta chaynataq paywan kaqkunapas allinnin qari-qari soldadokuna kasqankuta.

2~Samuel 8:9

Hadad-ezerpa lliw tropankunata David vencerusqanta Hamat nacionpa reynin Toi yacharuspanmi,

1~Reyes 11:24

Hinaspam Rezonqa, runakunata huñuruspa salteaqkunapa capitannin rikurirurqa. Soba nacionpi kaqkunata David wañuchiptinmi, Rezonqa Damasco llaqtaman ripukurqa, chaypim reyninkupaq payta churarurqaku.

2~Reyes 17:24

Asiria nacionpa reyninmi Babilo-niamanta, Cutamanta, Avamanta, Hamat-manta hinaspa Sefarvaim llaqtamanta runakunata aparuspan Israel runakunapa rantinpi paykunataña Samaria llaqtapi churarurqa, chaymi hapikuykuspanku paykunaña yacharqaku.

2~Reyes 18:34

¿Maypitaq Hamatpa, Arfadpa, Sefarvaimpa, Henapa hinaspa Ivapa diosninku kachkan? ¿Yaqachu chay diosninkuna Samaria llaqtata ñoqamanta librayta atirqaku?

2~Reyes 19:13

¿Maypitaq kachkan Hamat llaqtapa, Arfad llaqtapa, Sefarvaim llaqtapa, Hena llaqtapa hinaspa Iva llaqtapa reyninkunaqa? nispa.

2~Reyes 5:12

¿Manachum Israelpa mayunkunamantaqa Damasco lawpi Abana mayuwan Farfar mayuraq aswan allin karqa? Chay mayukunapi bañakuspaypas ¿manachu sanoyaruyman karqa? Chaynata nispanmi piñasqallaña kutikurqa.

2~Crónicas 16:2

Chaymi rey Asaqa Tayta Diospa templonpi chaynataq reypa palacionpi kaq qoritawan qollqeta hurqoramuspan, Damasco llaqtapi yachaq Siria nacionpa reynin Ben-adadman kaynata nispan apachirqa:

Éxodo 15:15

Edom nacionpi kamachikuqkunam hukmanyanqaku, Moab nacionpi kamachikuqkunam katkatatanqaku, Canaán allpapi yachaqkunam hukmanyanqaku.

Isaías 10:9

Ñoqapaqqa Calno llaqtapas Carquemis llaqta hinallam, Hamat llaqtapas Arfad llaqta hinallam, Samaria llaqtapas Damasco llaqta hinallam, chay llaqtakunaqa vencenay llaqtakunallam.

Isaías 11:11

Chay tiempokunapim, puchuq runankunata reclamananpaq Tayta Dios huktawan makinta hoqarinqa, hinaspam Asiriamanta, Egiptomanta, Patrosmanta, Cusmanta, Sinarmanta, Hamatmanta, Elam lawmanta, lamar qochapa patanpi kaq nacionkunamanta huñumunqa.

Isaías 13:7

Chayraykum llapa runakunapa makinpas manaña kallpayuq rikurirunqa, sonqonkupas pasaypaqtam hukmanyarunqa.

Isaías 36:19

¿Maypitaq Hamatpa, Arfadpa hinaspa Sefarvaim llaqtakunapa diosninku kachkan? ¿Yaqachu atirqaku Samaria llaqtata ñoqamanta librayta?

Isaías 37:13

¿Maypitaq tarikun Hamat llaqtapa, Arfad llaqtapa, Sefarvaim llaqtapa, Hena llaqtapa chaynataq Iva llaqtapa reyninkunaqa? nispa.

Isaías 57:20

Mana allin ruwaq runakunam ichaqa sinchi wayrapa pukusqan lamar qocha hina, manam hawkalla kaytaqa atinkuchu, yakunkunapas mitutawan qachankunata wischumuq hinaraqmi.

Isaías 7:8

Damasco llaqtaqa Siria nacionpa capitalninmi, Rezinñataqmi Damasco llaqtapa reynin. Soqta chunka pichqayuq watamantam Efraín casta otaq Israel nacionqa manaña nación kanankama chinkachisqa kanqa.

Jeremías 39:5

Ichaqa Caldea tropakunam qatispanku Jericó llaqtapa hichpan pampapi hayparurqaku, hinaspam presocharuspanku Hamat lawpi Ribla llaqtaman, rey Nabucodonosorpa kasqanman pusarqaku. Hinaptinmi Sedequiasta juzgaspan sentenciarqa.

Ezequiel 27:18

Damasco runakunapas tukuy ima kapusuqnikikunatam achkanpi rantisuspayki, Helbón lawmanta kaq vinowan chaynataq Sahar lawmanta kaq millwawan pagasuq kanki.

Amós 6:2

Calne llaqtanta pasaspayá qawaykuychik, chaymanta Hamat llaqtaman rispayá Filistea nacionpi Gat llaqtaman uraykuychik. ¿Kay nacionkunamanta aswan atiyniyuqchu kankichik? ¿Allpaykichikpas paykunapamanta aswan hatunchu?

Nahúm 2:10

Nínive llaqtaqa purmachisqa chunniq mana imayuqmi qeparun. Sonqonkupas manchakuymantam hukmanyarun, moqonkupas pasaypaqtam katkatatarun, lliwmi mana kallpayuqña qeparunku, uyankupas pasaypaqtam ayayarun.

Números 13:21

Rispankum allpata wateqamurqaku, Zin sutiyuq chunniqmanta qallarispa Hamat llaqtaman yaykuna Rehob llaqtakama.

Hechos 27:20

Achka punchawña intitapas nitaq chaskakunatapas mana rikuspam hinaspa wayra-para hinalla apawaptinkum, manaña imaraykupas librakuytaqa piensarqanikuñachu.

Hechos 9:2

hinaspam cartakunata mañakurqa Damasco lawpi kaq sinagogakunapi kamachikuqkunapaq, chaynapi Jesucristopi iñiqkunata tarispanqa warmitapas qaritapas presota Jerusalenman apamunanpaq.

2~Corintios 11:32

Damasco llaqtapi kachkaptiymi rey Aretasta serviq prefecto, presochawananpaq chay llaqtapa punkunta cuidachirqa,

Deuteronomio 20:8

Huktawanmi tropa kamachiqkuna ninqaku: “Qamkunamanta pipas manchati kaspaqa wasinman kutikuchun. Yanqañataq manchati kasqanrayku soldadomasinkunatapas hukmanyachinman”, nispa.

Josué 14:8

Riqmasiykunam ichaqa llapa runakunata hukmanyarachirqaku, ñoqam ichaqa yupaychasqanchik Tayta Diosman hapipakurqani.

Josué 2:11

Chay uyarisqayku anchata mancharirachiwaptinkum, manaña pi runapipas valor kanñachu qamkunawan peleananpaq. Qamkunapa Diosnikichikqa, hanaq pachapipas kay pachapipas Diosmi.