Jeremías 49:2 - CHUYA QELLQA La Biblia en Quechua de Ayacucho 2012

² Ñoqa Tayta Diosmi kaynata nini: Hamuchkanmi punchawkuna Amón nacionpi kaq Rabá llaqtapi guerrapaq qapariykunata uyarichinaypaq; pasaypaq tuñichisqam kanqa, llaqtankunapas kañasqam kanqa, Israelmi llaqtankunata kaqllamanta kutichikunqa. Ñoqa Tayta Diosmi chaynata nini.

Quechua Ayacucho Bible 1987

² Ñoqa Tayta Diosmi nini: Hamuchkanmi punchawkuna Amon castapa Raba llaqtanpi guerrapi qapariykunata uyarichinaypaq chaynataq Raba llaqta tuñichisqa kaptin llaqtachankunapas ninawan tukusqa kananpaq chaynapi Israel castakuna Amon castapa herencian allpakunata dueñochakunanpaq. Ñoqa Tayta Diosmi chaynata nini.

Chuya Qellqa 1992

² Ñoqa Tayta Diosmi kaynata nini: Hamuchkanmi punchawkuna Amón nacionpi kaq Rabá llaqtapi guerrapaq qapariykunata uyarichinaypaq; pasaypaq tuñichisqam kanqa, llaqtankunapas kañasqam kanqa, Israelmi llaqtankunata kaqllamanta kutichikunqa. Ñoqa Tayta Diosmi chaynata nini.

Jeremías 49:2 Iomraidhean Croise

2~Samuel 11:1

Hamuq wata chayaramuptinmi, reykunapa guerraman lloqsinanku tiempopi, Joabta chaynataq Israel tropakunata capitannintintakama David kamachirqa Amonpa tropankunawan peleamunanpaq; chaymi Amón tropakunata venceruspanku Rabá llaqtatapas muyuriqninpi churakuruspanku wichqarurqaku. Davidmi ichaqa Jerusalenpi qeparurqa.

Isaías 11:14

Aswanqa kuskankuñam intipa seqaykunan lawman kallpaspa filisteokunata qepanmanta atacanqaku, intipa qespimunan lawpi nacionkunapa kapuqninkutam qechumunqaku. Paykunam sirvichikunqaku Edomitakunawan, Moabitakunawan. Amonitakunapiñataqmi munaychakunqaku.

Isaías 17:1

Damasco llaqtapa contranpim Isaías kaynata nirqa: Damasco llaqtaqa manañam llaqtañachu kanqa, aswanqa tuñichisqa perqakunallañam montorayanqa.

Jeremías 4:19

¡Ay, sonqollaymi nanawachkan! ¡Sonqollaymi nisyuta tukukuchkan! Manañam hawkayayta tarinichu, manam upallaymanchu. Trompetapa waqasqantam uyarichkani, guerrapaq qapariytam uyarichkani.

Jeremías 49:1

Amón nacionpa contranpim Tayta Dios kaynata nirqa: ¿Manachum Israelqa mirayniyuq karqa? ¿Manañachu herencian chaskiq churinkuna karqa? ¿Imanasqataq Milcom idolopaña Gad allpaqa rikurirun? ¿Imanasqataq llaqtankunapipas Amón runakunaña yachakuchkanku?

Ezequiel 21:20

Huk ñanta kichay Amón nacionpi Rabá llaqtaman espada chayananpaq, huktañataq Judá nacionpi murallasqa Jerusalén llaqtaman chayananpaq.

Ezequiel 21:25

Israel nacionpa reynin, qamqa kanki pasaypaq mana allinkunalla ruwaq runam, castigasqa kanayki punchawmi hichpamuchkanña.

Amós 1:14

Rabá llaqtapa perqankunata kañaykuptiymi palacionkunatapas rupanqa; chaytaqa ruwasaq sasachakuy punchawpi, guerrapi hatun qaparkachay kachkaptinmi.

Abdías 1:19

Neguev lawpi yachaqkunam Esaupa orqonkunapi munaychakunqaku, Sefela lawpi yachaqkunañataqmi Filistea nacionpi munaychakunqaku, munaychakunqakutaqmi Efrainpa hinaspa Samariapa chakrankunapipas. Benjaminpa mirayninkunapas Galaadpim munaychakunqaku.

Números 10:9

Nacionnikichikpi kachkaptikichik ñakarichisuqnikichik enemigo contraykichikpi hamuptinqa guerraman lloqsinaykichikpaqmi trompetakunata tocankichik, chaynapim ñoqa Tayta Diosqa mana qonqarusqaykichikchu, hinaspam enemigoykichikmanta librasqaykichik.

Números 21:25

Chaynatam Israelpa mirayninkuna amorreokunapa Hesbón llaqtata chaynallataq wakiq llaqtakunatapas hapikuykuspanku chaypi yachakurqaku.

Deuteronomio 13:16

Chay llaqtapa llapa kapuqnintam plazapa chawpinpi huñuruspaykichik llaqtantinta kañaykunkichik, Señornikichik Tayta Diospaq lliw kañana ofrendata hina. Chaynapim chay llaqta wiñaypaq purmachisqa kanqa, manaña huktawanqa hatarichisqa kanankama.

Deuteronomio 3:11

(Refaitakunamantaqa Basán nacionpa reynin Ogllañam puchururqa. Paypa catrenmi fierromanta tawa metro sayayniyuq hinaspa yaqa iskay metro anchoyuq karqa. Amonpa mirayninkunapa Rabá llaqtanpim chay catreqa hinallaraq kachkan).

Josué 17:11

Manasés aylluqa, Isacar ayllupa chaynataq Aser ayllupa allpankuna ukupipas kay llaqtakunatam chaskirqa: Bet-seán, Ibleam, Dor, Endor, Taanac hinaspa Meguidota, sapakamata taksa llaqtankunatawan kuskata, chaskirqataqmi kimsa orqokunatapas.

Josué 17:16

Chaymi Joseypa mirayninkuna nirqaku: Arí, kay montekunaqa manam haypawankuchu. Pampakunapi yachaq cana-neokunawan Bet-seán llaqtapi hinaspa taksa llaqtankunapi chaynataq Jezreel qechwapi yachaqkunaqa fierromanta carretakunatam hatallinku, nispanku.