Jeremías 49:19 - CHUYA QELLQA La Biblia en Quechua de Ayacucho 2012

¹⁹ Imaynam Jordán mayupa patanpi montemanta león lloqsispa sumaq pastopa kasqanman kallpan, chaynam ñoqapas qonqaymanta hamuruspay Edom nacionniyuq runakunata ayqerachisaq, hinaptinmi ñoqapa akllasqay runaña paykunapi munaychakunqa. ¿Pitaq ñoqa hina kanman? ¿Pitaq ñoqawan atipanakunman? ¿Mayqan michiqtaq ñoqapa contraypi hatarinman?

Quechua Ayacucho Bible 1987

¹⁹ Jordan Mayupa patan montemanta pastokunapa kasqanman lloqsichkaq leon hinam chay sitiomanta Edom nacionniyoq runakunata qonqaymanta lloqsichisaq. ¿Pitaq kanqa chayta rurananpaq akllasqay runaqa? ¿Pitaqsi ñoqa hinaqa kanman? ¿Pitaqsi ñoqawanqa churanakunman? Oveja michiqkunamantaqa ¿mayqennintaq contraypi sayanman?

Chuya Qellqa 1992

¹⁹ Imaynam Jordán mayupa patanpi montemanta león lloqsispa sumaq pastopa kasqanman kallpan, chaynam ñoqapas qonqaymanta hamuruspay Edom nacionniyuq runakunata ayqerachisaq, hinaptinmi ñoqapa akllasqay runaña paykunapi munaychakunqa. ¿Pitaq ñoqa hina kanman? ¿Pitaq ñoqawan atipanakunman? ¿Mayqan michiqtaq ñoqapa contraypi hatarinman?

Jeremías 49:19 Iomraidhean Croise

1~Crónicas 12:15

Paykunam Jordán mayuta punta kaq killapi chimparurqaku, mayupas kuchun-kuchun llimparichkaptin, hinaspam qechwapi yachaqkunata intipa qespimunan lawman hinaspa intipa seqaykunan lawman cheqerachirqaku.

2~Crónicas 20:6

qayakurqa: Ñawpaq taytaykupa yupaychasqan Dios taytallayku, qamqa hanaq pachapi Diosmi kanki, qamqa llapallan nacionkunapim munaychakunki. Atiypas kallpapas makikipim kachkan, manam pipas qanwanqa atipanakunmanchu.

Jobwan Sutichasqa Libro 41:10

Pipas payta mana hapiyta atichkaspaqa, ¿pitaq ñoqapa qayllaypi sayayta atinman?

Jobwan Sutichasqa Libro 9:19

Kallpanmanta rimaptinchikpas Diosqa tukuy atiyniyuqmi, juicioman qayachisqapas ¿pitaq payta pusachimunman?

Jobwan Sutichasqa Libro 9:21

Mana huchayuq kasqaypas manam imapas qokuwanchu, kawsaytapas amiruniñam.

Éxodo 15:11

Dios Taytalláy, qam hina huk diosqa manam kanchu, qam hina admirakuypaq chuya Diosqa manam kanchu. Qamqa admirakuypaq kaqkunatam ruwanki, qamqa hatun milagrokuna ruwaqmi kanki.

Isaías 40:25

Chuya Diosmi kaynata tapukun: ¿Piwantaq rikchanachiwankichikman? ¿Pitaq ñoqaman rikchakuq kanman? nispa.

Isaías 46:9

Ñawpaq tiempopi imakunam pasakusqantayá yuyariychik. Ñoqallam Diosqa kani, ñoqamanta hukqa manam kanchu. Ñoqaqa Diosmi kani, ñoqaman rikchakuqqa manam pipas kanchu.

Jeremías 12:5

Sichum chakiwallawan kallpaqkunawan kallpaspa pisipachkaspaqa, ¿imaynataq caballopi kallpaqkunawanqa llallinakuwaq? Hawkayaypa kanan allpapi mana hawka kachkaspaqa, ¿imaynatataq Jordán mayupa patan montekunapiqa tarikuwaq?

Jeremías 25:9

norte lawpi nacionkunatawan Babilonia nacionpa reynin serviqniy Nabucodonosorta kachamusaq, kay nacionpa, llapallan runankunapa chaynataq muyuriqninpi nacionkunapa contranpi. Hinaspaymi paykunata pasaypaqta tukurusaq, tuñirachispaymi wiñaypaq purmarachisaq, chaynapim runakunapas admirakuspa burlakunqaku.

Jeremías 30:21

Ñoqa Tayta Diosmi kaynata nini: Paykunamantam kamachiqninku lloqsinqa, paykuna ukumantam reyninku lloqsinqa, payqa ñoqaman asuykachiptiymi qayllaypi kanqa. ¿Pitaq kikillanmanta ñoqaman asuykamuwanman?

Jeremías 4:7

Leonmi machayninmanta lloqsiramunña, nacionkuna purmachiqmi hamuchkanña; nacionnikichikta chinkachinanpaqmi lloqsiramunña, llaqtaykikunata purmachinanpaqmi lloqsiramunña, mana runayuqtaña saqenanpaqmi lloqsiramunña.

Daniel 7:4

Punta kaq animalmi huk leonman rikchakusqa, ichaqa anka hina raprayuqmi kasqa. Chayta qawachkaptiymi raprankunata chutaruspanku pampamanta hatarirachiptinku runa hinaña iskaynin chakinwan sayarqa, hinaspam runa hina sonqoyuqña rikurirurqa.

Nahúm 1:6

¿Pitaq pay piñakuruptin qayllanpi sayanman? ¿Pitaq sinchita piñakuruptin takyapakunman? Piñakuyninqa nina hinaraqmi tallirikun, qaqakunapas qayllanpiqa tuñinmi.

Zacarías 11:3

Michinanku pastokuna chinkarusqanraykum michiqkuna qapariyllawanña waqachkanku, Jordanpa sumaqllaña saqñunkuna tukurusqanraykum leonkuna qaparkachachkanku.

Números 16:5

Hinaspam Coreytawan hamuqmasinkunata nirqa: Paqarinmi Tayta Dios, pim paypa kasqanta hinaspa pim paypaq sapaqchasqa kasqantapas qawachiwasunchik. Tayta Diosqa akllakusqan runallatam kikinmanqa asuykachinqa.

Josué 3:15

Cosecha tiempopiqa, Jordán mayuqa tukuy patanman llimpanankamam huntan. Ichaqa Diospa Arcan apaq sacerdotekuna Jordán mayuman yaykuykuspa yakuta saruykuptinkum

Apocalipsis 6:17

Cas-tiganan hatu-hatun punchawmi chayaramun. ¡Pitaq chaytaqa aguantanman!” nispanku.