Jeremías 48:8 - CHUYA QELLQA La Biblia en Quechua de Ayacucho 2012

⁸ Tuñichiqkunaqa sapa llaqtamanmi hamunqaku, manam chulla llaqtapas puchunqachu; qechwankunatawan pampakunatapas pasaypaqtam purmachinqaku. Ñoqa Tayta Diosmi chaynata nini.

Quechua Ayacucho Bible 1987

⁸ Sapa llaqtamanmi tuñichiqkuna hamunqaku. Manam mayqan llaqtapas puchunqaku. Qechwankunatapas pasaypaqtam chunnichinqaku. Alto patak pampakunatam purmachinqaku. Ñoqa Tayta Diospa nisqaypi hinam purmachinqaku.

Chuya Qellqa 1992

⁸ Tuñichiqkunaqa sapa llaqtamanmi hamunqaku, manam chulla llaqtapas puchunqachu; qechwankunatawan pampakunatapas pasaypaqtam purmachinqaku. Ñoqa Tayta Diosmi chaynata nini.

Jeremías 48:8 Iomraidhean Croise

Jeremías 15:8

Lamar qochapi aqomantapas masraqmi viudakunapas kanqa, chawpi punchawtam mamanmanwan wawankunamanpas wañuchiqta kachamusaq, qonqaymantam paykunaman ñakariytawan manchakuyta kacharimusaq.

Jeremías 25:9

norte lawpi nacionkunatawan Babilonia nacionpa reynin serviqniy Nabucodonosorta kachamusaq, kay nacionpa, llapallan runankunapa chaynataq muyuriqninpi nacionkunapa contranpi. Hinaspaymi paykunata pasaypaqta tukurusaq, tuñirachispaymi wiñaypaq purmarachisaq, chaynapim runakunapas admirakuspa burlakunqaku.

Jeremías 48:18

Dibón llaqta, altopi tiyanaykimanta uraykamuy, chaki allpapiña tiyay. Moab nacionta purmachiqmi qampa contraykipi hamuchkan, murallaykikunatam tuñirachinña.

Jeremías 51:56

Babiloniata tuñichiqkunam hamurunku, tropankunatam presocharunku, flechananku arcotam pakiparunku. Tayta Diosqa imam ruwasqankuman hinam pimanpas pagapun.

Jeremías 6:26

¡Llaqtamasillaykuna, qachqa pachawan churakuychik, uchpapiyá qochpaychik! ¡Sapallan wawan wañukuptin waqaq warmi hinayá qaparkachaychik! Tuñichiqninchikmi chayaramunña.

Ezequiel 25:9

Chayraykum Moab nacionpa waqtanta kicharusaq, hinaspam huknin waqtanmanta qallaykuspa huknin waqtankama llapa llaqtankunata purmarachisaq. Paykunapa anchallaña kuyasqanku llaqtakunam kaykuna: Bet-jesimot, Baal-meón hinaspa Quiriataim.

Josué 13:17

Qorqataqmi Hesbón llaqtatawan pampapi llaqtakunapas. Chay llaqtakunam karqa: Dibón, Bamot-baal, Bet-baal-meón,

Josué 13:21

Rubén ayllupa allpankunam karqa pampapi llaqtakuna chaynataq Hesbón llaqtapi munaychakuq Amor castakunapa reynin Sehonpa allpankuna. Rey Sehontaqa madianitakunapa kamachiqninkunatawan kuskatam Moisés wañurachirqa. Chay kamachikuqkunam karqa: Evi, Requem, Zur, Hur hinaspa Reba.

Josué 13:9

Paykunamanmi qorqa Arnón wayqopa patanpi kaq Aroer llaqtamanta qallaykuspa, wayqopa chawpinpi kaq llaqtata hinaspa Medeba pampatapas Dibón llaqtakama.