Jeremías 48:7 - CHUYA QELLQA La Biblia en Quechua de Ayacucho 2012

⁷ Moab runakuna qamkunaqa kallpaykichikpiwan qori-qollqekichikpim hapipakurqankichik, ichaqa qamkunapas pasaypaq vencesqam kankichik. Quemos sutiyuq idoloykichikpas, llapa sacerdotenkunawan hinaspa ancha reqsisqa runakunawan kuskam preso apasqa kanqaku.

Quechua Ayacucho Bible 1987

⁷ Moab castakunaqa rurasqaykichikpim hapipakurqankichik. Moab castakunaqa kapuqnikichikpim hapipakurqankichik. Qamkunaqa pasaypaq vencesqamá kankichik. Quemos sutiyoq taytachaykichiktapas presochasqatam apanqaku. Sacerdotekunatawan kamachikuqkunatapas presochasqatam pusanqaku.

Chuya Qellqa 1992

⁷ Moab runakuna qamkunaqa kallpaykichikpiwan qori-qollqekichikpim hapipakurqankichik, ichaqa qamkunapas pasaypaq vencesqam kankichik. Quemos sutiyuq idoloykichikpas, llapa sacerdotenkunawan hinaspa ancha reqsisqa runakunawan kuskam preso apasqa kanqaku.

Jeremías 48:7 Iomraidhean Croise

2~Samuel 5:21

Filisteokuna idolonkuta chaypi saqeruptinkum David-wan runankuna apakurqaku.

1~Reyes 11:33

Chaynataqa ruwasaq qepanchakuruwaspan Sidón llaqtayuq runakunapa yupaychasqan Astoret idolotawan, moabitakunapa yupaychasqan Quemos idolota chaynataq amonitakunapa yupaychasqan Moloc idolotaña yupaychasqanraykum. Payqa manam taytan David hinachu munasqayman hina kawsaspa kamachikuykuna yachachikuykuna qosqayta kasukurqa.

1~Reyes 11:7

Hinaspanmi Jerusalenpa chimpan moqopi huk capillata ruwarachirqa Moab castakunapa yupaychanan millakuypaq Quemos idolopaq chaynataq Amonpa yupaychasqan millakuypaq Moloc idolopaqpas.

Jeremías 13:25

Chaymi qamkunapa destinoykichik kanqa, ñoqata qonqaruwaspaykichik idolokunamanña hapipakusqaykichikmanta. Ñoqa Tayta Diosmi chaynata nini.

Jeremías 43:12

Kay Egipto nacionpi idolokunapa capillankunatapas idolonkunatawan kuskatam kañaykunqa, wakin idolokunatañataqmi presota apanqa. Imaynam oveja michiqpas usata pachanmanta pallakun, chaynam Nabucodonosorqa Egipto nacionta limpianqa, chaymantam mana pipa harkasqan hawka pasakunqa.

Jeremías 48:13

Moab nacionmi Quemos sutiyuq idolonmanta penqakunqa, imaynam Israelpas hapipakusqan Bet-elmanta penqakusqanta hina.

Jeremías 48:46

¡Ay, Moab nación! Quemos sutiyuq idolota yupaychaq nación, ¡imaynaraq kanki! Qari churikikunatawan warmi churikikunatam presota aparunku.

Jeremías 49:3

¡Hesbón llaqta, Hai llaqta tuñirusqanrayku waqay! ¡Rabá llaqtapi warmikuna qaparispa waqaychik, qachqa pachawan pachakuspa qasqoykichikta takakuychik! ¡Loca hinaña kallpakachaspa aychaykichikta kuchupakuychik! Milcom idolotam sacerdotentawan ancha reqsisqa runakunatawan kuskata huklaw nacionman presota aparunku.

Jeremías 49:4

Yaw, mana kasukuq llaqta, ¿imanasqataq qechwaykikunamanta alabakuchkanki? ¿Imanasqataq tukuy imapa wiñanan qechwaykikunawan hatun tukuchkanki? Qamqa tukuy ima huñusqaykipi hapipakuspam nichkanki: ¿Pitaq ñoqata imanawanqa? nispayki.

Jeremías 9:23

Tayta Diosmi kaynata nin: Yachaysapapas, amayá yachaysapa kayninmantaqa alabakuchunchu, allin qaripas, amayá allinnin qari-qari kayninmantaqa alabakuchunchu, apupas, amayá apu kayninmantaqa alabakuchunchu.

Oseas 10:13

Qamkunam ichaqa mana allinllata tarpuchkankichik, mana allinllata cosechaspam llullakuynikichikpa rurunta mikuchkankichik. Qamkunaqa tropaykichikpa kallpanpim hapipakunkichik.

Números 21:29

¡Ay, Moab runakuna, Quemos idolopa runankuna! Chinkachisqañam kachkankichik. Quemos idolom qari churikichiktapas lluptirachin, Quemos idolom warmi churikichiktapas presocharachin. Amorreokunapa reynin Sehonwanmi chaynata ruwarachin.

1~Timoteo 6:17

Llapa apukunata kamachiy ama hatun tukunankupaq nitaq tukuruq-lla kapuqninkupipas hapipakunan-kupaq, paykunaqa kawsaq Dioslla-man hapipakuchunku, payllam chanin-ninpi llapa imakunatapas kusikunan-chikpaq qowaqninchikqa.

Apocalipsis 18:7

Imaynam payqa hatunchakuspan kusikuyllapi karqa, chayman hina waqaytawan sasachakuyta qoychik, payqa sonqonpim nichkan: “Ñoqaqa reina hinañam tiyachkani, ñoqaqa manam viudachu kani, ñoqaqa manañam waqasaqñachu”, nispa.

Jueces 11:24

Quemos diosnikipa qosusqaykiqa, ¿manachum qampaña? Chaynam ñoqaykuman Tayta Diospa qowasqankupas ñoqaykupaña.