Jeremías 48:44 - CHUYA QELLQA La Biblia en Quechua de Ayacucho 2012

⁴⁴ Ñoqa Tayta Diosmi kaynata nini: Manchakuymanta lluptiqkunam uchkuman wichiykunqaku, uchkumanta lluptiqkunam toqllaman wichiykunqaku. Moab runakunata castiganay tiempo chayaramuptinmi chayna kanqa.

Quechua Ayacucho Bible 1987

⁴⁴ Ñoqa Tayta Diosmi kaynata nini: Manchakuymanta lluptiqkunam pozoman wichiykunqaku. Pozomanta lluptiqkunam toqllaman wichiykunqaku. Moab runakunata castiganay tiempota chayachimuptiymi chayna kanqaku.

Chuya Qellqa 1992

⁴⁴ Ñoqa Tayta Diosmi kaynata nini: Manchakuymanta lluptiqkunam uchkuman wichiykunqaku, uchkumanta lluptiqkunam toqllaman wichiykunqaku. Moab runakunata castiganay tiempo chayaramuptinmi chayna kanqa.

Jeremías 48:44 Iomraidhean Croise

1~Reyes 19:17

Hazaelpa mana wañuchisqantam Jehú wañuchinqa, Jehupa mana wañuchisqantañataqmi Eliseo wañuchinqa.

1~Reyes 20:30

Wakinñataqmi Afec llaqtaman lluptirurqaku, ichaqa chay llaqtapa murallanmi tuñiykuspan iskay chunka qanchisniyuq waranqa soldadokunata wañurachirqa. Ben-adadpas llaqtaman lluptiruspanmi cuarton-cuarton pakakurqa.

Isaías 10:3

¿Imatataq castigo punchawpi ruwankichik? ¿Karumantaraq sasachakuy hamususqaykichik punchawpi, pimantaq yanapasunaykichikpaq hapipakunkichik? ¿Maypitaq qori-qollqekichikta saqenkichik?

Isaías 24:17

Kay pachapi yachaqkuna, manchakuymi suyasuchkankichik, wichinaykichikpaq trampam listollaña kachkan.

Isaías 24:18

Chaynapim manchakuymanta lluptiqpas uchkuman wichiykunqa, uchkumanta lloqsiruspa ayqeqtañataqmi trampa hapirunqa, cielokunapi yakukunam taqtakaykamunqa, kay pachapa cimientonkuna katkatatanankama.

Jeremías 10:15

Chay idolokunaqa mana imapaq valeqmi, castigasqa kasqanku punchawmi ñutusqa kanqaku.

Jeremías 11:23

Manam paykunamantaqa hukllapas puchunqachu. Anatot llaqtapi runakunamanqa castiganay punchawpim hatun sasachakuyta kachamusaq, nispa.

Jeremías 16:16

Ñoqa Tayta Diosmi kaynata nini: Challwaqkunatam challwasunaykichikpaq kachamusaq. Chaymantam purun animal hapiqkunata kachamusaq, paykunam montekunapi, orqokunapi, moqokunapi, qaqakunapi, uchkukunapi maskaspa hapimusunkichik.

Jeremías 23:12

Chayraykum paykunapa kawsayninqa tutayaypi lluchka ñan hina kanqa, tanqasqa kaspankum chayman wichiykunqaku, castiganay punchawpim ñakariyta paykunaman apamusaq. Ñoqa Tayta Diosmi chaynata nini.

Jeremías 46:21

Pagasqa soldadokunapas wirayachisqa torokuna hinam kachkanku, ichaqa enemigonkuta mana aguantaspam lluptikunqaku, sasachakuypi kananku punchawmi chayaramun, castigasqa kananku punchawmi chayaramun.

Jeremías 49:8

¡Dedán llaqtapi yachaqkuna, pakakamunaykichikpaq lluptiychik! Esaupa llaqtantam tuñichisaq, castiganay punchawmi chayaramun.

Jeremías 50:24

Yaw, Babilonia llaqta, contraykipim toqllata churaruni; mana musyakuspam chay toqllaman wichiykunki. Tayta Diospa contraypi hatarisqaykiraykum hapirachikuspa presocharachikunki.

Jeremías 50:27

Soldadonkunata wañuchiychik, nakana wasiman pusaychik. ¡Ay, imaynaraq kanqaku, castigasqa kananku punchawmi chayaramunña!

Jeremías 51:18

Mana imapaq valeqmi chaykunaqa, asikuypaqmi chay idolokunaqa, Tayta Diospa castiganan punchaw chayamuptinmi pasaypaq ñutusqa kanqaku.

Jeremías 8:12

Millakuypaq ruwasqankumanta penqakunanku kachkaptinpas manam penqakurqakuchu. Paykunaqa manam penqakuytapas yachankuchu, chayraykum ñoqa Tayta Dios kaynata nini: Paykunaqa castigasqay tiempopim wichinqaku, wañuchisqakunawan kuskam wañuchisqa kanqaku.

Lamentaciones 3:47

Mancharikuypaq trampakunam, ñakariywan llakikuymi, hawaykuman chayaramurqa.

Oseas 9:7

¡Castigasqa kananku punchawqa ñam chayaramunña! ¡Pagasqa kananku punchawqa ñam chayaramunña! Chaykunataqa Israelpa mirayninkunaqa ñam yachankuña. Qamkunaqa ninkichik: “Profetaqa mana yachayniyuqmi nispam”. “Espiritupa yanapakuyninwan rimaqtapas locopaqmi hapinkichik”. Huchapa intusqan kasqaykichikraykum chaykunataqa rimankichik, llumpay cheqnikuq kasqaykichikraykum chaynataqa tanteankichik.

Amós 5:19

Imaynam leonmanta ayqespan ukumariwan tuparunman, otaq wasinman yaykuspa perqaman tawnapakuykuptin maqta uru kachurunman, chaynapunim chay punchawqa kanqa.

Miqueas 7:4

Paykunamanta allinpaq hapisqa runakunam kichka hina, allin kawsaqñataqmi anku kichka hina. Ñakarinayki punchawmi hamuchkan, castigasqa kanaykimanta profetakunapa rimarisqan punchawmi chayamuchkan, hinaptinmi muspaypi hina tarikunki.