Jeremías 48:27 - CHUYA QELLQA La Biblia en Quechua de Ayacucho 2012

²⁷ Moab nación, ¿manachu Israelta burlakurqanki? ¿Manachum suwamanta hina rimaspa sapa kuti asipayarqanki?

Quechua Ayacucho Bible 1987

²⁷ Moab nacion ¿manachum qampas Israel castamanta burlakurqanki? ¿Manachum hapirachikuq suwakunamanta hina burlakurqanki? Sapa kuti rimaspaykiqa ¿manachum paykunata despreciarqanki?

Chuya Qellqa 1992

²⁷ Moab nación ¿manachu Israelta burlakurqanki? ¿Manachum suwamanta hina rimaspa sapa kuti asipayarqanki?

Jeremías 48:27 Iomraidhean Croise

Jobwan Sutichasqa Libro 16:4

Ñoqapa ñakarisqayta qamkuna ñakariptikichikqa ñoqapas qamkuna hinachá rimachkayman, asikuq hinachá umayta kuyuchispay qamkunapa contraykichikpi rimachkayman.

Jeremías 18:16

Chaynapim allpankutapas chunnirachinku, runakunapa asipayanantañam ruwarunku. Chayninta puriqkunapas admirakuspam umankutaraq aywinqaku.

Jeremías 2:26

Imaynam suwa tarirachikuspan hatun penqaypi rikurirun, chaynam Israel runakunapas hatun penqaypi tarikunqaku, reyninkunawan kamachiqninkunapas, sacerdotenkunawan profetankunapas, penqaypim tarikunqaku.

Lamentaciones 1:12

Ñanninta puriqkuna qawariwaspa tanteariychik: ¿Manachu kay nanayniymanta imapas qokusunkichik? ¿Pitaq kaynaña nanaywan mana ñakariq kanman? Tayta Diosmi piñakuyninpi kaynaña ñakariyta kachaykamuwan.

Lamentaciones 1:7

Jerusalenmi humillachisqa kaspa llakipi purisqanta yuyarin, ñawpaq watakunapi kapuqninkunatam yuyarin; enemigonkuna venceruptinmi mana pipas yanapaykuqnin karqachu, ñakariqta rikuspankum enemigonkuna asipayarqaku.

Ezequiel 25:8

Tayta Diosmi kaynata nin: Moab nacionwan Seir nacionmi kaynata ninku: “Judá nacionpas wakin nacionkuna hinallam”, nispanku.

Ezequiel 35:15

Israelpa mirayninkunapa herencianku allpa purmachisqa kaptinmi kusikurqanki, chaynatapunim qanwanpas ruwasaq: Seir orqom purmachisqa kanqa, Edom nacionmi purmachisqa kanqa. Chaynapim Tayta Dios kasqayta yachanqaku.

Ezequiel 36:2

Israel nacionpa enemigonkunam kaynata ninku: “Wiñaypaq kaq orqokunaqa ñoqanchikpañam”, nispanku.

Ezequiel 36:4

Chaynaqa, Israel nacionpi orqokuna Tayta Diospa nisqanta uyariychik. Orqokunata, moqokunata, qechwakunata, wayqokunata, purmachisqa llaqtakunata hinaspa chunnichisqa llaqtakunatam Tayta Dios kaynata nin: Qamkunam muyuriqnikichikpi llaqtakunapa suwas-qan karqankichik, chay llaqtakunam qamkunamanta burlakuspa asikurqaku.

Sofonías 2:10

Chaykunam pagon kanqa Moab runakunapaqwan Amón castakunapaq, Tukuy Atiyniyuq Tayta Diospa llaqtanta kamispa allpankutapas Diospa llaqtanpa allpanwan mirachikusqankurayku.

Sofonías 2:8

Tukuy Atiyniyuq Tayta Diosmi kaynata nin: Moab runakunapa, Amón runakunapa kamikuynintam uyariruni, paykunam llaqtayta penqayman churaspanku llaqtaypa allpanwan allpankutapas miraykachikurqaku.

Mateo 26:55

Chaymantam llapa runakunata Jesús tapurqa: ¿Suwata hina hapiwanaykichikpaqchu espadayuqkama chaynataq kaspiyuqkama hamurqankichik? Ñoqaqa sapa punchawmi templopi yachachispay qamkunawan karqani, ichaqa manam presochawarqankichikchu.

Mateo 27:38

Jesustawan kuskatam iskay suwakunata chakatarurqaku, huknintam alleq lawninpi, huknintañataqmi ichoq lawninpi.

Mateo 7:2

Imaynam juzgas-qaykichikman hinam Diospas juzga-sunkichik, imaynam ruwasqaykichikman hinataqmi Diospas qamkunawan ruwanqa.