Jeremías 48:2 - CHUYA QELLQA La Biblia en Quechua de Ayacucho 2012

² Moab nacionpa hatun tukuyninmi tukurun, Moab nacionta chinkachinankupaqmi llapa enemigonkuna Hesbón llaqtapi rimanakurunku. Madmena llaqta, qampas puchukachisqam kanki, wañuymi qatikachasunki.

Quechua Ayacucho Bible 1987

² Moab nacionpi alabanapaq kaqkunam tukurunku. Hesbon llaqtapim chaypa contranpi rimanakurunku. Moab nacion chinkachisqa kananpaqmi rimanakurunku. Madmen llaqta, qampas chunnichisqam kanki. Guerrapi wañunaykipaq amenazasqam kanki.

Chuya Qellqa 1992

² Moab nacionpa hatun tukuyninmi tukurun, Moab nacionta chinkachinankupaqmi llapa enemigonkuna Hesbón llaqtapi rimanakurunku. Madmena llaqta, qampas puchukachisqam kanki, wañuymi qatikachasunki.

Jeremías 48:2 Iomraidhean Croise

Isaías 15:1

Moab llaqtapa contranpim Isaías kaynata willakurqa: Ar llaqtata ñutusqanku tutam Moab nación tuñichisqa karqa. Kir llaqtata vencesqanku tutam Moab nación purmachisqa karqa.

Isaías 15:5

Moab nacionraykum sonqoy qaparin. Runankunam kimsa watayuq vaquilla kaqllaraq Zoar llaqtakama lluptichkanku. Luhit wichaytam waqastin qespichkanku. Horonaim llaqtaman riq ñantam llakikuypi kasqankurayku qaparispa richkanku.

Isaías 16:14

Kunanñataqmi Tayta Dios kaynata nin: Kimsa watamantam, llamkapakuq runapa yupasqan watamanta hina, Moab nacionpa hatun kayninqa tuñichisqa kanqa, nana-nanaq runayuq kaspapas penqayman churasqam kanqa. Chaymanta puchuqkunapas mana atiyniyuq pisi runakunallam kanqaku, nispa.

Isaías 25:10

Tayta Diosmi Sión moqota atiyninwan waqaychanqa; Moab naciontam ichaqa, wanupatapi qopata hina maymi kasqampi saruparunqa.

Jeremías 25:15

Israelpa yupaychasqan Tayta Diosmi kaynata niwarqa: Vinowan hina piñakuyniywan huntasqa vasota chaskiwaspaykiyá kachasqay nacionkunaman upyachimuy.

Jeremías 25:17

Tayta Diospa makinmanta chay vasota chaskiykuspaymi, kachawasqan nacionkunaman upyachimurqani.

Jeremías 31:36

Sichum hukkaqnin punchaw kay kamachikuyniykuna chinkarunqa, hinaptinqa Israelpa mirayninkunapas manañam llaqtayñachu kanqa.

Jeremías 33:24

¿Manachu uyarirqanki huklaw nacionpi kaqkunapa rimasqanta? Paykunam nichkanku: “Tayta Diosmi akllasqan iskaynin ayllukunata cheqnipakurun”, nispanku. Chayraykum llaqtayta mana kaqpaq hina hapispanku manaña nacionta hinañachu qawanku.

Jeremías 46:28

Ñoqa Tayta Diosmi kaynata nini: Serviqniy Jacob, ñoqam qanwan kachkani, ama manchakuychu. Cheqerachiptiy chayasqayki nacionkunatam pasaypaqta chinkarachisaq, qamtam ichaqa mana chinkachisqaykichu, huchaykiman hinam castigasqayki, castiganaymantaqa manam lluptinkichu, nispa.

Jeremías 48:17

Moab nacionpa hichpanpi yachaqkuna, ancha reqsisqa kasqanta yachaqkuna, paymanta waqaspa kaynata niychik: Qawariychik, “¡pakisqa kaspi hinam atiynin rikurirun! ¡Pakisqa tawna hinam sumaq kayninpas rikurirun!” nispaykichik.

Jeremías 48:42

Moab nacionmi pasaypaq chinkachisqa kanqa, ñoqa Tayta Diospa contraypi hatunchakusqanrayku.

Jeremías 48:45

Wakin runam mana kallpayuqña lluptirunku, Hesbón llaqtapi amparakunankupaqmi lluptirunku; ichaqa Hesbón llaqtamantam nina lloqsiramun, Sehón llaqtanmantam lenwachkaq nina lloqsiramun, Moab naciontam kuchun-kuchun ruparun, chaqwakuq llaqtatam uma puyukninkama ruparun.

Jeremías 49:3

¡Hesbón llaqta, Hai llaqta tuñirusqanrayku waqay! ¡Rabá llaqtapi warmikuna qaparispa waqaychik, qachqa pachawan pachakuspa qasqoykichikta takakuychik! ¡Loca hinaña kallpakachaspa aychaykichikta kuchupakuychik! Milcom idolotam sacerdotentawan ancha reqsisqa runakunatawan kuskata huklaw nacionman presota aparunku.

Jeremías 49:37

Ñoqa Tayta Diosmi kaynata nini: Wañuchiy munaq enemigonkupa qayllanpim Elam nacionta katkatatachisaq, chay nacionpa contranpim sasachakuytawan ñakariyta kachamusaq, pasaypaqta tukunaykamam guerrata kacharimusaq.

Números 32:37

Rubenpa mirayninkunam musoqmanta kay llaqtakunata hatarichirqaku: Hesbón, Eleale, Quiriataim,