Jeremías 48:17 - CHUYA QELLQA La Biblia en Quechua de Ayacucho 2012

¹⁷ Moab nacionpa hichpanpi yachaqkuna, ancha reqsisqa kasqanta yachaqkuna, paymanta waqaspa kaynata niychik: Qawariychik, “¡pakisqa kaspi hinam atiynin rikurirun! ¡Pakisqa tawna hinam sumaq kayninpas rikurirun!” nispaykichik.

Quechua Ayacucho Bible 1987

¹⁷ Moab nacionpa vecinonkunapas chay nacionmantayá waqaychik. Ancha reqsisqa kasqan yachaqkunapas chay nacionmantayá waqaychik. “¡Pakisqa vara hinam atiyniki rikurirun!” nispayá niychik. “¡Pakisqa tawna hinam sumaq kayniki rikurirun!” nispayá niychik.

Chuya Qellqa 1992

¹⁷ Moab nacionpa hichpanpi yachaqkuna, ancha reqsisqa kasqanta yachaqkuna, paymanta waqaspa kaynata niychik: Qawariychik, “¡Pakisqa kaspi hinam atiynin rikurirun! ¡Pakisqa tawna hinam sumaq kayninpas rikurirun!” nispaykichik.

Jeremías 48:17 Iomraidhean Croise

Isaías 10:5

¡Ay, imaynaraq kanqa Asiria nacionpa reynin! Payqa castiganaypaq makiypi kaspim, piñakuyniytam makinman churani.

Isaías 14:6

payqa piñakuyninpim mana hampiy atina heridakunawan llaqtakunata ñakarichirqa, sinchi piñakuywanmi nacionkunapi munaychakurqa, mana llakipayarispam nacionkunata qatikacharqa.

Isaías 16:8

Hesbonpa chakrankunapi plantakunam qawirun, Sibmapi uvas huertakunam pasaypaqta qawirun, nacionkunapi munaychakuqkunam ikllimuqkunatapas sarutyarun, kallmankunapas Jazer llaqtakama mastarikuspam chunniqkama chayarqa. Lamar qochapa waklawninkamaraqmi chayarurqa.

Isaías 9:4

Qanmi llasaq yugota pakipachkaq hina ñakarichiqninkumanta libraykurqanki, hombronkupi kaspita pakipachkaq hinam ñakarichiqninkuta vencerurqanki. Chaynataqa ruwarqanki Madián llaqtata ruwasqaykita hinam.

Jeremías 48:39

¡Moab nación taqmasqa kasqanmanta waqaychik! Manchakuypa huntasqanmi kachkan, penqakuymantam qepanpakurun, lliw nacionkunapa burlakunanñam rikurirun, lliw nacionkunapa manchakunanñam rikurirun.