Jeremías 48:14 - CHUYA QELLQA La Biblia en Quechua de Ayacucho 2012

¹⁴ Moab nacionqa amayá nichkachunchu: “Allinnin qari-qari soldadokunam kaniku” nispaqa, nitaq “guerrapi peleaq tropakunam kaniku” nispapas.

Quechua Ayacucho Bible 1987

¹⁴ Moab nacionqa amañayá nichunchu: “Valeroso soldadokunam kaniku” nispaqa. Moab nacionqa amañayá nichunchu: “Guerrapi peleaq tropakunam kaniku” nispaqa.

Chuya Qellqa 1992

¹⁴ Moab nacionqa amayá nichkachunchu: “Allinnin qari-qari soldadokunam kaniku” nispaqa, nitaq “guerrapi peleaq tropakunam kaniku” nispapas.

Jeremías 48:14 Iomraidhean Croise

Eclesiastés 9:11

Kay pachapiqa rikurqanitaqmi kaykunatapas: Kallpaypiqa manam llumpay kallpaqchu gananku; manam qari-qari soldadokunachu guerrapipas gananku, yachayniyuqkunapas manam tukuy tiempochu tantata tarinku, yachaysapakunapas manam lliwchu apu kanku, allin yachayniyuqkunatapas manam lliw runachu allinta chaskinku. Aswanqa sapakamapaqmi tiempo hamun ganananpaq otaq mana ganananpaqpas, ruway atinanpaq mana atinanpaqpas.

Isaías 10:13

Asiria nacionpa reyninmi nirqa: “Atiyniywanmi chaykunata ruwarqani, yachayniywan hinaspa yuyaysapa kasqayrayku. Nacionkunapa linderonkunatam asuchirqani, qori-qollqenkutam qechurqani. Ñoqaqa munaychakuq hinam kamachiqninkutapas wischurqani.

Isaías 10:16

Chayraykum Tukuy Atiyniyuq Diosqa kallpasapa runankunata eqoyachinqa, hatu-hatunllaña kaynintam lenwachkaq ninawan hina ruparachinqa.

Isaías 16:6

Moab llaqtapa hatun tukuyninqa yachasqam kachkan. Llumpaymi hatun tukuspa yanqa rimaq kayninpas, llulla kayninpas manam takyanqachu.

Jeremías 49:16

Hatun tukuynikim pantarachisunki, sonqoykipa hatun tukuyninmi pantayman aparusunki. Qaqapa uchkunkunapiña yachaptikipas, alto raqchikunapiña wasichakuruptikipas, anka hinaña alto qaqakunapi qesachakuptikipas, chaymantam wikapamusqayki. Ñoqa Tayta Diosmi chaynata nini.

Jeremías 8:8

¿Imanasqataq ninkichik: Yachaysapam kaniku, Tayta Diospa yachachikuynintam hatalliniku, nispaqa? Qellqaqkunapas llullakunatam qellqachkanku, llullakuspankum yachachikuyniykunata qellqachkanku.

Jeremías 9:23

Tayta Diosmi kaynata nin: Yachaysapapas, amayá yachaysapa kayninmantaqa alabakuchunchu, allin qaripas, amayá allinnin qari-qari kayninmantaqa alabakuchunchu, apupas, amayá apu kayninmantaqa alabakuchunchu.

Ezequiel 30:6

Ñoqa Tayta Diosmi kaynata nini: Egipto nacionta yanapaqkunapas Migdol llaqtamanta qallaykuspam Sevene llaqtakama espadapi wañunqaku. Ñoqa Tayta Diosmi chaynata nini.

Sofonías 2:10

Chaykunam pagon kanqa Moab runakunapaqwan Amón castakunapaq, Tukuy Atiyniyuq Tayta Diospa llaqtanta kamispa allpankutapas Diospa llaqtanpa allpanwan mirachikusqankurayku.