Jeremías 48:11 - CHUYA QELLQA La Biblia en Quechua de Ayacucho 2012

¹¹ Moab nacionniyuq runakunaqa warma kasqankumantaraqmi hawkalla kawsakurqaku, paykunataqa manam haykapipas presotaqa aparqakuchu. Paykunaqa urpupi mana kuyuchisqa vino hinam kachkanku, chayraykum paykunaqa hina kaqlla hawka kakurqaku.

Quechua Ayacucho Bible 1987

¹¹ Moab nacionniyoq runakunaqa qallariyninmantapunim hawkalla kawsakurqaku. Paykunaqa manam haykapipas presochasqaqa rirqakuchu. Urpupi qonchunkama mana kuyuchisqa vino hinam paykunaqa kanku. Chayraykum gustonpas hinalla kachkan. Chayraykum asnayninpas hinalla kachkan.

Chuya Qellqa 1992

¹¹ Moab nacionniyuq runakunaqa warma kasqankumantaraqmi hawkalla kawsakurqaku, paykunataqa manam haykapipas presotaqa aparqakuchu. Paykunaqa urpupi mana kuyuchisqa vino hinam kachkanku, chayraykum paykunaqa hina kaqlla hawka kakurqaku.

Jeremías 48:11 Iomraidhean Croise

Proverbios 1:32

Mana yachayniyuqkunataqa mana yachayniyuq kayninmi wañurachinqa. Mana tanteakuy yachaq runataqa, mana tanteakuy yachaq kayninmi chinkarachinqa.

Isaías 16:6

Moab llaqtapa hatun tukuyninqa yachasqam kachkan. Llumpaymi hatun tukuspa yanqa rimaq kayninpas, llulla kayninpas manam takyanqachu.

Isaías 24:3

Tayta Diosmi kaynata nin: Kay pachaqa pasaypaqtam chunninqa, pasaypaq mana imayuqñam kanqa, nispa.

Isaías 25:6

Tukuy Atiyniyuq Tayta Diosmi Sión moqopi, llapallan nacionkunapaq hatun convidota ruwanqa, miskillaña mikuykunatawan unay watayuq vinotam convidanqa, miskillaña mikuykunatawan suma-sumaq vinotam convidanqa.

Jeremías 22:21

Tukuy imayuq kaspa hawka kachkaptikim rimapayarqayki, ichaqa manam uyariwarqankichu. Qamqa warma kasqaykimantapunim ima nisqaytapas mana kasuwarqankichu.

Jeremías 48:12

Chayraykum ñoqa Tayta Dios nini: Chayamunqam punchaw, urpupi vinota talliruq runakunata kachamunaypaq, manaña imayuq urpukunatapas pakiparunankupaq.

Jeremías 48:29

Moab nacionpa hatun tukuq, pay tukuq, qari tukuq, badulaki, hinaspa mana kasukuq kasqantaqa yachanchikmi.

Jeremías 51:34

Sión llaqtam kaynata nin: Babiloniapa reynin Nabucodonosormi ñutuparuwaspan mikuruwarqa, mana imayuq platota hinam saqeruwarqa, rakrapu hinam millpuruwarqa, ñoqawan wiksanta huntarachispanmi atqoruwarqa.

Nahúm 2:10

Nínive llaqtaqa purmachisqa chunniq mana imayuqmi qeparun. Sonqonkupas manchakuymantam hukmanyarun, moqonkupas pasaypaqtam katkatatarun, lliwmi mana kallpayuqña qeparunku, uyankupas pasaypaqtam ayayarun.

Nahúm 2:2

Tayta Diosmi Jacobpa hatun kayninta huktawan hatarichinqa, Israelpa hatun kaynintam Tayta Dios kutichipunqa, suwakuna tukuy imanta suwaruspa mana kallmayuq uvasta hinaña saqeruchkaptinkupas.

Sofonías 1:12

Chay tiempopim mecherota hapiykuspay Jerusalén llaqtata kuchun-kuchun maskaykusaq. Vinopa levaduran hina hawka tiyakuq runakunatam castigasaq. Paykunam sonqonkupi ninku: “Tayta Diosqa allinta otaq mana allintapas manam ruwanqachu”, nispanku.

Zacarías 1:15

Ichaqa mana imapas qokuq nacionkunapaqmi llumpayta piñakuruni. Tumpallataraq piñakusqayraykum paykuna aswanraq mana allinta ruwarqaku.