Jeremías 48:10 - CHUYA QELLQA La Biblia en Quechua de Ayacucho 2012

¹⁰ Tayta Diospa kamachisqanta qellapakuspa ruwaqqa ñakasqayá kachun. Wañuchinanpaq kamachichkaptin mana wañuchiqqa ñakasqayá kachun.

Quechua Ayacucho Bible 1987

¹⁰ Ñakasqayá kachun Tayta Diospa kamachisqanta qellapakuywan ruraq runaqa. Ñakasqayá kachun wañuchinanpaq kamachisqa kachkaspan mana wañuchiq runaqa.

Chuya Qellqa 1992

¹⁰ Tayta Diospa kamachisqanta qellapakuspa ruwaqqa ñakasqayá kachun. Wañuchinanpaq kamachichkaptin mana wañuchiqqa ñakasqayá kachun.

Jeremías 48:10 Iomraidhean Croise

1~Reyes 20:39

Rey pasachkaptinmi qaparispa nirqa: Kay serviqnikim guerrapi kachkarqani, hinaptinmi huk soldado saqeykuwarqa huk presota kaynata niwaspan: “Kay runata waqaychay, lluptiruptinqa paypa rantinpim wañunki otaqmi kimsa chunka tawayuq kilo qollqeta paganki”, nispa.

1~Reyes 20:40

Ichaqa ruwanaykunata kaypi chaypi ruwanaykamam chay runa chinkarurqa, nispa. Chaymi Israel nacionpa reynin nirqa: Kikillaykim willakuspa sentenciakurunki, nispa.

1~Reyes 20:42

Chaymi profeta nirqa: Tayta Diosmi kaynata nin: Wañunanpaq sentenciasqay runata kacharisqaykimantam paypa rantinpi wañunki, runaykikunañataqmi runankunapa rantinpi wañunqaku, nispa.

2~Reyes 13:19

Chaymi reypaq piñakuspan profeta Eliseo nirqa: Pichqa kutikama otaq soqta kutika-ma pampata waqtaspaqa Siria runakunatam manaña hukllapas puchunankama wañuchiwaq karqa. Chaynaqa, kimsa kutikamallam Siria nacionta vencenki, nispa.

Jeremías 11:3

Israelpa yupaychasqan ñoqa Tayta Diosmi kaynata nini: Pactoypa nisqankunata mana kasukuq runaqa ñakasqa kachun.

Jeremías 47:6

Tayta Diospa espadan, ¿haykapitaq samanki? Vainaykiman kutiykuspayki samaykuyña.

Jeremías 47:7

Ichaqa ¿imaynataq samaykunman Ascalón llaqtata, lamarpa patanpi llaqtakunata atacananpaq Tayta Dios kamachichkaptinqa? Chaypaqmi destinasqa karqanki.

Jeremías 50:25

Tayta Diosmi armankuna waqaychanan wasita kicharun, piñakuy armankunatam hurqoramun; Tukuy Atiyniyuq Tayta Diosmi Caldea runakunawan imam ruwananta ruwanqa.

Jeremías 50:27

Soldadonkunata wañuchiychik, nakana wasiman pusaychik. ¡Ay, imaynaraq kanqaku, castigasqa kananku punchawmi chayaramunña!

Josué 10:19

Qamkunaqa ama samaykuspa enemigoykichikta utqayman qatiychik, ama llaqtankuman kutinankuta saqeychikchu. Paykunataqa Tayta Diosmi makikichikman churaykun, nispa.

Jueces 5:23

Tayta Diospa angelninmi kaynata nin: “Meroz llaqtapi yachaqkunata ñakaychik, Tayta Diospa tropankuna kallpasapa tropakunawan peleaptin yanapaq mana hamusqankumanta”, nispa.

1~Samuel 15:3

Chaynaqa, rispayá kunan Amalec runakunata wañuchimuy, amam imantapas puchuchinkichu, aswanqa wañuchinkim qarikunata, warmikunata, warmakunata, ñuñuq wawakunatapas chaynataq vacakunata, ovejakunata, camellokunata hinaspa asnokunatapas, nispa.

1~Samuel 15:9

Ichaqa Saulmi tropankunapiwan rey Agagta mana wañuchirqakuchu, nitaqmi allinnin ovejakunatawan poqosqa malta torokunatapas hinaspa poqosqa carnerokunatapas. Manataqmi chinkachirqakuchu allinnin kaqkunatapas. Mana valeq kaqkunatam ichaqa wañuchispanku chinkachirqaku.