Jeremías 46:9 - CHUYA QELLQA La Biblia en Quechua de Ayacucho 2012

⁹ ¡Silladakuna kallpaychik! ¡Carretakuna loco hinaña pawaychik! ¡Allinnin qari-qari runakuna lloqsiychik! Etiopía nacionniyuq, Fut nacionniyuq soldadokuna escudonkuta hapichunku, Lud nacionniyuq soldadokuna flechananku arcota alistachunku.

Quechua Ayacucho Bible 1987

⁹ Silladakunayá kallpachunku. Carretayoqkunayá utqachunku. Valerosokunayá lloqsichunku. Harkachikuna hapiq Cus nacionniyoq soldadokuna, qamkunapas lloqsiychikyá. Flecha manejaq Lud nacionniyoq soldadokuna, qamkunapas lloqsiychikyá.

Chuya Qellqa 1992

⁹ ¡Silladakuna kallpaychik! ¡Carretakuna loco hinaña pawaychik! ¡Allinnin qari-qari runakuna lloqsiychik! Etiopía nacionniyuq, Fut nacionniyuq soldadokuna escudonkuta hapichunku, Lud nacionniyuq soldadokuna flechananku arcota alistachunku.

Jeremías 46:9 Iomraidhean Croise

Génesis 10:13

Mizraimpa churinkunam karqa: Ludim, Anamim, Lehabim, Naftuhim,

Génesis 10:6

Campa churinkunam karqa: Cus, Mizraim, Fut hinaspa Canaán.

1~Crónicas 1:11

Mizraimpa mirayninkunam karqa: Ludim, Anamim, Lehabim, Naftuhim,

Isaías 66:19

Paykunamanmi huk señalta qosaq. Wañuymanta lluptiqkunatam kay nacionkunaman kachasaq: Tarsis llaqtaman, Libia llaqtaman, flechana arma manejaq Lidia llaqtaman, Tubal llaqtaman Grecia llaqtaman, hinaspa lamar qochapa patankunapi karu nacionkunamanpas. Chaypi kaq runakunaqa manam haykapipas ñoqamanta uyarirqakuchu, nitaqmi atiyniytapas reqsinkuchu. Paykunam chay nacionkunaman atiyniymanta willamunqaku.

Jeremías 30:5

Ñoqa Tayta Diosmi kaynata nini: Manchakuymanta qapariykunam uyarikuchkan, manam hawkayayqa kanñachu, aswanqa manchakuyllañam.

Jeremías 47:3

Caballokunapa kallpasqanta, carretakunapa ruedanpa qaparisqanta uyarispankum, llapa taytankupas manaña kallpayuq rikurispanku wawa-churinkuta saqerunku.

Jeremías 51:11

Tayta Diosmi Babiloniata chinkachinqa, templonta tuñichisqanmantam vengakunqa. Flechaykichikta alistakuychik, escudoykichikta hapiychik. Babilonia nacionta tuñichinankupaqmi Media nacionpa reyninkunata Tayta Dios kallpanchamuchkan.

Ezequiel 27:10

Persia, Lidia hinaspa Libia nacionniyuq runakunam guerrapaq tropaykikunapas karqaku; paykunam qasqota wasata harkachikunankutawan casconkuta qampa waqtaykipi warkuqku, sumaq qawapasllaña kanaykipaqmi chaynataqa warkuqku.

Ezequiel 30:4

Egipto nacionmanmi guerra chayanqa, Egipto runakuna achkallaña wañuptinmi Etiopía nacionpas manchakuymanta katkatatanqa. Tukuy kapuqninkunatam apakunqaku, cimientonkamam tuñichisqa kanqa

Ezequiel 30:5

Etiopía, Fut, Lud, Arabia hinaspa Libia nacionniyuqkunam espadawan wañuchisqa kanqaku, paykunaman hukllawakuq nacionkunapas wañunqakum, nispayki.

Nahúm 3:9

Etiopía nacionwan Egipto nacionmi karqa Tebaspa mana tukuq kallpankuna, Fut nacionwan Libia nacionñataqmi hukllawakuspa yanapaqninkuna karqa.

Hechos 2:10

Frigiamanta, Panfiliamanta, Egipto-manta, Cirenepa waklawnin Africamanta. Kachkantaqmi kaypi yachaq Roma llaqtayuq runakunapas. Wakinmi nacesqankumanta judío kanku, wakinñataqmi judiokunapa religionninman tikrakuqkuna.

1~Corintios 1:8

Paytaqmi tukupay tiempokama takyachisunkichik, Señor-ninchik Jesucristo kutimuptin mana pipapas acusasqan kanaykichikpaq.