Jeremías 46:6 - CHUYA QELLQA La Biblia en Quechua de Ayacucho 2012

⁶ Maynaña kallpaqpas manam lluptiyta atinchu, allinnin qari-qari soldadopas manam ayqeyta atinchu, Eufrates mayupa norte lawninpim mitkarunku.

Quechua Ayacucho Bible 1987

⁶ Utqayllamanña kallpaqkunapas manam lluptiyta atinkuchu. Valeroso soldadokunapas manam ayqeyta atinkuchu. Norte law Eufrates Mayupa hichpanpim mitkarunku. Norte law Eufrates Mayupa hichpampim wichirunku.

Chuya Qellqa 1992

⁶ Maynaña kallpaqpas manam lluptiyta atinchu, allinnin qari-qari soldadopas manam ayqeyta atinchu, Eufrates mayupa norte lawninpim mitkarunku.

Jeremías 46:6 Iomraidhean Croise

2~Reyes 23:29

Chay tiempopim Egiptopa reynin Faraón Necao Eufrates mayukama rirqa, chaynapi Asiria nacionpa reyninta yanapananpaq. Rey Josiasñataqmi rey Necaopa contranpi rirqa, ichaqa rey Necaomi rikuruspan rey Josiasta Meguido llaqtapi wañurachirqa.

2~Reyes 24:7

Chaymantapunim Egipto nacionpa reyninqa manaña haykapipas llaqtanmanta lloqsirqañachu, allpankunata Babilonia nacionpa reynin Egipto mayumanta qallaykuspa Eufrates mayukama hapikuykusqanrayku.

Eclesiastés 9:11

Kay pachapiqa rikurqanitaqmi kaykunatapas: Kallpaypiqa manam llumpay kallpaqchu gananku; manam qari-qari soldadokunachu guerrapipas gananku, yachayniyuqkunapas manam tukuy tiempochu tantata tarinku, yachaysapakunapas manam lliwchu apu kanku, allin yachayniyuqkunatapas manam lliw runachu allinta chaskinku. Aswanqa sapakamapaqmi tiempo hamun ganananpaq otaq mana ganananpaqpas, ruway atinanpaq mana atinanpaqpas.

Isaías 8:15

Achkaqmi haytakuspa wichiykunqaku, hinaspam wañunqaku. Achkaqmi chay toqllaman wichiykuspa chaqnasqa kanqaku.

Jeremías 1:14

Chaymi Tayta Dios niwarqa: Norte lawmantam kay nacionpi yachaqkunapaq sasachakuy hamunqa.

Jeremías 20:11

Dios Taytalláy, chaywanpas qamqa ñoqawanmi kachkanki, qari-qari soldado hinaraqmi ñoqawan kachkanki, chayraykum qatikachawaqniykunaqa urmarunqaku, manam venceyta atiwanqakuchu, imapas ruwasqanku mana allin lloqsiptinmi hatun penqaypi tarikunqaku, mana haykapipas qonqay atinankukamam penqaypi kanqaku.

Jeremías 25:9

norte lawpi nacionkunatawan Babilonia nacionpa reynin serviqniy Nabucodonosorta kachamusaq, kay nacionpa, llapallan runankunapa chaynataq muyuriqninpi nacionkunapa contranpi. Hinaspaymi paykunata pasaypaqta tukurusaq, tuñirachispaymi wiñaypaq purmarachisaq, chaynapim runakunapas admirakuspa burlakunqaku.

Jeremías 4:6

¡Sión llaqtapi banderata hoqariychik, maypim pakakunaykichikta utqayman maskaychik! Norte lawmantam hatun sasachakuytawan ñakariyta apamusaq.

Jeremías 46:10

Tukuy Atiyniyuq Tayta Diospa punchawniymi chay punchawqa, chay punchawpim enemigonkunamanta vengakunqa. Espadam runakunata aminankama wañuchinqa, yawarninkuwanmi sinkanqa. Norte law nacionpim, Eufrates mayupa hichpanpim Tukuy Atiyniyuq Tayta Dios wañuchinqa.

Jeremías 46:12

Lliw nacionkunam penqaypi kasqaykita yacharunku, qaparisqaykim lliw kay pachapi uyarikun; allinnin qari-qari runakunam chocanakunku, kuskankum pampanta kururakunku.

Jeremías 46:16

Soldadoykikunam mitkarunku, hukninkum hukninkupa hawanman wichichkanku, kikinkupuram ninakunku: “Hatarispa llaqtanchikman ripukusun, nacesqanchik nacionman kutikusun, wañuchinakuymanta lluptikusun”, nispanku.

Jeremías 50:32

Hatun tukuq nación, mitkaruspam urmarunki, manam hatarichisuqnikipas kanqachu. Llaqtaykikunatam kañaykusaq, chay ninam muyuriqnikipi kaqkunatapas rupanqa, nispa.

Jeremías 6:1

¡Benjaminpa mirayninkuna, Jerusalén llaqtamanta lluptiychik! ¡Tecoa llaqtapi trompetata tocaychik! ¡Bet-haquerem llaqtapi señalta qosnichiychik! Norte lawmantam sasachakuy hamuchkan, hatun ñakariymi hichpamuchkan.

Daniel 11:19

Chaymantam chay norte lawpi reyqa nacionninpi murallasqa llaqtanman kutikunqa, ichaqa kutisqanpim wañurunqa, hinaspam pasaypaqta chinkarunqa.

Daniel 11:22

Payqa kallpasapallaña lloqlla hinam contranpi hatarimuqkunatapas pasaypaqta chinkarachinqa, paykunatawan kuskatam contrato ruwaq kamachikuqtapas wañurachinqa.