Jeremías 46:5 - CHUYA QELLQA La Biblia en Quechua de Ayacucho 2012

⁵ Ichaqa ¿imatataq qawachkani? Manchakuymantam qepaman ayqemunku, soldadokunam vencerachikuspa cheqerunku, qepankutapas manaña qawarispam ayqekunku, manchakuyllañam tukuy hinastinpi kakuchkan. Ñoqa Tayta Diosmi chaynata nini.

Quechua Ayacucho Bible 1987

⁵ Ñoqa Tayta Diosmi nini: Chaywanpas ¿imatataq ñoqaqa qawachkani? Manchakuymanta kutirimuqkunatam qawachkani. Soldadokunam vencerachikuspa cheqerunku. Qepankutapas manaña qawarikuspam ayqekunku. Mancharisqallañam llapallanku kachkanku.

Chuya Qellqa 1992

⁵ Ichaqa ¿imatataq qawachkani? Manchakuymantam qepaman ayqemunku, soldadokunam vencerachikuspa cheqerunku, qepankutapas manaña qawarispam ayqekunku, manchakuyllañam tukuy hinastinpi kakuchkan. Ñoqa Tayta Diosmi chaynata nini.

Jeremías 46:5 Iomraidhean Croise

Génesis 19:17

Hurqoramuspankum huknin ángel nirqa: Salvakuyta munaspaykiqa utqayman ayqey. Ichaqa amam qepaykita qawarikamunkichu amataqmi kay pampapiqa sayayllapas-sayaykunkichu, ama puchukarunaykipaq orqoman lluptiy, nispa.

Isaías 13:8

Manchakuypa intuykusqanñam rikurirunqaku, wachakuq warmipa nanaynin hinam ñakariywan nanayllaña paykunata intuykunqa, ancha hukmanyasqam sapakama qawanakunqaku, uyankupas penqakuymantam ruparinqa.

Isaías 19:16

Chay punchawmi Egipto runakuna, warmikuna hina llumpay mancharisqallaña katkatatanqaku. Paykunata Tukuy Atiyniyuq Tayta Dios castigasqarayku.

Isaías 42:17

Idolokunaman hapipakuqkunam, llapa idolokunata “diosniykum kankichik” niqkunam penqakuymanta karunchakunqaku.

Isaías 5:25

Chayraykum Diosqa llaqtanpaq llumpayta piñakurqa, makinwanmi wañuyman qaraykurqa, chay ruwasqanwanqa orqokunapas katkatatarqam, ayakunapas callekunapim chuta-chuta mana pipa hoqarisqan karqa. Chaywanpas Señorpa piñakuyninqa manam taninchu, chayllam kachkan castigananpaq.

Jeremías 20:10

Llapa runakunapa rimakachasqankutam uyarichkani, paykunam nichkanku: Tukuy hinastinpim manchakuyllaña kachkan, hakuchik denunciamusunchik, nispam rimanakuchkanku. Llapa amistadniykunam imamanpas wichiykunayta suyachkanku, ichapas engañarachikunman venceruspa paymanta vengakurunanchikpaq, nispam nichkanku.

Jeremías 46:15

¿Imanasqataq Apis sutiyuq toroyki lluptirun? ¿Imanasqataq mana sayayta atirqachu? Ñoqa Tayta Diosmi paytaqa tuñirachini.

Jeremías 46:21

Pagasqa soldadokunapas wirayachisqa torokuna hinam kachkanku, ichaqa enemigonkuta mana aguantaspam lluptikunqaku, sasachakuypi kananku punchawmi chayaramun, castigasqa kananku punchawmi chayaramun.

Jeremías 49:29

Carpankutawan animalninkunata qechumuychik, toldonkunatawan servicionkunata apakamuychik. Camellonkunata qechumuspa kaynata qapariychik: “Manchakuymi tukuy hinastinpi kakuchkan”, nispaykichik.

Jeremías 49:5

Ñoqa Tukuy Atiyniyuq Tayta Diosmi kaynata nini: Manchakuytam tukuy hinastinmanta contraykipi kachamusaq, sapakamam llutanpi ayqenkichik, lluptiqkunataqa manam pipas huktawanqa huñumunqachu.

Jeremías 6:25

¡Chakramanpas amaña lloqsiychikchu, ñannintapas amaña puriychikchu! Enemigoqa ancha armasqam kachkan, manchakuymi tukuy hinastinpi kakuchkan.

Ezequiel 32:10

Qamraykum huklaw nacionniyuq runakunamanpas manchakuyta huntaykusaq, ñawpaqninkupi espadayta hoqariptiymi reyninkupas manchakuypa huntaykusqan kanqaku; Qam wichiykuptikim paykunapas vidankurayku katkatatanqaku.

Ezequiel 39:18

Allinnin qari-qari soldadokunapa aychantam mikunkichik, kay pachapi kamachikuqkunapa yawarnintam tomankichik; paykunaqa rikchakunku allin cebasqa carnerokunamanraqmi, malta carnerokunamanraqmi, chivatokunamanraqmi hinaspa Basán lawpi poqosqa torokunamanraqmi.

Nahúm 2:8

Nínive llaqtaqa, yakunta mana takyachiq raqrasqa qocha hinam. ¡Ama ayqeychikchu! ¡Kutimuychik! nispa qayachkaptinkupas, manam pipas kutimunchu.

Nahúm 2:9

¡Qori-qollqeta suwakuychik! Nínive llaqtapa tukuy ima kapuqninqa mana tukuymi.

Sofonías 1:14

Tayta Diospa hatun punchawninmi hichpamuchkanña, chayamuchkanñam, utqaymanmi kallpamuchkan. Tayta Diospa punchawninqa anchapas manchakuypaqmi kanqa. Mana imata manchakuq runakunapas chaypiqa qaparkachanqakum.