Jeremías 46:21 - CHUYA QELLQA La Biblia en Quechua de Ayacucho 2012

²¹ Pagasqa soldadokunapas wirayachisqa torokuna hinam kachkanku, ichaqa enemigonkuta mana aguantaspam lluptikunqaku, sasachakuypi kananku punchawmi chayaramun, castigasqa kananku punchawmi chayaramun.

Quechua Ayacucho Bible 1987

²¹ Pagasqa soldadokunapas wirayachisqa torokuna hinam kachkanku. Enemigonkuta qepanchakuruspam lluptikunqaku. Manaña aguantayta atispankum lluptikunqaku. Desgraciapi kananku punchawmi chayaramun. Castigasqa kananku tiempom chayaramun.

Chuya Qellqa 1992

²¹ Pagasqa soldadokunapas wirayachisqa torokuna hinam kachkanku, ichaqa enemigonkuta mana aguantaspam lluptikunqaku, sasachakuypi kananku punchawmi chayaramun, castigasqa kananku punchawmi chayaramun.

Jeremías 46:21 Iomraidhean Croise

2~Samuel 10:6

Amonpa mirayninkunañataqmi Davidpa cheqnisqanta yachakurus-panku, Siria nacionpi Bet-rehob law-manta, Soba lawmanta iskay chunka waranqa soldadokunata pusachimurqaku; chaynataq Maaca nacionpi reytapas waranqa soldadontinta hinaspa Tob lawmanta chunka iskayniyuq waranqa soldadokunatapas.

2~Reyes 7:6

Tayta Diosmi Siria tropakunapa campamentonpi uyarirachirqa carretakunapa caballokunapa kallpayninta hinaspa nana-nanaq tropakunapa sinchi qapariyninta. Chayraykum ninakurqaku: Israelpa reyninmi qollqewan contrataramun Het castakunapa reyninkunatawan Egipto lawpi reykunata hamuspa contranchikpi peleanankupaq, nispanku.

Proverbios 15:17

Cheqnikuywan poqosqa torota mikunamantaqa, kuyakuywan yuyuta mikukuymi aswan allinqa.

Isaías 10:3

¿Imatataq castigo punchawpi ruwankichik? ¿Karumantaraq sasachakuy hamususqaykichik punchawpi, pimantaq yanapasunaykichikpaq hapipakunkichik? ¿Maypitaq qori-qollqekichikta saqenkichik?

Isaías 34:7

Monte torokuna kaqllam, malta torokunawan poqosqa torokuna kaqllam wañunqaku. Allpankum yawarwan nuyuy-nuyuy kanqa, allpapas wirawan chapukuspam wiswirinqa.

Jeremías 18:17

Israel runakunataqa, Intipa qespimunan lawmanta pukumuq wayra hinam, enemigonkunapa qayllanpi cheqerachisaq. Sasachakuypi kaptinkupas manaña qawarispaymi qepanchakurusaq.

Jeremías 46:22

Egipto runakunaqa, llapa enemigonkuna hamuruspa yantachkaq hinaraq hachakunawan atacaptinkum, maqta uru hinaraq silbakustin lluptinqaku.

Jeremías 46:5

Ichaqa ¿imatataq qawachkani? Manchakuymantam qepaman ayqemunku, soldadokunam vencerachikuspa cheqerunku, qepankutapas manaña qawarispam ayqekunku, manchakuyllañam tukuy hinastinpi kakuchkan. Ñoqa Tayta Diosmi chaynata nini.

Jeremías 46:9

¡Silladakuna kallpaychik! ¡Carretakuna loco hinaña pawaychik! ¡Allinnin qari-qari runakuna lloqsiychik! Etiopía nacionniyuq, Fut nacionniyuq soldadokuna escudonkuta hapichunku, Lud nacionniyuq soldadokuna flechananku arcota alistachunku.

Jeremías 48:44

Ñoqa Tayta Diosmi kaynata nini: Manchakuymanta lluptiqkunam uchkuman wichiykunqaku, uchkumanta lluptiqkunam toqllaman wichiykunqaku. Moab runakunata castiganay tiempo chayaramuptinmi chayna kanqa.

Jeremías 49:8

¡Dedán llaqtapi yachaqkuna, pakakamunaykichikpaq lluptiychik! Esaupa llaqtantam tuñichisaq, castiganay punchawmi chayaramun.

Jeremías 50:11

Caldea nacionpi runakuna, maynatam kusikurqankichik, kusikuyllawanñam llaqtayta purmachirqankichik, llullu pastowan saksaruq vaquilla hinam pawaykacharqankichik, caballokuna hinam weqeqeqerqankichik.

Jeremías 50:27

Soldadonkunata wañuchiychik, nakana wasiman pusaychik. ¡Ay, imaynaraq kanqaku, castigasqa kananku punchawmi chayaramunña!

Ezequiel 30:22

Chayraykum ñoqa Tayta Dios kaynata nini: Egipto nacionpa reynin Faraonpa contranpim kachkani, iskaynin makintam pakirusaq. Espadata manaña hapinanpaqmi sano kaq makintapas chaynataq pakisqa makintapas pakirusaq.

Ezequiel 35:5

Qamqa Israelpa mirayninkunapa wiñaypaq enemigonmi karqanki, mana allin ruwasqankumanta ñakariypi kachkaptinkupas guerrawanraqmi paykunataqa hapirqanki.

Oseas 9:7

¡Castigasqa kananku punchawqa ñam chayaramunña! ¡Pagasqa kananku punchawqa ñam chayaramunña! Chaykunataqa Israelpa mirayninkunaqa ñam yachankuña. Qamkunaqa ninkichik: “Profetaqa mana yachayniyuqmi nispam”. “Espiritupa yanapakuyninwan rimaqtapas locopaqmi hapinkichik”. Huchapa intusqan kasqaykichikraykum chaykunataqa rimankichik, llumpay cheqnikuq kasqaykichikraykum chaynataqa tanteankichik.

Amós 6:4

Marfilmanta suma-sumaq catrekunapim waqtapankichik, mastakuykuspam puñukunkichik, malta carnerokunatawan malta torokunatam kanchanmanta hurqoykuspa mikukunkichik.

Abdías 1:13

Amamiki llaqtaypa ñakarisqan punchawqa punkunta yaykuwaqchu karqa, amataqmi ñakariypi tarikusqan punchawqa kusikuwaqchu karqa; amataqmi tuñichisqa kasqan punchawqa kapuqninkunatapas suwakuwaqchu karqa.

Miqueas 7:4

Paykunamanta allinpaq hapisqa runakunam kichka hina, allin kawsaqñataqmi anku kichka hina. Ñakarinayki punchawmi hamuchkan, castigasqa kanaykimanta profetakunapa rimarisqan punchawmi chayamuchkan, hinaptinmi muspaypi hina tarikunki.

Mateo 22:4

Huktawan wakin serviqninkuna-ta kachaspanmi chay convidasqan-kunata kaynata nichimurqa: “Mikuyqa kachkanñam, toroykunatawan wira animalniykunatapas nakarachiniñam, chaynaqa casamientomanyá hamuychikña”, nispa.

Deuteronomio 32:15

Ichaqa Jesurunmi wirayaruspan haytakuqllaña rikurirurqa, wiranpas wiswirinankamam anchallataña poqorurqa; hinaspam unanchaqnin Tayta Diosta saqerurqa, waqaychaqnin qaqatam wischupakururqa.