Jeremías 46:14 - CHUYA QELLQA La Biblia en Quechua de Ayacucho 2012

¹⁴ Egiptopi willakamuychik. Migdol, Menfis hinaspa Tafnes llaqtakunaman kaynata nimuychik: ¡Puestoykichikpi listolla kaychik! ¡Espadam muyuriqnikichikpi wañuchichkan! nispaykichik.

Quechua Ayacucho Bible 1987

¹⁴ Egipto nacionpiyá willakuychik. Migdol llaqtapiyá uyarichikuychik. Uyarichikuychiktaqyá Menfis llaqtapipas. Uyarichikuychiktaqyá Tafnes llaqtapipas. “Puestoykichikpi kaspa listolla kaychik” nispayá willakuychik. “Muyuriqnikichikpim runakunata espadawan wañuchichkanku” nispayá willakuychik.

Chuya Qellqa 1992

¹⁴ Egiptopi willakamuychik. Migdol, Menfis hinaspa Tafnes llaqtakunaman kaynata nimuychik: ¡Puestoykichikpi listolla kaychik! ¡Espadam muyuriqnikichikpi wañuchichkan! nispaykichik.

Jeremías 46:14 Iomraidhean Croise

2~Samuel 2:26

Chaymi Joabta qayaspan Abner nirqa: ¿Tukuy tiempochu wañuchinakuyllapi kasun? ¿Manachu yachanki kayqa llakiman apawasqanchikta? ¿Haykapikamataq runaykikunata mana kamachinkichu wawqenkuta amaña qatikachanankupaq? nispa.

Éxodo 14:2

Israelpa mirayninkunata nimuy, kutirispanku Pi-hahirotpa chimpanpi carpankuta sayachispa samanankupaq. Samanqakuqa Migdolmanta lamar qochaman rinapim, Baal-zefonpa chimpanpi. Lamar qochapa patanpi carpankuta sayachispa samachunku.

Isaías 1:20

Mana kasuwaspaykichikmi ichaqa guerrawan tukusqa kankichik. Tayta Diosmi chaynata nin.

Isaías 19:13

Zoán llaqtapi kamachikuqkunaqa roqrukamam, Menfis llaqtapi kamachikuqkunaqa lliwmi engañarachikunku. Ayllunkupi kamachikuqkunaqa, Egipto nacionta pantayman apaqkunam.

Isaías 31:8

Asiria nacionpa tropankuna espadapi puchukanqaku, ichaqa manam runakunapa espadanwanchu. Espadamantaña lluptiptinkupas jovenkunatam criado kanankupaqña hapirunqaku.

Isaías 34:6

Tayta Diospa espadanmi yawarwan chaynataq wirawan chapukunqa, chapukunqaqa imaynam malta carnerokunata chaynataq cabrakunatapas sacrificiopaq nakasqankupi hinam. Señormi Bosra llaqtapi sacrificiota ruwanqa, Edom llaqtapiñataqmi nana-nanaqta wañuchinqa.

Jeremías 12:12

Tukuy chunniq orqonkunatam tuñichikuq runakuna hamurqaku, Ñoqa Tayta Diosmi kay pachata kuchun-kuchun tukusaq, manam pipaqpas hawkayay kanqachu.

Jeremías 2:16

Menfis llaqtayuqkunam, Tafnes llaqtayuqkunam, umaykita pakirunku.

Jeremías 2:30

Yanqapaqmi miraynikichikkunatapas castigarqani, paykunaqa manam corregikuyta munarqakuchu. Imaynam león wañuchin runakunata, chaynam profetaykunata espadawan wañuchirqankichik.

Jeremías 44:1

Egipto nacionpi kaq Migdol llaqtapi, Tafnes llaqtapi, Menfis llaqtapi hinaspa Patros lawpi yachaq Judá runakunapaqmi Jeremiasta Tayta Dios nirqa:

Jeremías 46:10

Tukuy Atiyniyuq Tayta Diospa punchawniymi chay punchawqa, chay punchawpim enemigonkunamanta vengakunqa. Espadam runakunata aminankama wañuchinqa, yawarninkuwanmi sinkanqa. Norte law nacionpim, Eufrates mayupa hichpanpim Tukuy Atiyniyuq Tayta Dios wañuchinqa.

Jeremías 46:19

Egipto nacionniyuq runakuna, preso rinaykichikpaq qepikichikta alistakuychik. Menfis llaqtam chunnichisqa kanqa, manaña runayuq kanankamam purmanqa.

Jeremías 46:2

Jeremiastam rimapayarqa Egipto nacionpa contranpi chaynataq Egiptopi rey Faraón Necaopa tropankunapa contranpi. Paymi Eufrates mayupa patanpi kaq Carquemis llaqtapi kachkarqa. Paytam Babilonia nacionpa reynin Nabucodonosor vencerurqa, Josiaspa churin Joacim tawa wataña Judá nacionpi munaychakuchkaptin. Tayta Diosmi kaynata nirqa:

Ezequiel 21:28

Runapa churin, ñoqa Tayta Diospa nisqayta, Israel nacionta insultaq Amón nacionpi yachaqkunapa contranpi kaynata nimuy: Espadaqa wañuchinanpaqmi vainanmanta hurqosqaña kachkan, llipityasparaq wañuchinanpaqmi ñawchiyachisqaña kachkan.

Ezequiel 30:13

Ñoqa Tayta Diosmi kaynata nini: Idolokunatapas chinkarachisaqmi, Menfis llaqtapi idolokunatapas tukusaqmi. Egiptopiqa kamachikuqpas manam kanqañachu Egipto naciontam manchakuywan huntaykusaq.

Oseas 9:6

Wañuymanta ayqeptikichikpas Egipto nacionmi hapimusunkichik, Menfis llaqtapim pampasunkichik. Llaqtaykichikpipas chaynataq qori-qollqemanta alhajaykichikpipas mana allin qorakunawan kichkakunam wiñanqa.

Nahúm 2:13

Tukuy Atiyniyuq Tayta Diosmi kaynata nin: Nínive llaqta, contraykipim kachkani, guerrapaq carretaykikunatam kañaykuspa qosnita hina chinkarachisaq; uña leonnikikunatam espadawan wañuchisaq, suwakuytapas chawpikimantam chinkachisaq, willasuqnikikunapa rimasqanpas manañam uyarikunqañachu.

Deuteronomio 32:42

Flechaykunatam yawarwan sinkarachisaq, espadaymi aychata mikukunqa; wañuqkunapa, presokunapa yawarninta chapuparusaq, capitankunapa umantam mikukunqa”, nispa.