Jeremías 46:11 - CHUYA QELLQA La Biblia en Quechua de Ayacucho 2012

¹¹ Egipto runakuna, Galaad lawman hampi maskaq riychik. Yanqapaqñam hampikunatapas apamunkichik, qampaqqa manañam hampi kanchu.

Quechua Ayacucho Bible 1987

¹¹ Sipasman rikchakuq Egipto runakuna, Galaad lawtayá riychik. Chaypiyá hampita maskamuychik. Yanqapaqñam apamuwaq achka hampikunataqa. Manañam sanoyachisunkiñachu chay hampikunaqa.

Chuya Qellqa 1992

¹¹ Egipto runakuna, Galaad lawman hampi maskaq riychik. Yanqapaqñam hampikunatapas apamunkichik, qampaqqa manañam hampi kanchu.

Jeremías 46:11 Iomraidhean Croise

Génesis 37:25

Hinaspam mikunankupaq tiyaykuspanku Ismael casta negociantekunata Galaad lawmanta hamuchkaqta rikururqaku. Paykunam camellonkupi Egiptoman apachkarqaku miski asnaq perfumekunata, balsamota hinaspa mirrata.

Génesis 43:11

Chaymi taytanku Israel nirqa: Chayna kaptinqa kaynatayá ruwaychik, chay runamanyá kay Canaán lawpi allinnin regalokunata apaychik: Aslla balsamota, mielta, miski asnaq perfumekunata, mirrata, nuezkunata hinaspa almendrasta.

Isaías 47:1

Tayta Diosmi kaynata nin: Sipas kaqlla Babilonia llaqta, uraykamuspa ñutu allpapi tiyay. Sipas kaqlla Caldea llaqta, tronoykimanta uraykamuspa pampapi tiyay. Manañam qanmantaqa ninqakuñachu: “Kuyayllapaq sumaq llaqta”, nispaqa.

Jeremías 14:17

Payku-namanmi kaynata ninki: Llaqtay hatun sasachakuypi kasqanmanta, llumpay heridasqa kasqanmanta, tuta punchaw mana samaykuspa weqeykuna sutuchun.

Jeremías 31:21

Ancha kuyasqay Israel llaqtalláy, ñanpiyá señalkunata churay, ñanta chaylla tariykuspa kutimunaykipaq; mayninmi risqaykitayá sumaqta qawariy. ¡Israel, kutimuy, llaqtaykikunaman kutimuy!

Jeremías 31:4

Israelpa mirayninkuna, kaqmantam hatarichisqaykichik; sipasta hina pacharachiptiymi panderetaykichikta hapispa kusikuymanta tusuq lloqsinkichik.

Jeremías 51:8

Babilonia nacionmi qonqaymanta wichirun, vencerachikuspanmi lliw ñutupakurun. ¡Paymanta qaparkachaychik! Heridankunapaq hampita apamuychik, icharaqpas sanoyanman.

Jeremías 8:22

¿Manachu Galaad lawpi hampi kan? ¿Manachu chaypi pipas hampiq kan? ¿Imanasqataq onqoyninmanta llaqtay mana sanoyanchu?

Ezequiel 27:17

Judá nacionpi hinaspa Israel nacionpi runakunapas rantisuspaykim, Minit lawpi chaynataq Panag lawpi trigokunawan, mielwan, aceitewan hinaspa balsamowan pagasuq kanki.

Miqueas 1:9

Samariapa heridanqa mana hampiy atinam, chay heridanmi Judá nacionkamaña chayarun, yachanay llaqtapa punkunkamañam, Jerusalén llaqtapa punkunkamañam chayarun.

Nahúm 3:19

Nanaynikipaqpas manam hampi kanchu, heridaykiqa mana hampiy atinam. Tuñisqaykimanta uyariqkunam taqllakuspa kusikunku. ¿Pitataq mana ñakarichiqchu kanki mana allin ruwaynikikunawan? nispa.

Mateo 5:26

Che-qaptapunim niki: Chaymantaqa manam lloqsimunkichu lliw manuykita paganaykikama.