Jeremías 46:10 - CHUYA QELLQA La Biblia en Quechua de Ayacucho 2012

¹⁰ Tukuy Atiyniyuq Tayta Diospa punchawniymi chay punchawqa, chay punchawpim enemigonkunamanta vengakunqa. Espadam runakunata aminankama wañuchinqa, yawarninkuwanmi sinkanqa. Norte law nacionpim, Eufrates mayupa hichpanpim Tukuy Atiyniyuq Tayta Dios wañuchinqa.

Quechua Ayacucho Bible 1987

¹⁰ Llapallan Kamachiq ñoqa Señor Diospa punchawniymi chay punchawqa. Enemigoykunamanta vengakunay punchawmi chay punchawqa. Espadam saksanankama mikuchkaq hina runakunata wañuchinqa. Espadam sinkanankama tomachkaq hina runakunapa yawarninta usuchinqa. Llapallan Kamachiq ñoqa Señor Diosmi paykunataqa wañuchisaq. Eufrates Mayupa patan norte lawpim paykunataqa wañuchisaq.

Chuya Qellqa 1992

¹⁰ Tukuy Atiyniyuq Tayta Diospa punchawniymi chay punchawqa, chay punchawpim enemigonkunamanta vengakunqa. Espadam runakunata aminankama wañuchinqa, yawarninkuwanmi sinkanqa. Norte law nacionpim, Eufrates mayupa hichpanpim Tukuy Atiyniyuq Tayta Dios wañuchinqa.

Jeremías 46:10 Iomraidhean Croise

2~Reyes 24:7

Chaymantapunim Egipto nacionpa reyninqa manaña haykapipas llaqtanmanta lloqsirqañachu, allpankunata Babilonia nacionpa reynin Egipto mayumanta qallaykuspa Eufrates mayukama hapikuykusqanrayku.

Jobwan Sutichasqa Libro 24:1

Sichum tiempokuna Tukuy Atiyniyuq Diospa reqsisqallan kaptinqa ¿imanasqataq reqsiqninkunaqa mana rikunkuchu?

Isaías 13:6

Allwaychik, Tayta Diospa piñakuynin punchawmi hichparamunña. Tukuy Atiyniyuq Diospa purmachinan punchawmi chayaramunña.

Isaías 2:12

Tukuy Atiyniyuq Tayta Diospa punchawninmi hamuchkan, hatun tukuqkunata uchuychananpaq, hatunchakuqkunata tuñichinanpaq;

Isaías 31:8

Asiria nacionpa tropankuna espadapi puchukanqaku, ichaqa manam runakunapa espadanwanchu. Espadamantaña lluptiptinkupas jovenkunatam criado kanankupaqña hapirunqaku.

Isaías 61:2

Tayta Diospa kuyapayakuynin watamanta willakamunaypaq, enemigonchikmanta Diospa vengakunan punchawmanta willakamunaypaq, llapallan llakisqakunata consuelamunaypaq.

Isaías 63:4

Vengakunay punchawmi chayaramunña, llaqtayta reclamanay punchawmi chayaramunña.

Jeremías 12:12

Tukuy chunniq orqonkunatam tuñichikuq runakuna hamurqaku, Ñoqa Tayta Diosmi kay pachata kuchun-kuchun tukusaq, manam pipaqpas hawkayay kanqachu.

Jeremías 46:14

Egiptopi willakamuychik. Migdol, Menfis hinaspa Tafnes llaqtakunaman kaynata nimuychik: ¡Puestoykichikpi listolla kaychik! ¡Espadam muyuriqnikichikpi wañuchichkan! nispaykichik.

Jeremías 46:2

Jeremiastam rimapayarqa Egipto nacionpa contranpi chaynataq Egiptopi rey Faraón Necaopa tropankunapa contranpi. Paymi Eufrates mayupa patanpi kaq Carquemis llaqtapi kachkarqa. Paytam Babilonia nacionpa reynin Nabucodonosor vencerurqa, Josiaspa churin Joacim tawa wataña Judá nacionpi munaychakuchkaptin. Tayta Diosmi kaynata nirqa:

Jeremías 46:6

Maynaña kallpaqpas manam lluptiyta atinchu, allinnin qari-qari soldadopas manam ayqeyta atinchu, Eufrates mayupa norte lawninpim mitkarunku.

Jeremías 50:15

Muyuriqninmanta ¡Guerra! nispa qapariychik, ¡Babilonia nacionmi wichirun! ¡Torrenkunawan murallankunam wichirun! ¡Kayqa ñoqa Tayta Diospa vengakuyniymi! ¡Imaynam ruwasusqaykichikta hina paykunatapas ruwaychik!

Jeremías 50:18

Chayraykum Israelpa yupay-chasqan Tukuy Atiyniyuq Tayta Dios kaynata nin: Asiria nacionpa reynin castigasqayta hinam Babilonia nacionpa reynin Nabucodonosortapas chaynataq runankunatapas castigasaq.

Jeremías 51:6

¡Vidaykichikta salvanaykichikpaq Babiloniamanta lluptiychik! ¡Ama paykunapa huchanmanta wañuychikchu! ¡Ñoqa Tayta Diospa vengakunay punchawmi chayaramun! ¡Imam ruwasqankuman hinam pagapusaq!

Ezequiel 21:28

Runapa churin, ñoqa Tayta Diospa nisqayta, Israel nacionta insultaq Amón nacionpi yachaqkunapa contranpi kaynata nimuy: Espadaqa wañuchinanpaqmi vainanmanta hurqosqaña kachkan, llipityasparaq wañuchinanpaqmi ñawchiyachisqaña kachkan.

Joel 1:15

Tayta Diospa punchawninmi hichpamuchkanña, ¡imaynaraq chay punchaw kanqa! Tukuy Atiyniyuqmantam puchukay hamuchkan.

Joel 2:1

Sión moqopi trompetata tocaychik, sapaqchakusqay orqopi guerrapaq cornetata tocaychik, kay nacionpi yachaqkuna katkatataychik; Tayta Diospa punchawninmi chayamuchkanña, Tayta Diospa punchawninmi hichpamuchkanña.

Zacarías 6:6

Yana caballokunapa chutasqan carretam norte lawpi nacionman richkan, yuraq caballokunapa chutasqanmi intipa seqaykunan lawpi nacionman richkan, moro caballokunapa chutasqanñataqmi sur lawpi nacionman richkan, nispa.

Lucas 21:22

Chay punchawkunaqa Qellqapa nisqankuna cumplikunanpaqmi Diospa castiganan punchawkuna kanqa.

Deuteronomio 32:42

Flechaykunatam yawarwan sinkarachisaq, espadaymi aychata mikukunqa; wañuqkunapa, presokunapa yawarninta chapuparusaq, capitankunapa umantam mikukunqa”, nispa.