Jeremías 45:4 - CHUYA QELLQA La Biblia en Quechua de Ayacucho 2012

⁴ Tayta Diosmi kaynata nisunki: Hatarichisqaytam tuñirachini, plantasqaytam pelaruni. Chaynatam kay pachatapas ruwasaq.

Quechua Ayacucho Bible 1987

⁴ Tayta Diosmi nisunki kaynata: “Hatarichisqayta tuñirachispaymi plantasqaytapas qorata pilachkaq hina horqorusaq. Chaynatamá tukurusaq kay enteron naciontapas.

Chuya Qellqa 1992

⁴ Tayta Diosmi kaynata nisunki: Hatarichisqaytam tuñirachini, plantasqaytam pelaruni. Chaynatam kay pachatapas ruwasaq.

Jeremías 45:4 Iomraidhean Croise

Eclesiastés 3:3

Kanmi tiempo wañuchinapaq kantaqmi hampinapaqpas, kanmi tiempo tuñichinapaq kantaqmi hatarichinapaqpas.

Jeremías 1:10

Kunanmi nacionkunapa hawanman churayki, reykunapa munaychakuyninpa hawanpim churayki, rachunaykipaq chaynataq tuñichinaykipaq, taqmanaykipaq chaynataq chinkachinaykipaq, plantanaykipaq chaynataq hatarichinaykipaq, nispa.

Jeremías 11:17

Ñoqa Tukuy Atiyniyuq Tayta Diosmi sacha plantachkaq hina qamkunata plantarqaykichik. Israel nacionpi chay-nataq Judá nacionpi yachaqkuna, contraykichikpim castigokunata kachamusaq mana allinkunata ruwasqaykichikrayku. Qamkunam piñachiwarqankichik Baal idoloman inciensota kañapuspaykichik.

Jeremías 12:2

Paykunaqa plantaruptikim sapichakururqaku, wiñaruspam ruruyta qallaykurqaku. Paykunaqa simillamantam sutikitapas rimanku, sonqonkum ichaqa qanmanta karupi kachkan.

Jeremías 31:28

Imaynam paykunata tuñichirqani, plantata hina chutarqani, chinkachirqani, taqmarqani hinaspa ñakarichirqani; chaynam kunanpas paykunata hatarichispay plantata hina takyachisaq. Ñoqa Tayta Diosmi chaynata nini.

Lamentaciones 2:6

Chukllata hinaraqmi templontapas tuñirachin, huñunakunanku templotam purmarachin, Tayta Diosmi Sionpi fiestakunata qollurachin, samana punchawkunatam qonqarachin. Sinchi piñakuyninpim reytawan sacerdotetapas wischururqa.

Oseas 2:14

Chayraykum kuyakuyllawan rimapayasaq, chunniqman pusaruspaymi sonqonta sumaqllata suwaykusaq.

Deuteronomio 28:63

Imaynam Tayta Diosqa tukuy imapi bendecisuspaykichik chaynataq mirachisuspaykichik kusikurqa, chaynatam ñakarichisuspaykichikpas chaynataq wañuchisuspaykichikpas kusikunqa, chaynapim qosusqaykichik allpamanta qarqosqa kankichik.