Jeremías 44:6 - CHUYA QELLQA La Biblia en Quechua de Ayacucho 2012

⁶ Chayraykum Judá nacionpi llaqtakunapa contranpi hinaspa Jerusalenpa callenkunapa contranpi ancha piñakuyniy nina hinaraq ruparirqa. Chaykunaqa hinallam tuñisqa kaspa chunnichkan kunankamapas.

Quechua Ayacucho Bible 1987

⁶ Chayraykum Juda nacion llaqtakunapa contranpipas chaynataq Jerusalen llaqtapa callenkunapa contranpipas ancha rabiakuyniy nina hinaraq ruparirqa. Chaykunaqa hinallam kachkan tuñichisqa hinaspa chunnichisqa.

Chuya Qellqa 1992

⁶ Chayraykum Judá nacionpi llaqtakunapa contranpi hinaspa Jerusalenpa callenkunapa contranpi ancha piñakuyniy nina hinaraq ruparirqa. Chaykunaqa hinallam tuñisqa kaspa chunnichkan kunankamapas.

Jeremías 44:6 Iomraidhean Croise

Isaías 1:7

Nacionnikichikmi purmachkan, llaqtaykichikkunam ninawan rupachkan, qawasqaykichikpi hinam tarpusqaykichiktapas qayllaykichikpi huklaw runakuna mikuchkan, enemigoykichikkunapa purmachisqanraykum allpaykichikpas chunnichkan.

Isaías 51:17

¡Jerusalén llaqta rikchariy, rikcharispa hatariy! Qanmi Tayta Diospa makinmanta piñakuynin copata chaskirunki, sinkanaykikamam upyarunki, tukunaykikamam vasopi kaqta tomarunki.

Isaías 51:20

Wawaykikunam manaña kallpayuq rikurirunku, mallapi wichqasqa luwichu hinam callekunapi wischurayachkanku, paykunaqa Diosnikipa piñakuyninwan ñakarichisqam kachkanku.

Isaías 6:11

Chaymi tapurqani: Dios Taytalláy, haykapikamataq chaynaqa kanqa, nispay. Payñataqmi niwarqa: Llaqtakuna mana runayuq chunnichisqa kanankamam, wasikunapi manaña runapas kanankamam, chakrakunapas purmachisqa kanankamam,

Jeremías 21:12

Rey Davidpa mirayninkuna, ñoqa Tayta Diosmi kaynata nikichik: Sapa pacha achikyaytayá allin arreglota ruwaychik, ñakariqkunatayá ñakarichiqkunamanta qechuychik, yanqañataq mana allinkuna ruwasqaykichikmanta piñakuyniy nina hina ratarirunman manaña pipas amachay atinankama, nispayki.

Jeremías 21:5

Kikiypunim qamkunapa contraykichikpi, hatun atiyniywan hinaspa nina hina manchakuypaq piñakuyniywan peleasaq.

Jeremías 34:22

Ichaqa paykunata kamachiptiymi kaqmanta kutimuspa kay llaqtata atacanqaku, hinaspam munaychakuruspanku kañaykunqaku. Judá nacionpi llaqtakunatapas manaña runayuq kanankamam purmachisaq. Ñoqa Tayta Diosmi chaynata nini.

Jeremías 36:7

Icharaqpas Tayta Diosta mañakuspanku mana allin kawsayninkumanta wanakunmanku. Tayta Diosqa llumpayta piñakuspanmi kay runakunata amenazachkan, nispa.

Jeremías 4:27

Tayta Diosmi kaynata nin: Lliw naciontam tuñichisaq, ichaqa manam pasaypaqtachu chinkachisaq.

Jeremías 4:4

Judá nacionpi Jerusalén llaqtapi runakuna, ñoqa Tayta Diospaq señalakuychik, sonqoykichikpi pacto ruwasqay marcata señalakuychik; yanqañataq mana allinkuna ruwasqaykichikmanta piñakuyniy nina hina ratarirunman, mana pipapas amachay atinankama.

Jeremías 42:18

Israelpa yupaychasqan Tukuy Atiyniyuq Tayta Diosmi kaynata nin: Imaynam Jerusalenpi yachaqkunata piñakuyniypi ruwasqayta hinam, qam-kunatapas Egiptoman yaykuptikichikqa piñakuyniywan ruwasqaykichik. Hinaptinmi ñakasqa, kamisqa, insultasqa hinaspa penqayman churasqa kankichik, manañam allpaykichikmanpas kutimunkichikñachu, nispa.

Jeremías 44:22

Mana allinkuna ruwasqaykichiktawan millakuypaq ruwasqaykichiktam Tayta Diosqa manaña aguantayta atirqachu. Chayraykum nacionnikichikqa purmasqa manaña runayuq kunan punchawkama chunnichkan.

Jeremías 7:17

Qaway Judá nación llaqtakunapi chaynataq Jerusalén llaqtapa callenkunapi imam ruwasqankuta.

Jeremías 7:20

Chayraykum Tukuy Atiyniyuq Tayta Dios kaynata nin: Sinchi piñakuyniytam chayachimusaq, kay allpapa, runakunapa, animalkunapa, sachakunapa, lliw kawsaypa contranpi. Piñakuyniyqa mana amachay atina nina hinam kanqa.

Jeremías 7:34

Judá llaqtakunapi chaynataq Jerusalén llaqtapa callenkunapim, asikuyta, kusikuyta casarakuy fiestata chinkarachisaq. Kay nacionqa pasaypaqtañam chunninqa, nispa.

Jeremías 8:3

Kay mana allin runakunatam tukuy hinastinman cheqerachisaq, hinaptinmi puchuqkunañataq kawsayta munanankumantaqa wañuyllataña maskanqaku. Ñoqa Tayta Diosmi chaynata nini.

Lamentaciones 1:1

¡Ay, Jerusalén llaqtam, achkallaña runayuq llaqtam, sapallanña qeparun! ¡Nacionkunapa ancha reqsisqan llaqtam, viuda hinaña rikurirun! ¡Nacionkunapi munaychakuq llaqtam, esclavoña rikurirun!

Lamentaciones 1:13

Tayta Diosmi ninata kachaykamuspa tulluykunata kañarurqa, purisqaypi toqllata churaruspanmi qepamanraq kutirichiwarqa, sapallayta saqeruwaptinmi sapa punchaw ñakarirqani.

Lamentaciones 5:18

Sión llaqtam purmarun, purun animalkunallañam chaypiqa muyurichkanku.

Ezequiel 20:33

Ñoqa Tayta Diosmi kaynata nini: Ñoqaqa piñakuyniywan hinaspa hatun atiyniywanmi qamkunapi munaychakusaq.

Ezequiel 20:34

Sinchi piñakuywan castigaspay chaynataq hatun atiyniywanmi maypim cheqesqa kasqaykichik llaqtakunamanta hinaspa nacionkunamanta huñumusqaykichik.

Ezequiel 24:13

Jerusalén llaqta, munasqaykipi purispa qachachakusqaykitam mayllaykuyta munarqayki, qanmi ichaqa mayllachikuyta mana munarqankichu. Mayllasqaqa kanki sinchi piñakuyniyta qanman kachaykamuptiyñam.

Ezequiel 24:8

Chay yawartaqa lluchka rumipa hawanpim saqerusaq, mana imapas tapananpaqmi hinallapi saqerusaq; chaynapim piñakuywan chay yawarmanta vengakusaq.

Ezequiel 5:13

Chaynapim ñoqapa piñakuyniy cum-plikunqa, contraykichikpi piñakuyniy taniruptinmi sonqoypas tiyarunqa. Paykunapa contranpi piñakuyniyta kachariptiymi yachankichik, piñakuyniypi ñoqa Tayta Dios rimasqayta.

Ezequiel 6:12

Karupi kaqkunam peste onqoywan wañunqaku, hina llaqtankupi kaqkunam guerrawan wañunqaku, paykunamanta puchuqkunañataqmi yarqaymanta wañunqaku. Chaynatam piñakuyniyta paykunaman chayachisaq.

Ezequiel 8:18

Chayraykum ñoqapas paykunaman piñakuyniyta kachaykamusaq, manam paykunataqa llakipayasaqchu; qaparkachaspa qayakamuwaptinkupas manam uyarisaqchu, nispa.

Daniel 9:12

Qamqa ñam cumplirunkiña contraykupi chaynataq kamachiqniykupa contranpi rimasqaykitapas, chaynapim chay hatun ñakariyta hawaykuman chayachimurqanki; sasachakuyqa manam haykapipas Jerusalén llaqtapiqa karqachu.

Levítico 26:28

ñoqapas contraykichikpi piñakuspaymi aswan qanchis kutikamaraq huchaykichik-manta ñakarichisqaykichik.

Levítico 26:31

Llaqtaykichikkunatam purmachisaq, altarnikichikkunatam tuñichisaq, ofrendaykichikkunapa miski asnaynintapas manañam chaskisqaykichikñachu.

Nahúm 1:2

Tayta Diosqa celosom hinaspa vengakuqmi, Tayta Diosqa contranpi sayariqkunamanta vengakuqmi, enemigonkunapa contranpi piñakuqmi.

Zacarías 1:2

Ñoqa Tukuy Atiyniyuq Tayta Diosmi, ñawpaq taytaykichikkunapa contranpi llumpayta piñakururqani.

Zacarías 1:6

Profetaykunawan willa-chisqay simiykunawan kamachikuyniykunam ichaqa ñawpaq taytaykichikkunata hayparurqa. Hinaptinmi paykuna ñoqaman kutirikamuspa nirqaku: “Tukuy Atiyniyuq Tayta Diosmi tanteasqanman hina ñoqanchikwan ruwarun, payqa imaynam kawsasqanchikman chaynataq ruwasqanchikman hinam ñoqanchikwan ruwarun”, nispanku.

Zacarías 7:14

Aswanraqmi sinchi wayra hina mana reqsisqanku nacionkunaman cheqerachirqani, chaynapim nacionninkupas mana pipapas purinan chunniqmanña tikrakururqa. Sumaqllaña naciontam paykuna llakikuypaq chunniqman tikrarurqaku, nispa.