Jeremías 44:4 - CHUYA QELLQA La Biblia en Quechua de Ayacucho 2012

⁴ Serviqniy profetakunata kachamuspaymi ñataq-ñataq willachirqaykichik, ñoqapa cheqnisqay chaynataq millakusqay kaqkunata ama ruwanaykichikpaq.

Quechua Ayacucho Bible 1987

⁴ Ñoqamanta willakuq serviqniykunata mana taniyta kachaspaymi nichirqaykichik cheqnipay millakuypaq kaqkunataqa ama ruranaykichikpaq

Chuya Qellqa 1992

⁴ Serviqniy profetakunata kachamuspaymi ñataq-ñataq willachirqaykichik, ñoqapa cheqnisqay chaynataq millakusqay kaqkunata ama ruwanaykichikpaq.

Jeremías 44:4 Iomraidhean Croise

2~Crónicas 36:15

Chaymi ñawpaq taytankupa yupaychasqan Tayta Diosqa sapa kutilla paymanta willakuqkunata kacharqa, chaynataqa ruwarqa runan-kunatawan yachanan templota llakipayasqanraykum.

Nehemías 9:30

Paykunataqa watantin-watantinmi pacienciaykurqanki, Espirituykiwan hinaspa profetaykikunawanmi qaqchachirqanki, paykunam ichaqa mana kasukurqakuchu, chayraykum kay pachapi nacionkuna munaychakunanpaq kachaykurqanki.

Nehemías 9:34

Reyniykupas, kamachiqniykupas, sacerdoteykupas tayta-mamaykupas manam kamachikuynikikunata ruwayman churarqakuchu, yachachikuynikikunatawan qaqchasqaykikunatapas manam kasukurqakuchu.

Jeremías 16:18

Puntataqa mana allinkunata ruwaspa huchallikusqankumantam mirayniyuqta pagapusaq. Paykunaqa wañusqa idolokunawanmi allpayta millakuypaqta ruwarunku, millakuypaqta huchallikusqankuwanmi herenciankupaq qosqay allpata qanracharunku, nispay.

Jeremías 26:5

chaynataq qamkunaman ñataq-ñataq kachamusqay profetaykunapa nisqantapas mana kasukuptikichikqa,

Jeremías 29:19

Chaynataqa ruwasaq, profetaykunawan ñataq-ñataq willachisqaykunata mana kasukusqankuraykum, ñoqa Tayta Diosmi chaynata nini.

Jeremías 32:33

Qepanchakuruwaspankum manaña qawariwaqkuñachu. Mana samaykuspa yachachichkaptiypas manam kasuwarqakuchu, nitaqmi corregikuytapas munarqakuchu.

Jeremías 32:34

Ñoqapaq sapaqchasqa temploytapas, millakuypaq idolokunata churaruspankum millakuypaqtaña ruwarunku.

Jeremías 32:35

Ben-hinom wayqopipas Baal idolopaqmi altarkunata ruwapurqaku, chaypim churinkuta qaritapas warmitapas Moloc sutiyuq idoloman kañapurqaku. Chaynata ruwaspankum Judá nacionpi runakunata huchallichirqaku. Chay millakuypaq ruwasqankutaqa manam kamachirqanichu nitaqmi piensayllapas piensarqanichu, nispa.

Jeremías 35:15

Mana samaykuspam profetaykunawan kaynata willachirqaykichik: Mana allinkuna ruwasqaykichikta saqespa munasqayman hina kawsaychik. Idolokunataqa amaña yupaychaychikchu, chaynapi taytaykichikkunamanpas chaynataq qamkunamanpas qosqay allpapi yachanaykichikpaq, nispay. Ichaqa manam uyariwarqankichikchu nitaqmi kasuwarqankichikchu.

Jeremías 35:17

Chayraykum Israelpa yupaychasqan Tukuy Atiyniyuq Tayta Dios kaynata nin: Judá nacionpa chaynataq Jerusalén llaqtapi yachaqkunapa contranpi sasachakuykuna rimasqaytam paykunaman kacharimusaq. Qamkunaqa rimapayaptiypas manam kasuwarqankichikchu, qayaptiypas manataqmi contestawarqankichikchu, nispa.

Jeremías 7:13

Mana allin kawsasqaykichikmanta achka kutita rimapayachkaptiypas manam uyariwarqankichikchu, nitaqmi kasukurqankichikchu; Ñoqa Tayta Diosmi chaynata nini.

Jeremías 7:17

Qaway Judá nación llaqtakunapi chaynataq Jerusalén llaqtapa callenkunapi imam ruwasqankuta.

Jeremías 7:18

Warmakunam yantata pallamunku, taytankum ninata ratachinku, warmikunam masata chapunku, cielopi Reina nisqankupaqmi tortakunata ruwapunku, idolokunapaqmi vinota tallipunku. Chaykunata ruwaspankum ñoqata piñachiwanku.

Jeremías 7:25

Egiptomanta taytaykichikkunata hurqomusqay pun-chawmanta kunankamam mana samay-kuspay profetaykunata kachamurqay-kichik.

Ezequiel 16:36

Ñoqa Tayta Diosmi kaynata niki: Qamqa mana penqakuspam qalalla cuerpoykita tukuy rikchaq runakunaman hinaspa millakuypaq idoloykikunaman qoykurqanki; chay idolokunaman ofrecenaykipaqmi wawaykikunata nakarqanki.

Ezequiel 16:47

Qampas paykunapa imaynam kawsasqankutam qatipakurqanki, hinaspam millakuypaq ruwasqankuta ruwarqanki, ichaqa chaykunawanpas mana contentaspam paykunamantapas aswan millakuypaq kaqkunataraq ruwarqanki.

Ezequiel 18:31

Ñoqapa contraypi mana allinkuna ruwasqaykichikkunata qamkunamanta wischuychik; hinaspa musoq sonqoyuq, musoq espirituyuqña kaychik. Israel miraykuna, ¿imanasqataq wañuyta munankichik?

Ezequiel 8:10

Chaymi yaykuruspay perqapi dibujasqata rikururqani qasqonpa puriq urukunata, millakuypaq tukuy rikchaq urukunata hinaspa Israelpa yupaychasqan tukuy rikchaq idolokunatapas.

Daniel 9:6

Servisuqniki profetaykikunatapas manam uyarirqanikuchu, paykunaqa qanmantam willakurqaku reyniykumanpas, kamachiwaqniykumanpas, ñawpaq taytaykumanpas chaynataq nacionniykupi runakunamanpas.

Zacarías 7:7

¿Manachum Tayta Diosqa ñawpaqmantaraq profetankunawan hina kaynata rimarirqa? Chaynataqa rimarirqa Jerusalén llaqtapi yachaqkuna hawkalla hinaspa achkallaña kawsakuchkaptinkum, hina chaynallam kawsakuchkarqaku muyuriqnin llaqtakunapi yachaqkunapas chaynataq Neguev lawpi yachaqkunapas hinaspa waqtakunapi yachaqkunapas, nispa.

1~Pedro 4:3

Qamkunaqa unay tiempoñam huchallikurqankichik Diospi mana iñiqkunapa munasqan-ta ruwaspaykichik, kawsaynikichikpi mana controlakuspa, mana allin munaykunapi, upyakuykunapi, fiesta ruwaykunapi hinaspa leypa contranpi millakuypaq idolokuna yupaychaykunapi purispaykichik.