Jeremías 44:30 - CHUYA QELLQA La Biblia en Quechua de Ayacucho 2012

³⁰ Judá nacionpa reynin Sedequiasta wañuchinanpaq Babilonia nacionpa reynin Nabucodo-nosorman qoykusqayta hinam, Egipto nacionpa reynin Faraón Hofratapas wañuchinanpaq enemigonman qoykusaq. Ñoqa Tayta Diosmi chaynata nini.

Quechua Ayacucho Bible 1987

³⁰ Juda nacionpa reynin Sedequiastam wañurachiy munaqnin enemigonman otaq Babilonia nacionpa reynin Nabucodonosorman qoykurqani, chaynatapunim Egipto nacion Rey Faraon Hofratapas qoykusaq wañuchiy munaqnin enemigonman. Ñoqa Tayta Diosmi chaynata nini.”

Chuya Qellqa 1992

³⁰ Judá nacionpa reynin Sedequiasta wañuchinanpaq Babilonia nacionpa reynin Nabucodonosorman qoykusqayta hinam, Egipto nacionpa reynin Faraón Hofratapas wañuchinanpaq enemigonman qoykusaq. Ñoqa Tayta Diosmi chaynata nini.

Jeremías 44:30 Iomraidhean Croise

Jeremías 27:7

Llapallan nacionkunam payta, churinta hinaspa willkanta servinqaku. Chaynaqa, kanqa Babilonia nacionpas hatun nacionkunapa chaynataq atiyniyuq reykunapa makinman wichinankamam.

Jeremías 34:21

Judá nacionpa reynin Sedequiastawan yanapaqnin kamachikuqkunatapas, enemigonkunamanwan Babilonia nacionpi reypa tropankunamanñam qoykusaq. Chay tropakunaqa ñam qamkunamanta suchukuspa kutikurqakuña.

Jeremías 44:29

Ñoqa Tayta Diosmi kaynata nini: Contraykichikpi rimasqaykuna cumplikunantawan kay nacionpi qamkunata castiganayta yachanaykichikpaqmi huk señalta qosqaykichik:

Ezequiel 30:21

Runapa churin, Egipto nacionpa reynin Faraonpa makinta pakiruptiymi mana pipas hampiykuqnin nitaq wataykuqninpas kanchu, chaynapi kallpanchakuspan espadata hapinanpaq.

Ezequiel 31:18

Edén lawpi sachakunapas manam kuyayllapaq kaynikimanwan sayaynikimanqa rikchakurqakuchu; ichaqa Edén lawpi wakin sachakunatawan kuskatam uku pachaman uraykachirqayki, chaynapi Diosta mana reqsiqkunawan chaynataq guerrapi wañuqkunawan kuska yachanaykipaq. Chay sachaqa rey Faraonwan runankunam. Ñoqa Tayta Diosmi chaynata nini.