Jeremías 44:27 - CHUYA QELLQA La Biblia en Quechua de Ayacucho 2012

²⁷ Ichaqa chayllam kachkani sasa-chakuyta qamkunaman kacharimunay-paq, manañam yanapasqaykichikchu. Judamanta hamuspa Egiptopi yachaq-kunam pasaypaq tukunaykichikkama guerrawan hinaspa yarqaywan wañunkichik.

Quechua Ayacucho Bible 1987

²⁷ Chayllam kachkani contraykichikpi desgraciakunata kachamunaypaq, Juda nacionmanta hamuq kay Egipto nacionpi *f**yachaqkunaqa manaña favoreceptiymi pasaypaq tukunaykichikkama wañunkichik guerrawan hinaspa yarqaywan.

Chuya Qellqa 1992

²⁷ Ichaqa chayllam kachkani sasachakuyta qamkunaman kacharimunaypaq, manañam yanapasqaykichikchu. Judamanta hamuspa Egiptopi yachaqkunam pasaypaq tukunaykichikkama guerrawan hinaspa yarqaywan wañunkichik.

Jeremías 44:27 Iomraidhean Croise

2~Reyes 21:14

Puchuq runaykunatañataqmi saqeruspay enemigonkunaman qoykusaq, hinaptinmi llapa imankutapas qechuspa apakunqaku.

Jeremías 1:10

Kunanmi nacionkunapa hawanman churayki, reykunapa munaychakuyninpa hawanpim churayki, rachunaykipaq chaynataq tuñichinaykipaq, taqmanaykipaq chaynataq chinkachinaykipaq, plantanaykipaq chaynataq hatarichinaykipaq, nispa.

Jeremías 21:10

Ñoqa Tayta Diosmi nini: Ñam tantea-runiña, kay llaqtataqa manañam kuya-payasaqñachu aswanqa castigasaqpunim. Babilonia nacionpa reyninmanmi qoykusaq, hinaptinmi kañaykunqa.

Jeremías 31:28

Imaynam paykunata tuñichirqani, plantata hina chutarqani, chinkachirqani, taqmarqani hinaspa ñakarichirqani; chaynam kunanpas paykunata hatarichispay plantata hina takyachisaq. Ñoqa Tayta Diosmi chaynata nini.

Jeremías 39:16

Israelpa yupaychasqan Tukuy Atiyniyuq Tayta Diospa nisqayta, Cus nacionniyuq Ebed-melecman kaynata nimuy: Kay llaqtamanmi rimarisqaykunata chayachimusaq, ichaqa manam allinninkupaqchu aswanqa mana allinninkupaqmi. Chaykuna pasakuptinqa qampas chaypim kanki.

Jeremías 42:16

manchakusqaykichik guerrawan chaynataq yarqaywanmi Egipto nacionpi hayparamususpaykichik wañuchisunkichik.

Jeremías 44:12

Judá nacionpi qeparuspa kay Egipto nacionman yachanaykichikpaq hamuqkunapas, kay Egipto nacionpim llapallaykichik tukusqa kankichik. Llapallaykichikmi uchuy-hatun gue-rrawan, yarqaywan wañunkichik, hinaspam runakunapa ñakasqan, insultasqan hinaspa penqayman churasqan kankichik.

Jeremías 44:13

Jerusalenpi yachaqkunata guerrawan, yarqaywan hinaspa peste onqoywan castigasqayta hinam, kay Egipto nacionpi yachaqkunatapas castigasaq.

Jeremías 44:14

Judá nacionpi puchuspa Egiptoman yacha-nankupaq ayqemuqkunamantaqa ma-nam hukllapas lluptinkichikchu nitaqmi kawsankichikchu. Judá nacionman maynataña kutiyta munaspapas manam atinkichikchu, kutispaqa-kutinqa kaymanta lluptiqkunallañam, nispa.

Jeremías 44:18

Cielopi reinaman inciensotawan vinota manaña ofreceptiykuqa tukuy imam pisiwanku, ñoqaykupas guerrawan hinaspa yarqaywanmi wañuchkaniku, nispanku.

Jeremías 9:15

Chayraykum ñoqa Tukuy Atiyniyuq Tayta Dios kay-nata nini: Kay runakunamanmi ajenjota mikuchisaq, hinaspaymi venenoyuq yakuta tomachisaq.

Jeremías 9:16

Taytankupapas kikinkupapas mana reqsisqanku nacionkunamanmi cheqechisaq. Espa-dawan qatikachachispaymi manaña chullapas puchunankukama tukusaq, nispa.

Ezequiel 5:12

Qamkuna-manta kimsaman rakisqapa hukninmi peste onqoywan hinaspa yarqaywan llaqta ukupi wañunqaku. Huknin rakiñataqmi espadawan llaqtapa muyuriqninpi wañuchisqa kanqaku. Chaymanta puchuqkunatañataqmi tukuy hinastinman cheqerachisaq. Ñoqaqa espada makintinmi paykunata qatikachasaq.

Ezequiel 7:6

¡Tukupaymi hamuchkan! ¡Contraykipim hatariramun! ¡Cheqap-tapunim puchukanayki punchaw chayamuchkanña!

Daniel 9:14

Chayraykum Dios Taytallayku tukuy kay mana allinta ñoqaykuman kachaykamunki. Dios Taytallayku, qamqa tukuy imapas allin ruwaqmi kanki, ñoqaykum ichaqa niwasqaykikuta uyariytapas mana munarqanikuchu.

Amós 9:8

Cheqaptapunim Tayta Diosqa hucha-sapa nacionpa contranpi kachkan, chay-raykum nin: Chayna naciontam kay pachamanta chinkachisaq. Jacobpa mirayninkutam ichaqa wakillantapas puchuykusaq, nispa.