Jeremías 44:22 - CHUYA QELLQA La Biblia en Quechua de Ayacucho 2012

²² Mana allinkuna ruwasqaykichiktawan millakuypaq ruwasqaykichiktam Tayta Diosqa manaña aguantayta atirqachu. Chayraykum nacionnikichikqa purmasqa manaña runayuq kunan punchawkama chunnichkan.

Quechua Ayacucho Bible 1987

²² Mana allinkuna rurasqaykichiktawan millakuypaq rurasqaykichiktam Tayta Diosqa manaña aguantayta atirqachu. Chayraykum nacionnikichikqa purmachisqa, chunnichisqa, manaña runayoq ñakasqa kachkan kunan punchawkuna hina.

Chuya Qellqa 1992

²² Mana allinkuna ruwasqaykichiktawan millakuypaq ruwasqaykichiktam Tayta Diosqa manaña aguantayta atirqachu. Chayraykum nacionnikichikqa purmasqa manaña runayuq kunan punchawkama chunnichkan.

Jeremías 44:22 Iomraidhean Croise

Génesis 19:13

Kay llaqtatam puchukachisaqku. Paykunapa millakuypaq hucha ruwasqankum Tayta Diospa qayllanman chayarun, chaymi pay kachamuwanku puchukachinaykupaq, nispanku.

Génesis 6:3

Chaymi Tayta Dios nirqa: Manam wiñaypaqchu espirituyqa runakunapi kanqa, cheqaptapunipas payqa runallam, pachak iskay chunka watallatañam kawsanqa, nispa.

2~Reyes 17:15

Paykunaqa Tayta Diospa yachachikuyninkunatapas, ñawpaq taytankuwan pacto ruwas-qantapas chaynataq kamachikuynintapas qepancharurqakum. Idolokunataña yupaychaspankum muyuriqninkupi nacionkuna hina mana imapaqpas valeqña rikurirurqaku. “Amam ruwankichikchu chay nacionkunapa ruwasqantaqa”, nispa Tayta Dios nichkaptinpas chaynataraqmi ruwarqaku.

Isaías 1:24

Chayraykum Tukuy Atiyniyuq Tayta Dios, Israelpi munaychakuq Tayta Dios kaynata nin: Kunanmi cheqniwaqniykunamanta cuentata mañasaq, kunanmi enemigoykunamanta vengakusaq.

Isaías 43:24

Miski asnaq calamotapas qollqekiwanqa manam rantipuwarqankichu, nitaqmi animalkunapa wirantapas saksanaykamaqa kañapuwarqankichu. Aswanqa huchallikuspa tukuy mana allinkuna ruwasqaykiwanmi paqwayta amichiwarqanki.

Isaías 7:13

Chaymi Isaías nirqa: Rey Davidpa castankuna, kayta uyariychik: ¿Yanqallapaqchu rikchakapusunkichik runakunata piñachiynikichik? ¿Chaychum Diosniytapas piñachiyta munankichik?

Jeremías 15:6

Ñoqa Tayta Diostam saqeruwarqanki, ñoqatam qepanchakuruwarqanki; chayraykum contraykipi makiyta hoqarispay chinkarachisqayki, llakipayaytapas amiruykiñam.

Jeremías 18:16

Chaynapim allpankutapas chunnirachinku, runakunapa asipayanantañam ruwarunku. Chayninta puriqkunapas admirakuspam umankutaraq aywinqaku.

Jeremías 21:12

Rey Davidpa mirayninkuna, ñoqa Tayta Diosmi kaynata nikichik: Sapa pacha achikyaytayá allin arreglota ruwaychik, ñakariqkunatayá ñakarichiqkunamanta qechuychik, yanqañataq mana allinkuna ruwasqaykichikmanta piñakuyniy nina hina ratarirunman manaña pipas amachay atinankama, nispayki.

Jeremías 23:2

Chayraykum llaqtay michiqkunata Israelpa yupaychasqan Tayta Dios kaynata nin: Qamkunam ovejaykunata cheqerachispa ayqerachinkichik. Manam nanachikurqankichikchu. Chayraykum mana allinkuna ruwasqaykichikmanta castigasqaykichik. Ñoqa Tayta Diosmi chaynata nini.

Jeremías 24:9

Paykunataqa sasachakuymanmi churasaq kay pachapi nacionkunapas mancharikunankama. Maylaw llaqtamanpas qarqosqaypim, burlakusqa, asipayasqa, ñakasqa chaynataq penqayman churasqa kanqaku.

Jeremías 25:11

Kay nacionmi pasaypaq tuñichisqa kaspa chunninqa. Kay nacionkunaqa Babilonia nacionpa reynintañam qanchis chunka wata servinqaku.

Jeremías 25:18

Upyachimurqanim Jerusalén llaqtamanpas, Judá nacionpi llaqtakunamanpas, reyninkunamanpas hinaspa kamachikuqkunamanpas; chaynapi chunnichisqa, purmachisqa, burlakusqa hinaspa ñakasqa kanankupaq. Chaynam kunankamapas kachkanku.

Jeremías 25:38

Machayninmanta lloqsimuq león hinaraqmi lloqsiramun, paykunapa llaqtankum purmasqa qeparun, Tayta Diospa piñakuyninmi nina hinaraq ratarirun, manchakuypaq guerratam paykunaman kachaykamun.

Jeremías 26:6

Silo llaqtapi ruwasqayta hinam kay templotapas purmarachisaq. Kay Jerusalén llaqtatapas llapallan nacionkuna qawananpaqmi ñakasaq, nispa.

Jeremías 29:18

Guerrawan, yarqaywan hinaspa peste onqoywanmi paykunataqa ñakarichisaq. Kay pachapi llapallan nacionkunapapas manchakuspa katkatatanantam paykunataqa ruwarusaq. Cheqechisqay nacionkunapim paykunaqa ñakasqa, burlakusqa, penqayman churasqa hinaspa asipayasqa kanqaku.

Jeremías 29:19

Chaynataqa ruwasaq, profetaykunawan ñataq-ñataq willachisqaykunata mana kasukusqankuraykum, ñoqa Tayta Diosmi chaynata nini.

Jeremías 30:14

Waynaykikunapas qonqarusunkiñam, manañam yuyasunkiñachu, enemigoyki hinam ñakarichirqayki, huchaykikuna llumpay kasqanraykum llumpayta ñakarichirqayki.

Jeremías 34:22

Ichaqa paykunata kamachiptiymi kaqmanta kutimuspa kay llaqtata atacanqaku, hinaspam munaychakuruspanku kañaykunqaku. Judá nacionpi llaqtakunatapas manaña runayuq kanankamam purmachisaq. Ñoqa Tayta Diosmi chaynata nini.

Jeremías 4:4

Judá nacionpi Jerusalén llaqtapi runakuna, ñoqa Tayta Diospaq señalakuychik, sonqoykichikpi pacto ruwasqay marcata señalakuychik; yanqañataq mana allinkuna ruwasqaykichikmanta piñakuyniy nina hina ratarirunman, mana pipapas amachay atinankama.

Jeremías 42:18

Israelpa yupaychasqan Tukuy Atiyniyuq Tayta Diosmi kaynata nin: Imaynam Jerusalenpi yachaqkunata piñakuyniypi ruwasqayta hinam, qam-kunatapas Egiptoman yaykuptikichikqa piñakuyniywan ruwasqaykichik. Hinaptinmi ñakasqa, kamisqa, insultasqa hinaspa penqayman churasqa kankichik, manañam allpaykichikmanpas kutimunkichikñachu, nispa.

Jeremías 44:12

Judá nacionpi qeparuspa kay Egipto nacionman yachanaykichikpaq hamuqkunapas, kay Egipto nacionpim llapallaykichik tukusqa kankichik. Llapallaykichikmi uchuy-hatun gue-rrawan, yarqaywan wañunkichik, hinaspam runakunapa ñakasqan, insultasqan hinaspa penqayman churasqan kankichik.

Jeremías 44:2

Israelpa yupaychasqan Tukuy Atiyniyuq Tayta Diosmi nin: Jerusalén llaqtamanwan Judá nacionpi wakin llaqtakunamanpas castigo kacharisqaytaqa yachankichikmi. Chay llaqtakunaqa tuñichisqa kaspam kunanpuni manaña runayuq kachkanku.

Jeremías 44:6

Chayraykum Judá nacionpi llaqtakunapa contranpi hinaspa Jerusalenpa callenkunapa contranpi ancha piñakuyniy nina hinaraq ruparirqa. Chaykunaqa hinallam tuñisqa kaspa chunnichkan kunankamapas.

Jeremías 48:9

Moab nacionmanyá raprata qoychik, chaynapi pawakunanpaq, llaqtankunam pasaypaq purmachisqa kanqa, manaña runayuq kanankamam chunnichisqa kanqa.

Jeremías 5:9

Tayta Diosmi kaynata nin: ¿Manachu chaykuna ruwasqanmanta castigasaq? ¿Manachu chayna llaqtaman merecesqanta qopusaq?

Ezequiel 39:23

Chaynapim huklaw nacionniyuqkunapas yachanqaku Israelpa mirayninkunaqa huchankurayku preso apasqa kasqankuta. Paykunataqa qepanchakuwasqankuraykum ñoqapas qepanchakururqani hinaspam enemigonkupa makinman qoykuptiy guerrapi wañuchisqa karqaku.

Ezequiel 5:13

Chaynapim ñoqapa piñakuyniy cum-plikunqa, contraykichikpi piñakuyniy taniruptinmi sonqoypas tiyarunqa. Paykunapa contranpi piñakuyniyta kachariptiymi yachankichik, piñakuyniypi ñoqa Tayta Dios rimasqayta.

Daniel 9:11

Israelpa mirayninkunaqa imam yachachiwasqaykikutapas llapallaykum mana kasukurqanikuchu, qampa nisqaykitaqa manam uyariytapas munarqanikuchu; contraykipi huchallikuruspaykum juraspa ñakaynikikunawan ñakasqa kachkaniku, imaynam serviqniki Moisespa qellqasqanman hina.

Daniel 9:12

Qamqa ñam cumplirunkiña contraykupi chaynataq kamachiqniykupa contranpi rimasqaykitapas, chaynapim chay hatun ñakariyta hawaykuman chayachimurqanki; sasachakuyqa manam haykapipas Jerusalén llaqtapiqa karqachu.

Amós 2:13

Chayraykum maymi kasqaykichikpi sarusqaykichik, imaynam trigo cargayuq carro allpata sarun, chaynatam sarusqaykichik.

Malaquías 2:17

Tayta Diosqa amirunñam mañakusqaykichiktapas. Ichaqa qamkunam tapukunkichikraq: ¿Imatañataq nirunchik amiruwananchikpaqqa? nisparaq.

Romanos 9:22

Diosmi piñakuyninta hinaspa atiyninta qawachiyta munarqa. Chaywanpas ñutupanapaq manka hina castigopaqña kachkaptinpas pacienciaykuspam aguantarqa.