Jeremías 44:19 - CHUYA QELLQA La Biblia en Quechua de Ayacucho 2012

¹⁹ Warmikunapas nirqakutaqmi: Ño-qaykupas tortakunatam cielopi reinaman rikchakuqta ruwarqaniku, hinaspam inciensotawan vinota ofrecerqaniku. Chaykunataqa qosaykupa yachasqantam ruwarqaniku, chayraykum hinalla ruwakusaqku, nispanku.

Quechua Ayacucho Bible 1987

¹⁹ Warmikunapas nirqakutaqmi: —Ñoqaykupas tortakunatam rurarqaniku Cielokunapi Reinaman rikchakuqta. Chay lucerota adoraspaykum inciensotapas kañapurqaniku, hichapurqanikutaqmi vinotapas. Chaykunataqa rurarqaniku qosaykupa yachasqantam —nispa.

Chuya Qellqa 1992

¹⁹ Warmikunapas nirqakutaqmi: Ñoqaykupas tortakunatam cielopi reinaman rikchakuqta ruwarqaniku, hinaspam inciensotawan vinota ofrecerqaniku. Chaykunataqa qosaykupa yachasqantam ruwarqaniku, chayraykum hinalla ruwakusaqku, nispanku.

Jeremías 44:19 Iomraidhean Croise

Génesis 3:6

Chaymi warmi qawaykurqa chay sachapa rurunqa mikunapaq hina kasqanta hinaspa yachayta haypanapaqpas munayllapaqña kasqanta, chaymi rurunta pallaykuspan mikururqa, qosanmanpas qoykuptinmi paypas mikururqa.

1~Reyes 21:25

Rey Acab hinaqa manam pipas karqachu, payqa warmin Jezabelpa umachasqanmi tukuy mana allinta Tayta Diospa qayllanpi ruwarqa.

2~Crónicas 21:6

Ichaqa Israel nacionpi reykunapa kawsasqanta hinam kawsarqa, Acabpa ruwasqankunata hinam ruwarqa. Acabpa warmi churinwan casarakuruspanmi Tayta Diospa qayllanpipas millakuypaq kaqkunata ruwarqa.

Proverbios 11:21

Mana allin runaqa castigasqapunim kanqa, allin kawsakuqmi ichaqa librasqa kanqa.

Jeremías 44:15

Hinaptinmi warminkupa idolokunaman incienso kañasqankuta yachaq qarikunapas, chaypi tarikuq warmikunapas, chayman huñunakamuqkunapas chaynataq Egipto nacionpi Patros lawpi yachaqkunapas, Jeremiasta kaynata nirqaku:

Jeremías 44:20

Hinaptinmi llapallan uyariqninkunaman warmimanpas qarimanpas Jeremías kaynata nirqa:

Jeremías 7:18

Warmakunam yantata pallamunku, taytankum ninata ratachinku, warmikunam masata chapunku, cielopi Reina nisqankupaqmi tortakunata ruwapunku, idolokunapaqmi vinota tallipunku. Chaykunata ruwaspankum ñoqata piñachiwanku.

Números 30:12

Sichum qosan chayta yacharuspan harkakuruptinqa manam ima prometekusqantapas cumplinqachu. Qosan harkakurusqanraykum Tayta Diospas pampachaykunqa.

Números 30:8

Sichum qosan yacharuspan harkakuptinmi ichaqa ima prometekusqantapas mana cumplinqachu, Tayta Diospas pampachaykunqam.