Jeremías 44:17 - CHUYA QELLQA La Biblia en Quechua de Ayacucho 2012

¹⁷ Aswanqa munasqaykuman hinam ruwasaqku. Ñoqaykuqa hinallam cielopi reinaman inciensota kañaspa vinota tallipusaqku. Kunankama ruwasqaykuta hinallam ruwasaqku. Ñoqaykuqa ñawpaq taytaykupa, reyniykupa chaynataq kamachiqniykupa, Judá nacionpi kaq llaqtankunapi chaynataq Jerusalén llaqtapa plazankunapi ruwasqaykuta hinam ruwasaqku. Chaynata ruwaptiykuqa mikunaykupas achkallañam karqa, hawkam kawsakurqanikupas, manataqmi ima sasachakuypas hamuwarqakuchu.

Quechua Ayacucho Bible 1987

¹⁷ Aswanqa nisqaykuta hinam rurasaqku. Ñoqaykuqa hinallam inciensota kañasaqku, vinotapas hinallataqmi hichasaqku Cielokunapi Reinaman. Kunankama rurasqaykuta hinallam rurasaqku. Ñoqaykuqa rurasaqku ñawpaqmantaraq abueloykupapas, reyniykupapas chaynataq kamachiqniykupapas rurasqankuta hinallam otaq Juda nacionpa llaqtankunapi chaynataq Jerusalen llaqtapa callenkunapi rurasqankuta hinallam. Ñawpaq tiempopiqa mikuyniykupas achkam karqa, hawkam kawsakurqaniku manataqmi ima desgraciapas hamuwarqakuchu.

Chuya Qellqa 1992

¹⁷ Aswanqa munasqaykuman hinam ruwasaqku. Ñoqaykuqa hinallam cielopi reinaman inciensota kañaspa vinota tallipusaqku. Kunankama ruwasqaykuta hinallam ruwasaqku. Ñoqaykuqa ñawpaq taytaykupa, reyniykupa chaynataq kamachiqniykupa, Judá nacionpi kaq llaqtankunapi chaynataq Jerusalén llaqtapa plazankunapi ruwasqaykuta hinam ruwasaqku. Chaynata ruwaptiykuqa mikunaykupas achkallañam karqa, hawkam kawsakurqanikupas, manataqmi ima sasachakuypas hamuwarqakuchu.

Jeremías 44:17 Iomraidhean Croise

2~Reyes 17:16

Señorninku Tayta Diospa llapallan kamachisqankunata saqeruspankum, metalta chulluchispa iskay torokunata ruwakururqaku, ruwakururqakutaqmi Asera idolotapas. Cielopi llapa chaskakunatawan Baal idolokunatañam yupaycharqaku.

2~Reyes 22:17

Ñoqata saqeruwaspanku huk rikchaq dioskunamanña inciensota kañasqankuraykum piñakuyniy nina hina kay sitiopa contranpi ruparispan mana taninqachu.

2~Crónicas 28:23

Guerrapi venceqnin Damasco llaqtapa idolonkunaman sacrificiokunata ofrecespanmi kaynata nirqa: Siria nacionpa diosninkunaqa chay nacionpa reyninkunatam yanapan, chaynaqa ñoqapas sacrificiotayá ofrecesaq yanapawananpaq, nispa. Ichaqa chaykuna ruwasqanraykum wichirurqa, wichirqataqmi Israel runakunapas.

Nehemías 9:34

Reyniykupas, kamachiqniykupas, sacerdoteykupas tayta-mamaykupas manam kamachikuynikikunata ruwayman churarqakuchu, yachachikuynikikunatawan qaqchasqaykikunatapas manam kasukurqakuchu.

Éxodo 16:3

Hinaspam nirqaku: Allinchá kanman karqa Egipto na-cionpi Tayta Dios wañurachiwaptin-kuqa, chay nacionpiqa aychayuq man-kakunapa ladonpim tiyarqaniku, tantatapas saksanaykukamam mikuq kaniku; kunanñataqmi kay chunniqman pusaramuwankiku yarqaymanta wañuchiwanaykikupaq, nispanku.

Isaías 48:5

ñoqaqa ñawpaqmantaraq nirqaykiña, manaraq imapas kachkaptinmi willarqaykiña; chaynaqa manam niwaqchu: “Idoloykunam chaykunataqa ruwarun, llaqllasqa idoloykunam chaykunataqa ruwarun, chulluchispa ruwakusqay idoloymi chaykunataqa ruwarun”, nispaqa.

Jeremías 1:16

Kay castigotam llaqtayman apamusaq mana allinkunata ruwaspa saqeruwasqankumanta, sapaq dioskunapaqña inciensota kañapusqankumanta, kikinkupa ruwasqankutaña hatunchasqankumanta.

Jeremías 11:12

Hinaptinmi Judá nacionpi runakunawan Jerusalén llaqtapi yachaqkuna, inciensota kañaspa yupaychasqanku idolokunataña yanapakuyta mañakunqaku, ichaqa manam chay sasachakuymanta salvayta atinqachu.

Jeremías 18:15

Runaykunam ichaqa ñoqata qonqaruwanku, idolokunamanña inciensota kañaspanku. Ñawpaq kawsayninkuman kutiruspam mitkarunku, mana purinanku ñankunapiñam purichkanku.

Jeremías 19:13

Jerusalén llaqtapi wasikunawan Judá nacionpi reykunapa palacionkunapas, Tofet qechwa hina millakuypaqñam kanqa. Chay wasikunapa altosninpim chaskakunaman inciensota kañapurqaku, chaypim llapa idolokunamanpas vino ofrendata tallipurqaku, nispa.

Jeremías 44:21

¿Yaqachum Tayta Dios qonqarun Judá nacionpi kaq llaqtakunapi chay-nataq Jerusalén llaqtapa callenku-napi, qamkunapas, taytaykichikkuna-pas, reynikichikkunapas, kamachiqnikichikkunapas chaynataq llapallan runakunapas incienso kañasqaykichikta? ¿Qonqarusqanpaqchu hapinkichik?

Jeremías 44:25

Israelpa yupaychasqan Tukuy Atiyniyuq Tayta Diospa nisqanta uyariychik: Qamkunapas warmikichikpas imam nisqaykichikman hinam ruwach-kankichik. Nichkankichiktaqmi: Cielopi reinamanmi prometekurqaniku inciensotawan vinota ofrecenaykupaq, chaytam cumplisaqku, nispaykichik. Chaynaqa, chay nisqaykichikman hinayá ruwaychik.

Jeremías 44:9

¿Qonqarunkichikñachu taytaykichikkunapa, Judá nacionpi reykunapa, reypa warminkunapa, qamkunapapas hinaspa warmikichikkunapas, Judá nacionpi chaynataq Jerusalén llaqtapa callenkunapi tukuy mana allin ruwasqaykichikta?

Jeremías 7:17

Qaway Judá nación llaqtakunapi chaynataq Jerusalén llaqtapa callenkunapi imam ruwasqankuta.

Jeremías 7:18

Warmakunam yantata pallamunku, taytankum ninata ratachinku, warmikunam masata chapunku, cielopi Reina nisqankupaqmi tortakunata ruwapunku, idolokunapaqmi vinota tallipunku. Chaykunata ruwaspankum ñoqata piñachiwanku.

Ezequiel 20:32

Qamkunam nichkankichik: “Ñoqan-chikpas kaspimanta rumimanta idolokunata serviq nacionkuna hina kasunchik”, nispaykichik. Ichaqa manam qamkunapa munasqaykichikman hinachu kanqa.

Ezequiel 20:8

Paykunam ichaqa mana kasuwaspanku contraypi hatarirurqaku; manam millakuypaq diosninkutapas wischurqakuchu, nitaqmi Egipto nacionpa idolonkunatapas saqerqakuchu. Chaymi piensarqani piñakuyniy tukunankama paykunata Egipto nacionpi castigaruyta.

Ezequiel 23:41

Mesata allicharuspankum sumaqllaña camapiraq tiyaykurqaku, chay mesapa hawanpim ñoqapaq sapaqchasqanku inciensotawan miski asnaq aceiteta churaykurqaku.

Ezequiel 8:16

Chaymantam Tayta Diospa templonpa uku law pationman aparuwarqa, chaymi pachakuna waqaychanamanta altarman rinapi, yaqa iskay chunka pichqayuq qarikuna kachkasqaku. Paykunam templota qepanchakuruspanku intipa qespimunan lawman pampakama pakchakuykuspanku intita yupaychachkasqaku.

Habacuc 1:16

Chayraykum mallankuta yupaychanku, inciensotaraqmi qontichipunku, chay mallankuwanmi tukuy imata huñukunku, chayraykum mikunankupas mana pisiq.

Números 30:12

Sichum qosan chayta yacharuspan harkakuruptinqa manam ima prometekusqantapas cumplinqachu. Qosan harkakurusqanraykum Tayta Diospas pampachaykunqa.

Números 30:2

Tayta Diosman pipas prometekuspanqa otaq juraspan kikinmanta imatapas qoyta munaspanqa, chay rimasqantam cumplinqapuni; tukuy imapas rimasqanman hinam ruwanqa.

Marcos 6:26

Chaymi rey Herodes llumpayta llaki-kururqa, ichaqa convidoman qayachisqankunapa qayllanpi jurasqanraykum mana negayta atirqachu.

Deuteronomio 23:23

Kikikimanta Tayta Diosman prometekuspaqa qonkipunim.

Filipenses 3:19

paykunapa tukupayninqa ñakariymi. Paykunaqa wiksallanku diosniyuqmi, ruwasqankumanta penqakunankupas kachkaptinmi aswanraq hatun tukunku kay pachapi kaqkunallamanta piensaspanku.

1~Pedro 1:18

Diosmi ñawpaq taytaykichikpa mana allin costumbrenkuna chaskisqaykichikmanta salvasurqankichik. Yachasqaykichikpi hinapas kay salvacionpa preciontaqa manam pipas pagarqa tukuruqlla qoriwanchu nitaq qollqewanchu,

Jueces 11:36

Hinaptinmi churin nirqa: Taytay, sichu Tayta Diosman prometekuspaqa, ñoqawanyá prometekusqaykiman hina ruway, enemigoyki Amonpa mirayninkunataqa Tayta Diospunim vengakurun.