Jeremías 43:6 - CHUYA QELLQA La Biblia en Quechua de Ayacucho 2012

⁶ qarikunata, warmikunata, warmachakunata, reypa warmi churinkunata hinaspa wakin runakunatapas huñururqaku. Paykunatam Safanpa willkan otaq Ahicampa churin Gedalías nanachikunanpaq, reyta waqaychaq soldadokunapa capitannin Nabuzaradán saqerqa. Profeta Jeremiastawan Neriaspa churin Barucmantapas Gedaliasqa nanachikurqam.

Quechua Ayacucho Bible 1987

⁶ Huñururqakumá qarikunata, warmikunata, warmachakunata chaynataq reypa warmi churinkunatapas. Reyta cuidaq soldadokunapa jefen Nabuzaradanmi saqerqa Safanpa willkanta otaq Ahicanpa churin Gedaliasta llapallan chay runakunata gobiernananpaq. Huñururqakutaqmi Diosmanta willakuq Jeremiastapas chaynataq Neriaspa churin Baructapas.

Chuya Qellqa 1992

⁶ qarikunata, warmikunata, warmachakunata, reypa warmi churinkunata hinaspa wakin runakunatapas huñururqaku. Paykunatam Safanpa willkan otaq Ahicampa churin Gedalías nanachikunanpaq saqerqa, reyta waqaychaq soldadokunapa capitannin Nabuzaradán. Profeta Jeremiastawan Neriaspa churin Barucmantapas Gedaliasqa nanachikurqam.

Jeremías 43:6 Iomraidhean Croise

Jeremías 38:22

Judá nacionpi reypa palacionpi puchuq warmikunam Babilonia nación reypa capitanninkunaman qosqa kanqaku, hinaspam chay warmikuna ninqaku: Hapipakusqayki amigollaykikunam engañaruspa rantikurusunki, mitupi chinkaykuchkaqta saqerususpaykim lliw qepanchakurusunki, nispanku.

Jeremías 39:10

Judá lawpiqa saqerurqa wakcha mana imayuq runakunallatañam, hinaspam uvas huertakunatawan chakrakunata paykunaman qoykarirqa.

Jeremías 40:11

Moab, Amón, Edom hinaspa wakin nacionkunapi yachaq Judá casta runakunapas yacharurqakum Safanpa willkan otaq Ahicampa churin Gedaliasta, Ba-bilonia nacionpa reynin, Judá nacionpi puchuq runakunapi kamachikunanpaq churarusqanta.

Jeremías 40:7

Judá law campokunapi puchuq soldadokunapa capitanninkunam yacharurqaku, Babiloniaman preso apasqa kanankumanta puchuq qarikunata, warmikunata, warmakunata hinaspa wakcha runakunata nanachikunanpaq chaynataq Judá nacionpi gobernador kananpaq Ahicampa churin Gedaliasta Babilonia nacionpa reynin churarusqanta.

Jeremías 41:10

Chaymantam Mizpa llaqtapi puchuq runakunatawan reypa warmi churinkunata hinaspa reyta waqaychaq soldadokunapa capitannin Nabuzaradanpa saqesqankunatapas presocharurqa, paykunatam Ahicampa churin Gedalías nanachikurqa. Chay runakunata pusarikuspanmi Netaniaspa churin Ismaelqa Amonpa mirayninkunapa allpanman pasakurqa.

Jeremías 43:3

Qamtaqa Neriaspa churin Barucmi contraykupi umacharusunki Caldea runakunaman entregasqa kanaykupaq, chaynapi wañurachiwanankupaq otaq Babilonia lawman presota apawanankupaqpas, nispanku.

Jeremías 45:1

Josiaspa churin rey Joacim tawa wataña Judá nacionpi munaychakuchkaptinmi, Jeremiaspa nisqanta Neriaspa churin Baruc qellqachkarqa, hinachkaptinmi Baructa Jeremías nirqa:

Jeremías 52:10

hinaspam qawachkaptin churinkunata wañuchir-qaku, kikintañataqmi ñawinkunata hurqorurqaku chaynataqmi Judá nacionpi llapallan kamachikuqkunatapas teqo-rurqaku.

Lamentaciones 3:1

Ñoqam kani Tayta Diospa piñakuyninpi ñakariq runa.

Juan 21:18

Cheqaptapunim niki, mozoraq kaspaykiqa weqawnikita watakuykuspam munasqaykiman riq kanki, yuyaqña kaptikim ichaqa hukña watasunki rikraykita hoqariptiki hinaspam pusasunki mana riy munasqaykikunaman.