Jeremías 43:3 - CHUYA QELLQA La Biblia en Quechua de Ayacucho 2012

³ Qamtaqa Neriaspa churin Barucmi contraykupi umacharusunki Caldea runakunaman entregasqa kanaykupaq, chaynapi wañurachiwanankupaq otaq Babilonia lawman presota apawanankupaqpas, nispanku.

Quechua Ayacucho Bible 1987

³ Qamtaqa Neriaspa churin Barucmi contraykupi umacharusunki Caldea runakunaman entregasqa kanaykupaq chaynapi wañurachiwanankupaq otaq Babilonia lawman presota pusawanankupaq —nispa.

Chuya Qellqa 1992

³ Qamtaqa Neriaspa churin Barucmi contraykupi umacharusunki Caldea runakunaman entregasqa kanaykupaq, chaynapi wañurachiwanankupaq otaq Babilonia lawman presota apawanankupaqpas, nispanku.

Jeremías 43:3 Iomraidhean Croise

Jeremías 32:12

hinaspaymi primoy Hanameelpa qayllanpi, firmaq testigokunapa qayllanpi chaynataq carcelpa pationpi tiyaq Judá runakunapa qayllanpi, chay firmasqa papelta Neriaspa churin Barucman qoykurqani. Neriasqa karqa Maasiaspa churinmi.

Jeremías 36:10

Hinaptinmi Jeremiaspa qellqachisqanta Baruc leerqa llapallan runakuna uyarisqanta. Payqa leerqa secretario Safanpa churin Gemariaspa cuartonmantam. Chay cuartoqa karqa hanay law patiopim, temploman yaykuna musoq punkupim.

Jeremías 36:26

Aswanmi reyqa kamachirqa Hamelecpa churin Jerameeltawan, Azrielpa churin Seraiasta hinaspa Abdeelpa churin Selemiasta, chaynapi secretario Baructawan profeta Jeremiasta presochamunankupaq, ichaqa Tayta Diosmi paykunata pakarurqa.

Jeremías 36:4

Chaymi Jeremiasqa Neriaspa churin Baructa qayarachimuspan Tayta Diospa tukuy rimapayasqanta willarqa, hinaptinmi Barucñataq rollopi qellqarqa.

Jeremías 38:4

Hinaptinmi reyta llapa kamachikuqkuna nirqaku: Kay runataqa wañurachisun, payqa rimasqankunawanmi kay llaqtapi puchuq soldadokunatawan llapa runakunata hukmanyachichkan. Kay runaqa manam llaqtapa hawkayaynintachu maskachkan aswanqa mana allinnintam, nispa.

Jeremías 41:18

Chaynataqa tantearqaku Ahicampa churin Gedaliasta Netaniaspa churin Ismael wañurachisqanmanta Caldea runakunata manchakusqankuraykum. Gedaliastaqa Babilonia nacionpa reyninmi gobernador kananpaq churarqa.

Jeremías 43:6

qarikunata, warmikunata, warmachakunata, reypa warmi churinkunata hinaspa wakin runakunatapas huñururqaku. Paykunatam Safanpa willkan otaq Ahicampa churin Gedalías nanachikunanpaq, reyta waqaychaq soldadokunapa capitannin Nabuzaradán saqerqa. Profeta Jeremiastawan Neriaspa churin Barucmantapas Gedaliasqa nanachikurqam.

Lucas 6:26

¡Ay, imaynaraq kankichik llapallan runakunapa hatunchasqan runakuna! Kay llapa runakunapa ñawpaq taytankupas chaynatam llapa llulla profetakunata hatuncharqaku.