Jeremías 43:12 - CHUYA QELLQA La Biblia en Quechua de Ayacucho 2012

¹² Kay Egipto nacionpi idolokunapa capillankunatapas idolonkunatawan kuskatam kañaykunqa, wakin idolokunatañataqmi presota apanqa. Imaynam oveja michiqpas usata pachanmanta pallakun, chaynam Nabucodonosorqa Egipto nacionta limpianqa, chaymantam mana pipa harkasqan hawka pasakunqa.

Quechua Ayacucho Bible 1987

¹² Kay Egipto nacionpi taytacha-mamachakunapa capillankunatam Nabucodonosorwan kañaykachisaq. Wakin taytacha-mamachankuta kañaykachispaymi, wakintañataq presota hina apachisaq. Pachanpi usakunata oveja michiq limpiachkaq hinam Nabucodonosorqa Egipto nacionta limpiaspan hawka pasakunqa.

Chuya Qellqa 1992

¹² Kay Egipto nacionpi idolokunapa capillankunatapas idolonkunatawan kuskatam kañaykunqa, wakin idolokunatañataqmi presota apanqa. Imaynam oveja michiqpas usata pachanmanta pallakun, chaynam Nabucodonosorqa Egipto nacionta limpianqa, chaymantam mana pipa harkasqan hawka pasakunqa.

Jeremías 43:12 Iomraidhean Croise

2~Samuel 5:21

Filisteokuna idolonkuta chaypi saqeruptinkum David-wan runankuna apakurqaku.

Ester 6:9

Reypa pachantawan caballonta kamachikuqkunapa kamachiqninman qochunku, chaynapi reypa hatunchay munasqan runata pachachinanpaq hinaspa chay silladapa puntanta rispan kaynata qayaykachakunanpaq: “Kaynatam reyqa hatunchay munasqan runataqa ruwanqa”, nispa.

Jobwan Sutichasqa Libro 40:10

Chaynaqa, atiyniyuq hinayá hatunchakuy, hatunchakuywan kanchariywanyá pachakuy.

Éxodo 12:12

Chay tutam Egipto nacionninta pasasaq, hinaspam runapa piwi churinkunata, animalkunapa piwi wawankunata wañuchisaq; Egiptopa diosninkunatam juzgasaq. Ñoqa Tayta Diosmi chaynata nini.

Isaías 19:1

Isaiasmi Egipto nacionta imam pasananmanta kaynata nirqa: Qawariychik: Puyupi silladam Tayta Diosqa Egipto nacionman utqayllamanña hamuchkan, llapa idolonkupas paypa qayllanpim katkatatanku, Egipto runakunapas mana kallpayuqñam rikurirunku.

Isaías 21:9

Waqaya caballokunapa aysasqan carretapi runakuna hamuchkan. ¡Babilonia naciontam vencerunku, idolonkunapas pampakunapiñam ñutupasqa wischurayachkan! nistin.

Isaías 46:1

Bel idolom qonqorakuykun, Nebo sutiyuq idolom kumukuykun. Chay idolokunataqa animalkunaman churkuspam apanqaku, pisipasqa animalkunapaqqa llasaq cargam chaykunaqa.

Isaías 46:2

Chay idolokunam pampaman wichiykunku, huklaw nacionkunaman apasqam kachkanku, paykunaqa manam salvakuyta atinkuchu.

Isaías 49:18

Muyuriqnikita qawariy, lliw huñunakuruspam qanman hamuchkanku. Ñoqa Tayta Diosmi kikiyrayku jurani, llapallanwanmi alhajawan hina llusikunki, noviapa churakunan alhajakunawan hinam churakunki.

Isaías 52:1

¡Sión llaqta rikchariy! ¡Atiywan pachakuy! ¡Chuyanchasqa Jerusalén llaqta, suma-sumaq pachaykiwan churakuy! Manañam haykapipas mana iñiq huchasapa runakunaqa yaykumusunkiñachu.

Isaías 59:17

Allinkuna ruwasqanwanmi qasqonta hinaspa wasanta harkachikunawan hinaraq churakurqa, salvaq kasqanwanmi cascowan hinaraq churakurqa, vengakuyninwanmi pachawan hina churakurqa, piñakuyninwanmi mantonwan hina capakurqa.

Isaías 61:10

Isaiasmi kaynata nirqa: Tayta Diospim llumpayta kusikuni, Diosniypim sonqomanta kusikuni. Salvakunapaq pachawanmi pachaykachiwan, allin ruway capawanmi churaykachiwan, noviota hinam coronaykachiwan, alhajakunawan adornasqa noviata hinam adornaykuwan.

Isaías 61:5

Ovejankunatapas huklaw llaqtayuqkunam michinqaku, uvas chakraykichikkunapipas mana reqsisqa runakunam llamkanqaku.

Jeremías 10:11

Israelpa mirayninkuna, chay mana reqsiwaqniy nacionkunata kaynata nimuychik: Kay pachatawan hanaq pachata mana unanchaq dioskunaqa, kay pachamantam chinkachisqa kanqaku, manam mayqanninpas puchunqachu, nispaykichik.

Jeremías 10:15

Chay idolokunaqa mana imapaq valeqmi, castigasqa kasqanku punchawmi ñutusqa kanqaku.

Jeremías 25:19

Upyachirqanitaqmi Egip-topa reynin Faraonmanpas, serviqninkunamanpas, kamachikuqkunamanpas hinaspa runankunamanpas,

Jeremías 43:13

Egipto nacionpi Bet-semes llaqtapi sayachisqanku estatuakunatapas ñutuparunqam, kañaykunqataqmi Egipto nacionpi idolokunapa templonkunatapas, nispayki.

Jeremías 46:25

Israelpa yupaychasqan Tukuy Atiyniyuq Tayta Diosmi kaynata nin: Tebas llaqtapa Amón sutiyuq idolontam castigasaq, Egipto naciontam idolonkunatawan hinaspa reyninkunatawan kuskata castigasaq, Faraontapas payman hapipakuqkunatawan kuskatam castigasaq.

Jeremías 48:7

Moab runakuna qamkunaqa kallpaykichikpiwan qori-qollqekichikpim hapipakurqankichik, ichaqa qamkunapas pasaypaq vencesqam kankichik. Quemos sutiyuq idoloykichikpas, llapa sacerdotenkunawan hinaspa ancha reqsisqa runakunawan kuskam preso apasqa kanqaku.

Jeremías 49:27

Damasco llaqtapa murallankunatam kañaykusaq. Ben-hadadpa palacionkunatapas ninam tukunqa.

Jeremías 50:2

Llapallan nacionkunaman willakamuychik, banderata hoqarispa qapariychik, mana imata pakaspa kaynata niychik: “Babilonia nacionmi vencesqa rikurirun, Bel sutiyuq idolonkum penqaypi rikurirun, Marduc sutiyuq idolonkupas ñutupasqam kachkan, tukuy rikchaq idolonkunapas penqakuypaqmi ñutupasqa kachkan”, nispaykichik.

Jeremías 51:44

Bel idolotam Babiloniapi castigasaq, imapas millpusqankunatam atqochisaq, nacionkunapas manañam paymanqa hamunqakuñachu. Babiloniapa murallankunam tuñichisqa kanqa.

Ezequiel 29:11

Runapas, animalpas manañam chaynintaqa purinqañachu, tawa chunka watapunim chaypiqa manaña pipas yachanqañachu.

Ezequiel 29:19

Chayraykum ñoqa Tayta Dios kaynata nini: Babilonia nacionpa reynin Nabucodonosormanmi Egipto nacionta qoykuni, qori-qollqentapas hinaspa tukuy imantapas qechuspa chaykunawanña tropankunaman pagananpaq.

Ezequiel 30:13

Ñoqa Tayta Diosmi kaynata nini: Idolokunatapas chinkarachisaqmi, Menfis llaqtapi idolokunatapas tukusaqmi. Egiptopiqa kamachikuqpas manam kanqañachu Egipto naciontam manchakuywan huntaykusaq.

Daniel 11:8

Venceruspanmi diosninkunatapas, qori-qollqemanta alhajankunatapas Egipto nacionman apakunqa, hinaspam norte lawpi kaq reyta unay watakuna hawkallata saqeykunqa.

Sofonías 2:11

Tayta Diosmi paykunapa contranpi manchakuypaqta hatarinqa, kay pachapi llapallan idolokunatam chinkarachinqa, hinaspanmi tukuy hinastinpi payllaña yupaychasqa kanqa, lamar qochapa chawpinpi llaqtakunapas paytam yupaychanqaku.

Romanos 13:12

Tutam pasachkanña, ñam achkiramunqaña. Chaynaqa, tutayaypi ruwasqanchikkunataqa saqesunña hinaspa kanchaywan pachallisqa purisun.

Efesios 4:24

Hinaspayá musoq runawan pachakuychik, Diosman rikchakuq kanaykichikpaq, chayna runatam Diosqa unancharqa cheqaptapuni mana huchallikuq justo kananpaq.

Efesios 6:11

Harkachikunaykichikpaq Diospa qosusqaykichik llapallan armakunawan pachallikuychik, chaynapi allinta takyaptikichik, wateqasuqnikichik diablo mana urmachisunaykichikpaq.

Colosenses 3:12

Diosmi kuyasusqaykichikrayku akllasurqankichik payllapaqña kanaykichikpaq, chaynaqa musoq pachawan pachakuchkaq hinayá pachallikuychik: Allin kaqkuna ruwaywan, llakipayakuywan, sumaq sonqo kaywan, uchuychakuywan, llampu sonqo kaywan hinaspa pacienciakuywan.

Colosenses 3:14

Tukuymanta llalliqtaqa kuyakuywanyá pachallikuychik, kuyanakuymi allin huklla kaytaqa ruwawanchik.