Jeremías 42:22 - CHUYA QELLQA La Biblia en Quechua de Ayacucho 2012

²² Chaynaqa, cheqaptapunim kunan nikichik: Yachanaykichikpaq risqaykichik nacionpim, guerrawan, yarqaywan hinaspa peste onqoywan wañumunkichik, nispa.

Quechua Ayacucho Bible 1987

²² Chaynaqa cheqaptapunim kunan nikichik: *f**Yachanaykichikpaq munasqaykichik sitiopim wañumunkichik guerrawan, yarqaywan hinaspa peste onqoywan, nispa.

Chuya Qellqa 1992

²² Chaynaqa, cheqaptapunim kunan nikichik: Yachanaykichikpaq risqaykichik nacionpim, guerrawan, yarqaywan hinaspa peste onqoywan wañumunkichik, nispa.

Jeremías 42:22 Iomraidhean Croise

Isaías 30:3

Aswanqa Faraonman hapipakuynikichikmi penqakuypaqña kanqa, Egiptopi hapipakuynikichikmi pantachisuqnikichik kanqa.

Jeremías 24:10

Paykunamanmi guerrata, yarqayta hinaspa peste onqoyta kacharisaq, taytankuman qosqay allpamanta chinkanankukama.

Jeremías 42:17

Egiptoman rinankupaq atipakuqkunaqa, chaypim guerrawan, yarqaywan hinaspa peste onqoywan wañumunkichik. Manam hukllapas puchunkichikchu, nitaqmi castigo kachamusqaymantaqa mayqannikichikpas lluptinkichikchu.

Jeremías 43:11

Hamuspanmi Egipto nacionta atacanqa, hinaptinmi peste onqoypaq kaqkuna peste onqoywan wañunqaku, preso rinanpaq kaqkunam preso rinqaku, guerrapi wañunanpaq kaqkunam guerrapi wañunqaku.

Jeremías 44:12

Judá nacionpi qeparuspa kay Egipto nacionman yachanaykichikpaq hamuqkunapas, kay Egipto nacionpim llapallaykichik tukusqa kankichik. Llapallaykichikmi uchuy-hatun gue-rrawan, yarqaywan wañunkichik, hinaspam runakunapa ñakasqan, insultasqan hinaspa penqayman churasqan kankichik.

Ezequiel 33:27

Ñoqa Tayta Diospa nisqayta paykunaman kaynata niy: Ñoqaqa sutiyraykum kaynata nini: Purmasqa llaqtakunapi yachaqkunaqa guerrapim wañunqaku, chakrakunapi yachaqkunatañataqmi purun animalkuna mikunqa; qaqakunapi machaykunapi yachaqkunañataqmi peste onqoywan wañunqaku.

Ezequiel 6:11

Chaymantam Tayta Diosqa kaynata niwarqa: Makikikunata pitukuspa taqllakuy hinaspa chakikiwan haytakachaspa kaynata qapariy: ¡Ay, Israel nación imallapiraq rikukunqa millakuypaq kaqkuna ruwasqanmanta! Paykunaqa guerrawan, yarqaywan hinaspa peste onqoykunawanmi wañunqaku.

Ezequiel 6:12

Karupi kaqkunam peste onqoywan wañunqaku, hina llaqtankupi kaqkunam guerrawan wañunqaku, paykunamanta puchuqkunañataqmi yarqaymanta wañunqaku. Chaynatam piñakuyniyta paykunaman chayachisaq.

Oseas 9:6

Wañuymanta ayqeptikichikpas Egipto nacionmi hapimusunkichik, Menfis llaqtapim pampasunkichik. Llaqtaykichikpipas chaynataq qori-qollqemanta alhajaykichikpipas mana allin qorakunawan kichkakunam wiñanqa.