Jeremías 42:20 - CHUYA QELLQA La Biblia en Quechua de Ayacucho 2012

²⁰ Qamkunaqa kikillaykichikmi pantachkankichik. Kiki-kichikmi mañawarqankichik: “Yupay-chasqanchik Tayta Diosta ñoqaykupaq mañakuy hinaspa imam nisqanta ruwanaykupaq willawayku”, nispaqa.

Quechua Ayacucho Bible 1987

²⁰ Qamkunaqa kikillaykichikmi engañakuchkankichik. Kikillaykichikmi kamachiwarqankichik: “Yupaychasqanchik Tayta Diostayá mañakuy ñoqaykupaq hinaspayá willawayku imam nisqanta ruranaykupaq” nispa.

Chuya Qellqa 1992

²⁰ Qamkunaqa kikillaykichikmi pantachkankichik. Kikikichikmi mañawarqankichik: “Yupaychasqanchik Tayta Diosta ñoqaykupaq mañakuy hinaspa imam nisqanta ruwanaykupaq willawayku”, nispaqa.

Jeremías 42:20 Iomraidhean Croise

Jeremías 17:10

Ñoqa Tayta Diosllam runakunapa yuyaymanaynintawan sonqontaqa allinta reqsini; chaynapi imam ruwasqankuman hina sapakamaman pagapunaypaq.

Jeremías 3:10

Chaywanpas mana kasukuq ñañan Judapas manam tukuy sonqonwanchu ñoqaman kutirikamuwarqa, aswanqa hawa sonqollam. Ñoqa Tayta Diosmi chaynata nini.

Jeremías 37:3

Rey Sedequiasmi kacharqa Selemiaspa churin Jucaltawan Maasiaspa churin sacerdote Sofoniasta, chaynapi profeta Jeremiasta kaynata nimunankupaq: Yupaychasqanchik Tayta Diostayá mañapuwayku, nispa.

Jeremías 38:14

Chaymantam Jeremiasta rey Sedequías pusarachimurqa templopa kimsa kaq pationman, hinaspanmi nirqa: Kunanmi tapuptiy imam kaqta niwanki, nispa.

Jeremías 42:2

profeta Jeremiasman asuykuspanku nirqaku: Mañakuykikum llapallan kaypi puchuqkunapaq yupaychasqayki Tayta Diosta mañakunaykipaq. Rikuwasqaykikupi hinapas achkamantam ñoqallaykuña puchuruniku.

Jeremías 42:5

Chaymi paykuna nirqaku: Yupaychasqanchik Tayta Diosyá kachun contraykupi cheqap testigo tukuy imapas qamnintakama niwasqankuta mana ruwaptiykuqa.

Jeremías 43:2

Osaiaspa churin Azariaswan, Careapa churin Johanán hinaspa wakin hatun tukuq runakuna, Jeremiasta nirqaku: Chay niwasqaykikuqa llullam, yupay-chasqanchik Tayta Diosqa manam nisunkimanchu karqa: “Egipto nacionmanqa ama riychikchu”, nispaqa.

Ezequiel 33:31

Chaynapim runaykunaqa costumbrenkuman hina uyarinankupaq hamuspanku ñawpaqnikipi tiyaykusparaq uyarisunki, ichaqa manam ruwayman churanqakuchu. Paykunaqa kuyanakuqkunapa takinta hinaraqmi rimanku, sonqonkum ichaqa qollqellapi yuyaymanachkan.

Números 16:38

Huchallikuruspa wañuq runakunapa qontichinankuqa, inciensota ñoqa Tayta Diosman ofrecemuwasqankuraykum chuyanchasqa kachkan. Chaynaqa, llaspayachispa chaywan altarpa hawanman laqachun, Israelpa mirayninkunapaq señal kananpaq, nispa.

Números 17:3

Leví ayllupa tawnanpim Aaronpa sutinta qellqanki. Sapa ayllupa kamachiqninpam huk tawna kanqa.

Mateo 22:35

Hinaptinmi paykunamanta huknin kaq, Diospa leynin yachaq runa, imaynapas wichirachiyta munaspan Jesusta tapurqa:

Gálatas 6:7

Amayá qamkunaqa engañakuychik-chu, Diostaqa manam pipas burlakunmanchu, runaqa imapas tarpusqantam cosechanqa.

Santiago 1:22

Diospa palabranta ruwayman churaqyá kaychik, amayá uyariqllachu; chayna kaspaqa kikillaykichiktam engañakuchkankichik.